احببت مجنونيَِِّ😍

الجزء الثالث عشر

البارت13

بابا: الخبر المزعج تغير العشيرة
الكل: شلون وليش مافهمنا
بابا: يعني نغير العشيرة ونطلع من هذيج العشيرة لان مشاكل صارت
اسيل: اووف شنو هالخبر يعني ماكو اياد بعد☹بكلبي اكول

... توضيح من الكاتبة ننوش(حبايب ابو اسيل يقصد يغيرون العشيرة لان اصلا عشيرتهم صغيره وماعليها شيخ متكونه من اخوان ماكو اجداد فلهذه طبگو عشيرتهم وياا عشيرة ثانية وصار عليهم شيخ وبقوا بلعشيرة فلهذه الوقت صار مشاكل ولازم يطلع من العشيرة وابو اياد يصير اكبر اخوانه فگال لاابو اسيل انو لازم يغير عشيرته يعني بتغير العشيرة اياد يصير من غير عشيرة لان ام اياد تصير اخت ابو اسيل وابو اياد نسيبهم بس مو نفس عشيرتهم وطبگو العشاير لان عشيرة ابو اسيل صغيرة وهسه راح يفكون العشيرة ولازم ابو اسيل يغير عشيرته بسبب مشاكل فااياد واسيل كل واحد راح تصير عشيرة شكل وهم عدهم زواج اكثر شي من نفس العشيرة واذا لا تصير مشاكل بلعشيرة لان لازم الكل ياخذ من عشيرته وتصير مشاكل لهذه اسيل نزعجت من هالخبر تغير العشيرة هههه يلا دخت ودوختكم وياي موضوع العشاير😅)
بابا: يلا نبدي بلخبر الي يفرح
الكل :شنو هو شكو
بابا: راح اخطب بنات الحجي لعمر وليث
عمر وليث: ع امرك يبه انت تأمر واحنا نفذ(جذب لو مايردون جان فكو حلگهم 9امتار😂)
اسيل:طبعن اعرف بااخواني يحبون خوات بس ضجت لان راح يجن بنات ويشاركني بكلشي والبيت😞
ماما: اختك ماصار الها هواي ميته وتريد تزوج اولادك
بابا: مو صديقي يريد يزوج ابنه هم وكال نزوجهم سوا ونفرح بيهم
ماما: براحتك
...ورا كم يوم راحو مشية وراحو خطبو البنات واتفقو ع كلشي وانطو الهم نيشان الحاظر وهن يشترن المهم اجوو بابا واخواني وكالو الخطوبة الاربعاء وجان مصادف يوم احد شنو نلحك من مشتره الهن بس ارتاحينا من كالو انطو نيشان وهن يشترن المهم ضلينا نرتب بلبيت ونعدل ورحت للسوك اشتريت بدلة سوده ربع ردن طويله وبيها ورده بيضه بنص كلش حلوه ونازكه عجبتني والبيت تعب وشغل وتعديل وكله طاح براسي صح صغيرة بس اعتمدو عليه لان اني اختهم الوحيدة وبنت البيت بس هلكت من تعب وشغل صار نيشان ولبست البدله ومكيجت خفيف لان مالي خلك وحلوه الاجواء والكل موجود بس كضيتها صافنه حتى انتبهو اياد وامه والكل سئلو شبيج كتلهم مابيها شي بس شوي مريضه وكلشي صار بسرعة
...خلي اعرفكم ع بنات الي هن خطيبات اخواني وهم صديقاتي لان اعرفهن وعندي علاقه وياهن
الجبيرة اسمها سارة مواليدها2000 بشرتها بيضه بس مو بياض اختها طولها 142قزومة وشعرها بي شگار والعيون ملونه
ثانية اسمها نغم مواليد2002 طولها 150 حلوه وبيضه والعيون رصاصي وجسمها حلو
الكاتبة ننوش:( صح صغار بس الحب مايعرف صغير وجبير❤) ومابقى شي ع عرس واشتغلنا وجابو غرف تركيه واني ماما نرتب بيهن بلبردات والاغراض هن هذه هيج وهذاك هيج مايعجبهن طيحن حظي بشغل المهم كمل الغرف اخذناهن اني وماما اكثر من مرة ونراويهن بدلات ومايعجبهن وره شهر صار عرس واجاا يوم عرس رحنا للصالون اني والبنات وامهن كملوهن طلعن ملائكة يجنن حلوات واني برمو شعري ومكياج ولبست بدلتي لونها ماروني فوگ ركبة ومن فوك اصلوخ والحمره ماروني طلعت اجنن حتى نعجبت بشكلي اذا اني هيج اياد شلون يمكن يضل يركص (سوده عليك اياد راح يغمى ع الولد😂) اشوي واجااا عمر اخوي فدوه طالع يجنن حلو وهو وقاطه وسيارة صدك دمعت عيوني والي يسوق مؤمن اخذ مرتة وامها وراح ورا شوي واتصل عليه ليث
ليث: الوو اسوله وين انتو
اسيل: الوات بلصالون
ليث: هاا جاي يلا مسافه طريق من اتصل طلعو برا اوك
