#عشق_الطوائف البارت التاسع بقلمي #نور_الحسني #مشتاكلك والليل وحشه 💕🕝 ودمعتي التنزل ثكيله 😭 وصوتها من اطيح عالي 💧💧 . . . . . . . . . . . . . . . . . . تحسين: ماكو شي حبيبتي ام تحسين : مبروك حياتي ملوكه رح تصيرين ماما تحسين : احلى وانزك ماما بالدنيا تفاجئت :اني حامل ؟؟ تحسين جاوبني والفرحه ماليه عيونه : يي ياروحي حامل التحاليل مالتج هيج تكول ... ضليت اضحك ممصدكه اني كلش احب الأطفال بس تمنيت هاي الفرحه يشاركني بيهه علي ويكون علي هو ابو اطفالي بس القسمه والاهل والوكت كلهن انجمعن عليه *يييييييي لازم اروح للمدرسه عندي امتحان !!!! تحسين : لتشغلين بالج حبي اني امر للمدرسه اخذلج اجازه مرضيه اهم شي ترتاحين رجعنه للبيت كل شويه اباوع لتحسين اشوفه يضحك وفرحان اني هم فرحانه ... احلى شعور بالدنيا انه الوحده تصير ام دخلت غرفتي حتى اغير ملابسي دخل تحسين ..تقربلي ولزم ايدي باسهه : متدرين شكد فرحتيني !! * يي اني هم فرحت تحسين: كلشي ماريد بعد ملوكه يمي ورح يجيني احلى طفل منهه كلشي تمنيته ربي حققه الي ** يي الحمد لله ع كل حال تحسين : تعبانه انتي خلص اخذي راحتج اني مرح اروح للكليه اليوم ** روح لدوامك اني مابيه شي تحسين: لا خليني اليوم بس اباوع لعيونج واتأملهن حتى اتخيل ابني شلون رح يطلع شكله جاوبته : يجوز يطلع يشبهك؟؟ تحسين : يكولون اليطلع ابنهه يشبه ابوه معناتهه تحب زوجهه ....صدك ملاك انتي تحبيني؟؟؟؟ اني عيوني دمعت وصرت ابجي تذكرت علي من جان يسولفلي ع الاطفال وع امنياته وياي 💔 تحسين: شبيج حبيبي اني ضوجتج بشي ؟؟ ترا بس كتلج تحبيني ؟؟خلص اكرهيني بس لتبجين اني ضحكت ☺☺ تحسين :يي فدوه لهاي الضحكه هيج اريدج .....هسه شنو متحبيني؟؟؟ اني دشوف اسلوبه وياي حلو ويحبني وباني احلامه كلهه عليه مردت اكسر خاطره جاوبته : يي تحسين احبك شعندي غيرك انته وابني تحسين : شوفي شكد حلوه بلسانج هاي الكلمه 💕💕راحت ايام واسابيع واني احاول اوازن بين دراستي وحملي وتحسين كل يوم انام بدمعتي مكدرت انسى علي بس ماعندي امل بعد انه ننجمع فد يوم ........ مشت الايام والاشهر بسرعه خلصت الامتحانات الوزاريه وطلعت معدل زين وتحسين تخرج وجان يساعدني بدراستي ويهتم بيه فترة حملي ........ خلصن الاشهر التسعه لحملي والحمد لله عدت ولادتي بسلامه واجاني نونو يخبل تحسين طلب مني اسمي ابننه فسميته علي 💕 العائله كلهه فرحانه بي اهلي علاقتي بيهم زينه شسوي ماكدر ابقه حاقده عليهم بمرور الايام نضجت وفكرت بواقعيه اكثر امي مجان هيج تصرفت لوما ام علي تجي وتسويلي مشكله .... فديوم جنت سهرانه ويه علوش وتحسين جان كاعد يكلب بفونه بس شكله ضايج اني حاجيته : تحسين شبيك ضايج صاير شي؟؟ تحسين : مابيه. شي *لا ما اصدك انته ضايج من شي تحسين : اذا انته هيج تفهميهه هي وطايره لعد ليش مدتفتهميني ** تحسين لتعلي صوتك ليكعد علاوي تحسين ؛ خل يكعد ..ملاك اني تعبت انتي ممهتمتلي ودتشوفيني ما اشتكي ولا احجي مستغله هل شي **تحسين اني ممستغله شي واعرف مقصره وياك بس تدري جانت امتحانات وضغوطات حملي وشغل البيت انته هم اعذرني شريد اصير اني تحسين : ملاك اني احبج من جنت صغير يعني بعمري مفكرت بغيرج ..صرتي مرتي وام ابني لتخليني احتاج غيرج اني هم شاب ومن حقي اريد الي تفهمني وتهتم بيه ضليت ابجي اعرف نفسي مقصره تعذرت منه وحتى ميشك بيه ويكلي انتي متحبيني وبالج يم غيري جان علي بحظني كمت خليته بفراشه وتقربت من تحسين وكتله عوف الحجي رح تشوف ملاك ثانيه بالأيام الجايه وحظنته وبسته ..............وراهه نام طبيت اني للحمام سبحت وضليت ابجي يعني كل هذا الدلال والحب من تحسين واهله بس اني كلبي وروحي يم علي ..هاي لعنة الحب الي متفاركني وتبقه تنكد حياتي وراهه صحيت لصباح يوم جديد اشوف تحسين فرحان بيه وبعلاوي من شفته فرحان تلقائيا اني ابتسمت وحسيت ضميري مرتاح صرت احسن علاقتي بتحسين ما اكول صرت احبه ونسيت علي لا بالعكس بكل مكان بروحي اكو اثر وبصمه لعلي بس تحسين يحبني ويحاول يرضيني ويسعدني فمردت اكسر خاطره... وراهه انقبلت بجامعة بغداد الكليه الي جنت اطمح الهه "كلية القانون" بدا الدوام وتحسين جان يوصلني ومن ينتهي جان هو يرجعني للبيت مشت الايام واني تحسنت علاقتي بتحسين وابني العائله كلهه تهتم بي وبيه ومجرد اشوفه يضحك احس ربي عوضني بي عن كل دمعه بجيتهه فد يوم خلص رضيت بالواقع هذا قدري بس علي جان بكل لحظه عايش وياي ..... .............يتبع 🌷🌸🌺
