ابو سارة،،، اجه لزوجته لج هذول طالبين 30 مليون
ام سارة،،، اي انطيهم
ابو سارة،،، لج وطالبين مره واذا منطيناهم ابنج يمووت
ام سارة،،، وشنو الحل مثلا يموت ابني والله اخذه وانهزم بي
ابو سارة،،، الموضوع مينحل هيج لازم ننطيهم سارة فصليه
ام سارة،،، لا لا شنو ننطيهم سارة اخرب حياة بنتي علمود الثار لا والله ابد
ابو سارة،،، وشنو الحل محد من اخوتي ينطي بنته واني عندي بنات 4
ام سارة،،، بناتي صغار وسارة اعرف شلون اطلعها من هاي السالفه
ثاني يوم گعدوا اعمام سارة علمود يحلون الوضع وتوصلوا انو ينطون سارة فصليه
سارة،،، والله اقتل نفسي وما ازوج هيج زواج
هاله،،، حبيبتي فدوة اروحلج لتنقهرين مراح يصير شي لتبجين قابل احنا وين عايشين ماكو هيج عادات
احنا ناس دارسين ونعرف شنو الحل للموضوع
سارة،،، شلون ولج واني حياخذوني فصليه
هاله حضنت سارة وضلت تبجي وتصبر على صديقتها
وبعد يومين سارة وامها وابوها سوو حيله
اجوو سارة وابوها وامها لعمها وگالوله،،، شون ننطي سارة فصل وهي مخطوبه ومقريه فاتحتها على ابن
عمتها سجاد
سارة،،، اي عمو اني من زمان قارين فاتحتي وگتله نكمل دراسه ونگول للناس حتى اسأل سجاد وعمتي اذا ممصدك
ام سارة،،، اي والله لازم نشوف غير سارة لان سارة مخطوبه
عمهم،،، شون يعني اذا منطيناهم حيستمر الثار واحتمال تخسرون ابنكم
ام سارة،،، هاي هاله بنت حيدر (الله يرحمه) شابه حلووه وماعدها لا ابو ولا اخو يطلع وراها ننطيها ونخلص من سوالف الثار
اقتنع عمهم بكلامها ووافق ينطون هاله فصليه وصل الموضوع لهاله
هاله،،، ماما هذول شديحجون شنو ينطوني فصل
ام هاله،،، الا اني ميته لتخافين مراح يصير هيج
هاله خابرت على سجاد
هاله،،، الوو
سجاد،،، الووو
هاله،،، سجاد انت ابن عمتي وعرفت الموضوع لك يريدون ينطوني فصليه الله يخليك ساعدني مو انت تحبني گول اني خاطب هاله ومراح تاخذوها مني سجاد ساعدني ما اريد اروح فصليه الله يخليك
سجاد،،، اسف حبيبتي بس اني خطبت وما اكدر اساعدج
هاله،،، تفاجئت خطبت شوكت ومنوو
سجاد،،، قبل فتره خطبت سارة بنت خالي
هاله بصدمه،،، ساره بنت عمي لو غيرها؟
سجاد،،، اي اسف مگتلج اني على علاقه بسارة واحبها وما گدرت اشوفها تضيع مني وبصراحه سارة تحبني وخالي وعدني يشتريلي سيارة واعيش احسن عيشه وسارة من زمان تحبني وانطتني كلشي بدون ما اطلب مو مثلج ايدج متقبلين الزمها
هاله،،، الله ينتقم منكم يا انذال وسدت الفون وكعدت تبجي منا المشكله ومنا حبيبها وصديقتها خانوها اجت هاله على سارة
هاله،،، لج سارة لويش هيجي سويتي
سارة،،، شسويت عيوني ممسويت شي اخذت شي من حقي قابل اروح فصليه لو شنو وبعدين انتي متحبين سجاد واني احبه مضربته على ايده علمود يخونج
هاله،،، حرامات سميتج اختي يا خسارة كولشي بيج
للحكايا بقايا،،،،
مجاي يعجبني تفاعلكم اذا القصه مو حلووة گولي حتى الغيها