اسيل: اوك
وسديت الخط ورا شوي اجاا ليث هو وكفشه رافعها جنن وطالع يخبل ولحية مرتبه ومزين طالع يموت وفرحان فدوه لااخوي طلعنا من صالون ذابه شال شون ماكان ع شعري علمود مايخرب وطلعت متونسه ماكو احد بلشارع فارغ بس سيارة الي بيها اخوي شوي ونزل من سيارة اياد وكال يلا عاد طولتوها شافني ضل صافن عليه واني صافنه عليه فدوه لكفشه حبيبي شلون طالع يموت يكلك هو العريس حتى طالع احله من خواني بعد ولقاط ماروني جاي عليه يخبل ابتسمت بكلبي ع هالصدفة وتنسيق بين الملابس اني ماروني وهو ماروني وطلعت مرت ليث دنكت اساعدها برفع البدله علمود تصعد بسيارة صعدت اجيت اريد اصعد يمها مااحس ع ايد اله وجرتني وادور اشوفه ليث
ليث: وين وين نزلي شعندج كاعدة هنا يم مرتي اني اكعد يمها
اسيل: عابتلك انت ومرتك من هسه اجت لمرة وبعت اختك
ليث: هههه يلا ولي كدام اني يم مرتي
وصعد يم مرتة كعد واني صعدت بصدر يم اياد وسويت نفسي مامنتبها وضليت ادردم عليه شفت مرتك ونسيت اختك والخ واياد يباوعلي ويبتسم شيسوي شوي واسمع اياد حجه
اياد:هههه ولك ليث ماتفك منك يمكن ماتخليك تاخذ راحتك بليل
اسيل:يبو فشله راح اسكت
ليث: هههههه يي
اياد: ماعندك حل اطردها واخذ راحتك😂
سكتت ماحجت بعد شوي شو هذا ليث دخل راسه بلبرنص مال مرتة ماادري شيسون واحنا حاطي علمود نغطيها حرام ستر وهو دخل راسه وياها ماادري شيسوي شوي وشغل اياد اغاني طلع راسه وضل يردح ويركص هو واياد
اسيل: بشرفي هتليه ومستهترين
ايادوليث:ميخالف💃😂
اسيل: وصلنا للتصوير ونزلت لكيت عمر مكمل ولحكت كصيت صوره وياا نوبة دگ باب ليث فتحت الباب ودخل ليث ورا اياد طبعن جنت ملابسه جبه بلبدله وشال شامرته تقصدت اسوي هيج احرك كلبه شافني ضل صافن عليه وبياض جسمي ورشاقتي صح حرام بس حبيت اعذبه وصورنا اني وليث ومرته واياد خلصنا تصوير طلعنا نريد نرجع كلت ليث اني اكعد ورا خو ماكو احد انت اكعد كدام اياد وليث ضحكو وكعدت ورا وضليت اكلب بلموبايل رجعنا للبيت هوسات وردح كلها وشوي واجت سيارات بقيت بلبيت مارحت واجو نسوان 6خطبني وكالو شتعودين للعرسان كلتلهم اخت العريس ماصدكو ضلن صافنات طبعن التهيت مرت ليث اوديها واجيبها وديتها لبيتنا اني وبنت خالي جبيرة عمرها 30 ورا شوي زفة مرت عمر وجابوها وصعدو اخواني وهوسات شوي واجاا اياد دك الباب ذبيت شال ع شعري وكال
اياد:بس يخلصون الولد خلي ينزلون خالي يريدهم لان ناس تريد تسلم عليهم وتبارك الهم يحجي وهو ذايب
اسيل: هاا اوك اكللهم انشالله ذبت بكلامه تمنيت احظنه ذوبني بكلامه
طلعوو اخواني ويرشون عليهم ماي ورد ويهلهلون الهم كتلهم بابا يريدهم نزلو سلمو ع ناس بعدين دخل مرتضى واياد ومؤمن بيدهم علاليگ مؤمن: هااج
اسيل: شكرا مايحتاج متعب نفسك هدية ترا موالعروسه اني
... واكفين اياد ومرتظى يضحكون😂
مؤمن: انجبي هو منو جايب سيرتج😂 قابل كلت الج هاي هدية للعرسان كباب وكنتاكي وجباس وحلويات ومكسرات وبقلاوة هدية للعرسان
اسيل:سكتت مارديت عليه يبو فشله طارت جبهتي😂
بعدين رحت صعدت الاغراض الهم كل واحد وديتله اغراضه وبعدين كلها راحت نزلت سلمت ع بابا وباركتله وبعدين تعشينا تمن ولحم وببسي واكل عرس بعد تعرفو وجان اياد موجود اكلت وشبعت رحت بدلت ملابسي ولبست بدلة حمره عادية بس حلوه عليه ورحت نظفت وغسلت بقيت 3لفجر يالله خلصت ورا شوي طلعت مرت عمر سئلت ع امها وين وشافتها بنت عمي بوستها وباركتلها طبعن بنت عمي مزوجه وعندها 4اطفال طبعن مرت عمر هي سارة ومرت ليث هي نغم وخلص يوم العرس ع تمام والحمدلله

