هاله... لج سارة فرحانه هواي
سارة... دومج بس لويش؟
هاله... شلون لويش يعني متعرفين خلصت دراستي ودخلت الجامعة الي اريدها ورفعت راس امي وطلعت معدل وهاي اكبر فرحه
سارة... هاا بس اهم شي سجاد معترفلج بحبه مو😉
هاله... لا اهم شي فرحه امي😌
سارة... الله يديمها
هاله... امين
سارة... شوكت يبدي الدوام اريد ادخل الجامعه واشوف الشباب الحلوين😂
هاله... انجبي لج دگولي اريد احقق طموحي واتوفق بدراستي شكد ملطلطه😂
سارة... تعرفيني احب الحلوين حتى معدل مطلعت جان عندي المهم ادخل جامعه مو مثلج كاتله نفسي على المعدل وطلعتي صيدلة بخت
هاله... اي عيني دگولي ماشاء الله
سارة... شون سجاد يحبج وانتي مخلصتها بس قرايه
وداومت هاله وجانت فرحانه كولش والقدر انو يوسف بنفس الجامعة
هاله جاي تمشي عثرت بس موكعت
يوسف... الله الله اسم الله😐
هاله... خجلت ومشيت بسرعه
يوسف... هاي شبيها مبينه سنه اولى😂
محمد صديق يوسف... اي مبينه😂بس والله حلووه يبووووو گمر وضلو يضحكون
هاله... الكبر شبيه بس اتعثر عبالك ثوله خلي اروح للبيت قبل لا انسحل من اول يوم وراحت للبيت
هاله... ماما وينج
ام هاله... ها حبيبة امج هياتني بالمطبخ شون جان اول يوم الج
هاله... يخبل بحيث كل شويه اعثر😂
ام هاله...
اسم الله ماما شبيج ان شاء الله مبيج شي
هاله... لا ماما بس لان اول يوم لذلك ارتبكت
ام هاله... قصدج انثولتي😂
هاله... ها ماما حتى انتي 😂
هاله... ماما حروح لغرفتي من يكمل الغدة گوليلي
ام هاله... ماشي يروح امج😘
اتصل عليها سجاد
سجاد... الوو شلونج حبيبتي
هاله... هلا سجاد
سجاد... مشتاقلج صارلي شگد محاجيه وياي بس مشغوله
هاله... اي والله مشغوله واني گوتلك ما اكدر اسولف وياك اذا تريد تعال احجي وي ماما حتى يصير عدها علم وتكون خطوبه عائليه ما اكدر احجي وياك وماما متقبل
سجاد... بس تريدين متحجين وياي انتي متحبيني
هاله... اي ما اريد اخون ثقة امي گوتلك ما احجي وياك لحد متصير الخطوبه لان ما اريد اكسر ثقه ماما واني من البدايه جنت صريحه وياك حتى كلمه احبك مگتلك وانت ابن عمتي لازم تخاف عليه
سجاد... ماشي فهمت قصدج بااي
هاله... بااي
ومر اسبوع وداومت هاله وجانت فرحانه كولش وجانت كل حياتها هي دراستها وامها بس يا فرحه ماتمت بيوم اجه خبر لهاله انو ابن عمها ضارب واحد وقاتله وعاشت العائلة برعب وهلع كذا شهر وبدت هاله متروح الدوامها لان عمامها مطلوبين ثار
قرروا يرحون لاهل الميت ويشوفون شنو يردون الى ان اجه اليوم المشئوم بالنسبه لهاله
للحكايه بقايا......
اتمنى تتفاعلون وي القصه حتى اكمل بسرعه
