في الحنه شفت ملامح بت خالتي اللي هي العروس ملامحا حزيييينه جدا همست ليها مالك يا بت دي دموع الفرح مش؟؟؟! قالت لي فرح شنو يا سرو انا مجبوره 😢😢😢 قلت ليها اسكتي خلي الليله تعدي وبقيت ارقص وانا من جواي بفكرا الجابرا شنو والجابرا منو واكيد البت دي عاوزه تلعب باعصابي ما اكتر ...💔💔💔 خلصت الحفله والناس اتخارجو واحنا اخدنا الغرفه الفوق ننوم فيها انا والعروس وصحبتا المهم جيت قعدتها بعد ضمنت انو الناس نامو ومافي زول حيجينا .. قلت ليها مالك والجابرك شنو وانتي عاوزه تلعبي باعصابي مش؟! قالت لي لا يا سرو واتفجرت بالكاء وحكت لي انو ابوها جبرا تتزوج الزول دا بي حجه انو عريس لقطه وما بتفوت قلت ليها ابوك دا زول واعي مستحيل يجبرك يا بت .. قالت لي يا سرو انتي ما عارفه حاجه ساي فجأه صحبتا ادتا التيليفون وقالت ليها هاك دا محمد بت خالتي دموعا زادو وسكت التليفون وبقت تبكي بي صوت عالي وانا اسكت فيها يا بت هششش بتفضحينا وبيسمعوك وامي لو جات ما حتطلع الا تفهم الحاصل المهم هدت وبقت تتكلم مع الولد وانا ما فاهمه اي شي ومخي جاط وافكاري اتلخبطت 😢😢😢😢💔💔بقيت بس افكر لحد ما هي خلصت مكالمه قلت ليها اديني التفاصيل قالت لي محمد دا انا بحبو وبموت فيهو وابوي رافض اصلا انو محمد يتقدم قلت ليها ليه قالت لي لانو لسا وظيفتو ما علي قدر كدا .. قلت ليها ابوك فهمو القروش يعني ؟! قلت ليها سبحان الله
البت قامت سريع تجهز في حاجاتا وقالت انو محمد منتظرا وحتهرب معاو انا حيلي برد يا بت تهربي كيف يعني واحنا نقول شنو وانتي عرسك بعد بكرا.. قالت لينا انا لو اتزوحت الزول دا بنتحر وانا ابوي جابرني قلت ليها تجي تقولي الكلام دا يوم الحنه ؟؟؟ لو اصلا عندك فكره هروب كان تتخارجي من زمان وهسي انتي خلاص اتورطي ومافي اي حل 😢😢😢😢😢😢 صحبتا قالت ليها سرو كلاما صاح وانتي مستحيل تهربي وابوك دا ممكن عادي يفضي فيك رصاصه وحده والتانيه فمحمد وما تتهوري
المهم بقت تبكي وانا زاتي بكيت معاها😢😢😢💔💔💔
قلت ليها بحلا ليكي يا زوله قالت لي كيف قلت ليها بس نومي
المهم اتصلتا لصحبتي حكيت ليها الحصل قالت لي اها والمطلوب قلت ليها انتي فاهمه مافي داعي تتجرجري قالت لي كويس ساعه بس وبديك الاكيده .. ساعه بالظبط وقالت لي ما حيتم .. قلت ليها متاكده قالت لي اي حيجر قلت ليها العرس بعد بكرا قالت لي حيجر قلت ليك.. المهم قلت ليها اها والمطلوب كم قالت لي بس جيبي الف قلت ليها بعد اضمن انو ما تم بديك القروش
بت خالتي ما مصدقه وقالت لي مستحيل وشنو المهم ما اشتغلت بيها وبقيت بتكلم مع صحبتي وقفلتا منها ونمت ... الصباح صحيت بي جوطه وكركبه لقيت راجل خالتي يهرج ويقول دا راجل ما عندو زمه ولا ضمير العرس بكرا وهو ياخرو يقول تاني شهر انا اقول للناس شنو واقول لبتي شنو دا كلام فارغ وطلاق تلاته ما اديهو بتي انا لا اراديآ جريت لبت خالتي وصحيتا وسمعت الكلام كلو البت بقت تعاين لي وتبكي وتقول لي عملتوها كيف دي 😂😂😂😂😂😂💪 قلت ليها شغلنا يا زوله ايدك ع الف قالت لي والله الفين كمان ما الف واحد المهم رسلت لصحبتي القروش تديهم للزول الظبط لينا الموضوع
كدا امور بت خالتي في السليم 😂😂😂😂😂
المهم الامور كلها ماشه لصالح بت خالتي ودا المهم ... يعني بالله هي ما عاوزاهو وجبروها انا اساعدا؟؛ لالا مستحيل
ما علينا المهم طبعا الاهل طلعو كلامات كتيره وختو اللوم ع الراجل واحنا ما ظهرنا في الصوره خالص 😂😂😂😂😂👏
وبقو يقولو ليها بحيك سيد سيدو يابت وما تهمتي وابوها زاتو حسا بي غلطو وقال ليها انا جبرتك عليهو وهو خزلني وما بديك ليهو تاتي قالت لابوها انها اصلا ماعاوزاهو تاني ورمت دمعتين كدا 😢😂😂😂 مجررررررمه
المهم اثناء ما انا وامي بنلم في حاحاتنا طالعين جات خالتي تزغرد😂😂😂😂 قالت لامي والله انا اصلا الزول دا ما كنت عاوزاهو لبتي والله حلانا منو
اامي قالت ليها موضوعو دا فيهو انه اصلا ما راكب راسي فجأه كدا يغير رايو
امي مفتحه و واقعه ليها 😂😂😂😂 انا عملت رايحه بي كلوووو خالتي قالت ليها اه ياخ اخد الشر وغار وفي ستين
وبت خالتي تشيلل وتتبسم فرحانه قمت قرصتها قلت ليها اعملي زعلانه يا عولاق ما تفضحينا 😂😂😂😂😂 قالت لي طيب
المهم رجعنا البيت
في الطريق للبيت امي قالت لي موضوع بت خالتك دا زي الفيهو شيخ قلت ليها كيف قالت لي دا شيح وشيخ قوي كمان 😂😂😂😂 ركبتا سماعاتي وعملت رايحه مالي ومال الهوا 😂😂😂 ابوي اتصل لي وقال لي وين انتو قلت ليهو ياحاج فاتك شمار مولع قال لي شنو قلت ليهو قربنا نصل ابرد 😂😂😂
وصلنا البيت ابوي فتح الباب قال لينا مالكم والجابكم شنو مش العرس بكرا .. امي قالت ليها ندخل ونفهمك المهم وريناهو الحصل قال لينا والله دا شيخ قوي والموضوع واضح 😂😂😂 طوالي لملمت حاجاتي ومشيت غرفتي
دخلت الفيس قلت لشوف صفحتي الحاصل شنو
بس اول زول ف الاقتراحات القاهو دكتوري طوالي رسلت ليه طلب 😂😂😂 وبقيت منتظره..
يتبع.....