(نرجع لااياد ونعرف شنو صار بي بكل فترات المرن)

مرور 6اشهر ماشايفها بس قليل وراها اجااا خبر وفاة خالتي الي اكثر انسانه احبها نقهرت فراگ اسيل وعمتي ماادري شلون اتحمل اسيل من سمعت بلخبر تهسترت وضلت تبجي بعدين ورا الفاتحة راحو اهل اسيل لاايران واني ضايج بفراكها ورا هذا كله صار زواج اخوانها واجاا يوم العرس وكعدت يمي بلسيارة طالعة اميره ملاك لا هلاك😍 فدوه للعيونها شكد مشتاقلها حبيت طيبتها شخصيتها الحلوه ساعات اشك بروحي حبيتها ع شكلها ماادري اشوفها كل يوم تحلى وتصير تخبل بعد صعدت للسيارة وهي دردم وتحجي ع اخوها ماتدري بي ع شوي ادفر اخوها ومرته من سيارة واخذها اني وياها لعالمي خاص 😍 بعدين كلت لااخوها ليث خاف ماتخليك تاخذ راحتك اطردها حسيتها تفشلت وسكتت ضجت من نفسي ع گلت وصلنا للتصوير فتحت الباب وشفتها وشعرها شلون تخبل وبياض اووف معقوله هالشعر الحلو ملكي يصير والجسم والشفايف😍💋 اووف عيوني كامت تتوكح وتاخذني لمكان مو زين اختنكت وطلعت لان شوفتها خلتني خدران.....

يتبع
البارت اليوم طويل صوتو للقصة قدرو تعبي انغسل حظ حظي مثل البطله خطية هي هلكت بلعرس واني بلكتابة عن عرس ههه فديتكم غلسو ع سحكات لان نعسانة 💋❤