#عشق_الطوائف البارت الثاني بقلمي #نور_الحسني - حبينآكُم و ما ندري تالي الشوگ عكازة و من عدكُم عرفنة الدمع مو بآلكيف ، ترا اليشتآگ يتوآزة ،💔 # . . . . . . . . . . . . . . . . . . . فد يوم من الايام اجت عمتي علينه هاي عمتي عدهه 2 بنات (رنا وساره) بنفس عمري تقريبا وكلش علاقتي بيهن قويه فكاعدين بالحديقه و دنسولف حجيتلهن ع علي وانه اني ماكدر اخابره قاطعتني رنا بسؤالهه : اذا اساعدج تخابري؟؟ جاوبتهه ياريت وجنت فرحانه حابه اخابره واتعرف اكثر عليه حتى اذا بس اسمع صوته كلش كافي المهم جابتلي فون امهه ودخلنه لغرفتي بحجة انه تغير ملابسهه وخابرته حصلته .........علي: الوووو طبعا اني جان كلبي يدك سريع وخايفه الوو هلوو ..علي؟؟ علي:اي منو وياي؟؟ اني ضحكت: هاا مزهريتي شلونك اني ملاك 😍😍😍 علي : هلا بروحي هلا بعمري جاوبته اني : عزااااا عفيه لتحاجيني هيج استحي 😍 علي: تعودي ع هيج كلمات مني المهم وينج ليش مخابرتيني كل هاي الفتره؟؟ جاوبته : علي اني بس سمعت صوتك رجعتلي روحي وحابه اسولف وياك واتعرف عليك اكثر بس ماكدر ماعندي فون وصعبه اخابرك من فون امي علي: واني هم حاب اتعرف عليج واحجي وياج يوميه ما اتحمل انتي بعيده وماعرف اخبارج كتله علي كلما تصير فرصه مثل هاي اخابرك اطمأن اني هم حابه احاجيك واسمع صوتك.. جان هو يضحك (يمه فدوووه لهاي الضحكه ) هذا الولد شسوه بيه كلب احوالي كلهه ضلينه نسولف اندك باب الغرفه ..رنا :منو ؟؟؟ جاوبتهه زوجة اخويه(غصون) :حياتي تعالو رح انصب الغده ....رنا: اي جايين بس ابدل ملابسي واطلع اني حاجيت علي كتله هاي وضعيتي حاول تتحملني هو ضاج اني فرحته : علاوي عمتي بايته يمنه اليوم رح احاول اخابرك مره ثانيه ..علي: ياريت ملوكه كلش حاب اسمع هذا الصوت وهاي الضحكه مره لخ اني ضحكت وكتله خلص لعد اخذ راحتك علي: ديري بالج ع نفسج لأن انتي تخصيني اني حسيت بفد شي غريب ممجربته قبل يعني ممحاجيني احد بهاي الطريقه المهم سديت الفون وطلعنه تغدينه بس اني طايره من الفرح وتتردد ابالي عباراته وصوته بعده يرن بمسمعي اوووف شسولف جنت كلش واكعه بحب هذا البغدادي صار الليل واني بفارغ الصبر بس حتى احجي ويه علي انتظرناهم ينامون طبعا جان الخوف والقلق مو طبيعي المهم نمنه بالغرفه اني وعمتي وبناتهه بينما نامت عمتي رما اخذت الفون منهه وخابرته هو خطيه مراد عمتي تحس ع رصيدهه من تشوفه بي نقص فأنطاني رفض وهو خابرني ضلت رنا كاعده يعني تراقب باب الغرفه خاف احد يدخل جانت الساعه بال1 ضلينه نسولف ونضحك اخذنه الوقت محسيت الى ان صارت الساعه فوك ال3 علي باجر سبت يعني لازم اكعد اقره ماكدر اضل كاعده اكثر علي: انطيني وعد متحرميني من صوتج جاوبته وانته هم انطيني وعد شوكت ما اخابرك او احتاجك تتفرغ من كلشي وتحاجيني علي:اكيد هاي منتهين منهه.. عرفت هواي شغلات عن علي ضل يسولفلي عن نفسه وذوقه وعائلته واني هم نفس الحاله ..... عدت ايام واشهر واني كلما تصير فرصه اخابر علاوي يعني مره من فون عمتي مره من فون اختي من تجينه بلا متدري اكيد كلما اخابره واحجي وياه كمت احبه اكثر تعلقت هواي بعلي واحس بي هو هماتين تعلق بيه ويشتاقلي يفرح من احجي وياه يزعل من اتأخر عليه من نتخابر اسولفله كل تفاصيل ايامي يعني البيت والمدرسه وهو هماتين يسولفلي حسيته عايش وياي بمرور الأشهر صرت من صوته افهم مزاجه واعرف نفسيته يعني صرنه نفهم بعض وبالنسبه الدراستي ماشيه كلش زينه ونجحت من السادس بوقتهه جان معدلي 93 وجانت الفرحه انه بابا اشترالي فون وخط لأن اهلي يثقون بيه مرات احس بذنب اكول اني دسوي شي غلط واخون هاي الثقه الحلوه بس جان الحب اكبر واقوى مني وراهه ضليت اتواصل ويه علي بشكل مستمر يعني استمرت علاقتنه اقل من سنه بس فون مجرد اتصالات ورسائل بس الشي الجان يربطنه قوي وعلاقتنه لطيفه وحلوه من بدت العطله الصيفيه رحت لبيت اختي بس مو مثل قبل يعني صح مو محجبه بس حسيت نفسي كبرت عيب العب بالشارع واذا مرات اطلع هيج اكعد بالباب اني وابن اختي ويه زهراء صديقتي جان علي دائما يجي واشوفه بس هو ابن المنطقه والناس تعرف اختي وزوجهه مردت تجيهم حجايه مرات يجي ما اقبل اطلعله اصعد للغرفه الفوك من الشباك اشوفه وهاي جانت احلى مواعيد رغم بساطتهه ومجرد نظرات بس بيهه كل الحب والبراءه استمرينه ع حال تقريبا اكثر ايام العطله علي جان وين ما نطلع الكاه كدامي يعني نروح نزور مرات للسوك او للمتنزه الكاه كدامي مره جنت دحجي وياه : حبيبي اليوم رح نطلع ؟ علي :وين وشوكت حتى اجي جاوبته:علي ميصير وين منروح انته موجود خاف يحسون عليك ويشكون بيه عفيه ماريد مشاكل علي: ماكو اي مشاكل اني ما اخاف عليج انتي صغيره واريد اكون قريب عليج اذا غاثج ومتريدني بعد حتى ما اخليج تشوفيني اني من شفته ضاج كتله خلص وسديت الموضوع.... اني كلش احب اهتمامه بيه المهم مصار اي حدث مميز بالعطله انتهت واني رجعت لديالى صرت صف اول متوسط مشت الايام طبيعيه الدراسه صارت اصعب مو مثل الأبتدائية وصرت احس علي يلهيني يعني هو ممهتم بدراسته ويحب اكثر وقتي اضل احجي وياه اني صح احبه بس احب انطي كلشي حقه يعني مثل ما احجي وياه واسمع صوته اعرف اخباره هم لازم اقره وما اقصر بدراستي المهم فد يوم جان عندي امتحان كيمياء واخذني الوقت واني دحجي وياه كلما اريد اسده يزعل واني ابقه المهم وراهه قريت بس مو بالمستوى المطلوب ثاني يوم رجعت ابجي من المدرسه شافني بابا : ها باباتي ليش دتبجين ؟؟ حجيتله امي سمعتني وصارت عصبيه : كله من وره الفون تخابرين صديقاتي ومتقرين زين اني مكدرت اجاوبهه اعرف نفسي مقصره المهم اخذت الفون وضمته واتفقت وياي اذا اخذ اقل من 90 تبطلني زين اني علي مكتله اي شي وجنت ضايجه منه لأن بس يتزعل عليه و ملهيني ميخليني اقره ..المهم جان تحدي النفسي انه اقره وارجع مثل قبل درجاتي عاليه بس هم اشتاق العلي تعودت عليه المهم عدت الايام واني ملتهيه بدروسي وممقصره بشي بس اشتاقيت العلي ولازم يعرف ليش خطي مغلق وميضل باله.. فد يوم جانت ندى بنت جوارينه يمنه شافتني ضايجه ندى :شبيج ضايجه ملوكه ؟؟ اني مجنت اثق بيهه يعني من جنه صغار نتعارك هواي وجانت تغار مني اني اشطر منهه هي بطلت واني كملت بس فكرت كلت ماعندي حل غير ندى هي جان عدهه فون كلت خل اثق بيهه :ندى اني احب واحد وامي اخذت فوني ومتشدده عليه حتى اقره يعني فجأة انقطع اتصالي بي تكدرين تخابري وتحجيله وضعييعني خاف عباله اني عفته ؟؟ ندى:لتهتمين ملاك بس انطيني رقمه اني افهمه اني فرحت :وكليله ملاك تمووووت عليك بس يرجعولهه جهازهه تخابرك ...شسوي مجان اكو حل عمتي متجينه لأن شالو خارج ديالى واختي ابنهه مريض وملتهيه بي مكدرت تجينه فتره طويله ثاني يوم رجعت من المدرسه شفت ندى واكفه ابابهم ...هلوو ندى بشريني خابرتي علي ندى:اي خابرتهه وحجيتله كلشي يكول خلص خل تعتم بدراستهه وادير بالهه ع نفسهه واني هم امووت عليهه وانتظرهه اني كلش فرحت حسيت روحي رجعتلي من اطمأنيت انو علي عرف وضعي وعاذرني وراهه مشت الأيام واني درجاتي ماشاء الله فوك ال90 وكل المدرسات يحبوني يعني حياتي طبيعيه مشت صح جنت اشتاقله مووت واتمنى اسولف وياه بس من كال اهتمي بدراستج خلص اطمأنيت انو هو مضايج مني ويريد مصلحتي راحت ايام اجت ايام كملت امتحانات نصف السنه وامي رجعتلي فوني ع كد العطله وترجع تاخذه هي مرجعتلي فوني لا رجعتلي الهوا والضوا وروحي رجعتلي الحياة بأختصار المهم اول شي سويته خابرت علي يدك الفون وحصلته واني كلبي يريد يطلع من صدري دنتظره يجاوب بس مجاوب ضليت يومين اخابره وميجاوب ضل بالي عليه خاف صاير بي شي لا سامح الله باليوم الثالث هم خابرته وكلبي مشتعل نار بس اسمع صوته واعرف اخباره فتح عليه خط جاوبته بلهفه الوووو علي...... حبيبي ؟؟😟😟 علي جاوبني بكل برود :: خير شتريدين مني ؟؟........ يتبع
