احببت مجنونيَِِّ😍

الجزء الثامن

البارت8

اياد.. گبل طلعت للبيت مااعرف ابجي ماادري اضحك مادري احزن شلون راح اتحمل فراگها صح هي الي وماراح تصير لغيري بس مااكدر اتحمل بعدها عني ومااحجي ويااها صبرك ياالهي😖

(نرجع لااسيل)
اجو اهلي واجتلي ماما لغرفتي
.
.
ام اسيل: اسيل حبيبتي بعد ماتحجين وياا اياد لان تدرين اذا ابوج عرف شيسوي
اسيل: 😭
ام اسيل: وعديني ماتكلمي بعد
اسيل: انشالله ماما بكلبي(اووف شلون اتحمل فراگه هو الهوا الي اتنفسه وروحي شلون انسى روحي اووف ياربي😖)

بعد مرور 4اشهر
.
.
.
اسيل: مرت 4اشهر ماراسلت اياد لان وعدت ماما وهو ماراسلني معقوله نساني ونسى حبي اله صارلي 4اشهر لاشفته ولاكلمته مااعرف شصاير بحالة
ام اسيل: ماما اسوله حظري نفسج علمود نروح
اسيل:مااريد اروح
ام اسيل: مو بكيفج عيب ابن عمتج(اخو اياد جبير) مرتة جابت وانتي مو تحبين وتعزين اولاد عمتج لازم نروح نباركلهم عيب منهم
اسيل:حاظر ماما (بكلبي فرحت😍 راح اشوف حبيبي وعمري وكل حياتي اشتاقيتله مااعرف صاير بحاله)

اجاا بابا ورحنا لبيت عمتي ام اياد
.
.
. فتح الباب النا اياد اووف شكله تعبان بس حليان سلم ع بابا وع عمر سلمت عليه مارد عليه سلم ع اخوي ليث صاير وراي سلم عليه ودخلنا وحتى ماباوع بوجهي
.
.
اسيل: معقولة هذا اياد هيج مجاهلني كأني ماموجودة معقوله حب وحدة من بنات الكلية الي وياا ونساني لا مايسويها هو وعدني اني اله ومااصير لغيره هذا ياوعد وهيج باابسط موقف تخلى عني
شوي وگالو طلعت نتائج الكلية واياد طلع2 ع القسم ماله الكل باركله وفرحانين اني رحت باركتله مارد عليه اختنكت مااتحمل بعد بس الي يمسني اطلع كل الم بكلبي بي لان اصعب شعور اغلى ناس ع كلبك تشوفهم مجاهليك وكانهم مايعرفوك☹💔
.
.
.
.
اسيل: بابا عفية اريد ارجع للبيت تعبانه مالي خلك
الكل صاح: وين ماكو تنامين هنا
اسيل:باوعت لبابا واشرتله لا
بابا: عمر تعال روح ودي اسوله للبيت

طلعنا اني وعمر واياد كان برا باوعتله باوعلي ودنك راسه ياريت اعرف شنو خلاك تنساني هيج

(نرجع لااياد)
.
.
.
.
.

..مرت 4اشهر ماشفت اسيل ولاكلمتها خفت عليها من خالي خاف يسويلها شي صادف مرت اخوي جابت كلت اروح اشوف اسيل بس شكو اروح اذا ماراح احجي وياها شوي واجوو بيت خالي اهل اسيل فتحت الباب الهم وشفت اسيل اروح فدوه لهل طول سلمت عليهم سلمت اسيل عليه مارديت سلمت ع اخوها خاف خالي يحس ع شي  دخلوو شفت اسيل دون ماتنتبه عليه انو شفتها باوعت بعيونها نظرت عتب الي بلگوه متحمل بس فرحان لانو شفتها مافرحت بالنتيجة مالتي مثل فرحتي بشوفتها اجت باركتلي هم مارديت عليها ورا شوي راحت لاابوها كلتله تريد ترجع للبيت تعبانه مالها خلك اخذها عمر برا شفتها باوعتلي باوعت الها ونزلت راسي خجلت من نفسي ع تجاهلي الها ونظرات عتبها الي بس مااعرف ليش حاس حاس انو خالي مايعرف بشي ...

يتبع

انتظرو البارت القادم احداثة مثيرة😎