احببت مجنونيَِِّ😍

الجزء العاشر

البارت10

اسيل:مرت سنة موهالكد اشوف اياد ولاهو يشوفني بعد مرور فتره صادف زواج ابن عمي اسمه مؤمن صادف بلحنه مالته جنت بلغرفة اسمع الباب اندك نزل اشوف منو وطلع الي بلباب اياد
اسيل: تفضل رايد شي
اياد: شرايد شبيج تحاجيني هيج تعرفيني اني اياد
اسيل: يي اعرفك اياد لعد منو شبح ماله(حجيتها بعدم اهتمام ومشيت)😏
.
.
.
شوي واجو البنات كلها محتاره شتلبس وسطرني علمود ابدل فكلت خلي ابدل بلكت تتغير نفسيتي هنا خلصن واني رحت غيرت ملابسي ولبست بدلتي جديدة تخبل حلوه وطلعت عليه جنن ومكياج نزلت من درج كلها ضلت صافنه عليه نوبة سمعت العريس گال
مؤمن:خرب هاي عروس والله حتى طالعه احاله  من عروس😂 (كلها ضحكت)
.
.
.
بعدين اجوو بيت عم اياد قبل العرس بيومين وبقو بيت اهل اياد وعندهم بنية اسمها زينة (عمرها18 بهذاك الوكت جان) وجه ابيض عيونها صفر  طولها 145 قزومه دومها لاطشه لااياد اني هيح سويت وهيج وتتفيك براسه وهو يشرد منها لان يعتبرها مثل اخته هي جانت سادس ادبي مخلصه مااحبه شايفه روحه لان هي لمدلله عند اهلها هي وحيدة اهلها عندها اخوان بس خوات لا  وامها ماتت من جابتها وابوها جبير وزوج فلهذه مدلله
..العرس يصير بينا وبين بيت عمي لان احنا سوا قريب بيتنا ويكفي مثل عرس اخوان اياد جنت برا واكفه بلحديقة اشتغل اجت سئلتني عن اياد
زينة: اكولج شوفتي ايودي دا ادور عليه وما دالكاه(تحجي بدلع وبحلكها العلج)😒
اسيل: عيني ايودج  راح وياا العريس علمود يشترون القاط
زينة: وانتي شعرفج ماكلي شلون عرفتي انتي(تحجي بصياح)😠
اسيل: اول شي دريت من العريس وثاني شي ليش تصرخين
زينة: مو ماكو حبيب مايكول لحبيبته وين رايح(مياعه)
اسيل: هاا ضلع كبل لعد باركيله بنيابه عني(حسيت بغصة بكلبي واريد احطها واموتها)
… دخلت للبيت ضايجة شفت مرتضى ابن عمي ويصير اخو مؤمن وبنفس الوقت ابن خال اياد وصديقه الروح بروح شافني
مرتضى: هاا شبي الحلوو زعلان وضايج
اسيل: مابيه شي جان حتى مالي نفس اضحك
مرتضى: تعاي فوك بسطح وكليلي شبيج
..ورا شوي صعدت فوك بسطح ورا
مرتضى: يلا فضفضي الي وارتاحي محد يسمعنا هنا بس لاتكرلين اياد مضوجج والله اكتلج😂
اسيل: يي هو
مرتضى: والله يحبج وانتي هم المن هالتكابر بعد
اسيل: مايحبني يحب هذيج بلعافية عليه ربي يهني
مرتضى: وانتي ضايجة من هاي يلا عادي هو يحب وحدة وانتي هسه كوليلي احبك وهاي تعادلتو😂 يلا ادري بيج تحبيني يلا كولي احبك
اسيل: كافي😂
مرتضى: يلا كولي احبك ادري بيج تحبيني
اسيل: احبك م… (اريد اكمل قاطعني صوت احد من ورانا)

نرجع لااياد
.
.
.
.
مرت سنة واسيل اشوفها قليل وبعدها تجاهلني صار اهتمامي اشوف اسيل واكمل دراسه واخذ شهادة مرت لاايام وصادف زواج ابن خالي مؤمن وفرحانين اله شفتها تحاجين بعدم مبالاه صادف بحنه نزلت مبدله طالعة اية من جمال فدوه لله كلها ضلت تباوع مؤمن من گال احله من العروس غرت عليها بدي هذا جمال محد يشوفه بس انا وقبل العرس بيومين اجو بيت عمي وعدهم بنية اسمها زينة لاطشتلي تحبني بس اني مااحبها اعتبرها مثل اختي انتبهت ع اسيل تغار منها واني مو بالي هي اصلا وتدري بي احب اسيل ودومها تحجي ع اسيل انو ماتصلح الك وزعطوطه ومن هذا كلام

يتبع

اسيل من شخص الذي قاطعها وهل ستحدث مصيبه واختلاف وهل ستوضخ الموقف ام يبقى بنظر المجهول غلط صار ماتوقعاتكم انشالله في البارت القادم سكشف هذا الاحداث 🙂❤