احببت من دمرني (عشق الرعد الجزء الثانى) - الكاتبة تونه

الحلقه الثالثة عشر...

جلس رعد بجوارها وامسكها ورفع رأسها علي صدره ووقتها نظرت إليه وبصوت اشبه بالهمس : رعد انا كنت عيزاك ترجعلي بس الي انا عملته كان غلط.
ارجوك سامحني.
رعد: مين اللي عمل كده مين ؟
لبني: مش لازم تعرف يارعد
المهم عايزاك تمشي من هنا حالا .
البوليس هيجي دلوقت امشي.
رعد: امشي ايه انا مش في البوليس دلوقت انا فيكي انتي لازم تروحي مستشفي حالا.
لبني: انا ..انا عايزاك تمشي هو اتصل بالبوليس لما عرف انك جيت.
رعد بتساؤل : هو مين ده .
قوليلي مين اللي عمل فيكي كده واتصل بالبوليس كمان.
لبني: آ.......ثم اغمي عليها.
رعد: لا يالبني ....لا فوقي ....فوقي.
ولم يكمل حديثه حتي وجدت شئ موجه علي رأسه وعندما نظر وجد البوليس قد وصل .
الضابط : اتفضل معانا انت متهم بقتل مدام لبني .
رعد: بس انا مقتلتهاش .
الضابط: كل الادله بتقول انك اللي قتلتها واللي انا شايفه بيقول كده ...احنا ماسكينك متلبس .اتفضل معانا.
رعد: بس انا برئ ....مقتلتهاش انا رعد الصاوي اكبر رجال الاعمال في مصر .
اتجه الضابط الي لبني وعندما لاحظ وجود نبض امر بحضور الاسعاف واتت الاسعاف وتم نقل لبني الي المستشفي.
ثم امر الضابط إلقاء القبض علي رعد ووضع الكلبشات حول يده.
ثم نزلوا وركب معاهم العربيه واتجهوا الي قسم الشرطه.
وبعد وصولهم الي القسم امر الضابط بإدخاله الحبس وفي الصباح سوف يتم التحقيق في الجريمه .
اما لبني عندما علم الدكتور انها خسرت الكثير من الدماآ قام بإدخالها فورا الي غرفه العمليات .
وبعد ساعاات في غرفه العمليات نجت من الموت وكتب لها عمرا جديدا.
********************************************
في الصباح فاقت الجده من نومها لكي تقوم بتحضير الفطار الي جنا وعندما فتحت الباب لكي تحضر الجريده من امامه لكي تقرأها وهي تجهز الفطار وجدت في الصفحه الاولي .
اتهام رعد الصاوي بمحاوله قتل خطيبته السابقه .
شهقت الجده ووضعت يديها غلي صدرها من الصدمه وسرعان ماتوجهت الي غرفه جنا وقامت بإفقاتها .
الجده : جنا قومي ..ياجنا اصحي.
جنا: ايه ياتيته في إيه .
ايه اللي حصل.
الجده : شوفي كده وانتي هتعرفي .
ثم اعطتها الجريده في يدها.
عندما وقع نظر جنا علي المكتوب في الصفحه الاولي قفزت من علي السرير واتجهت الي دولابها حتي ترتدي ملابسها.
الجده : ممكن افهم في ايه.
ومين دي الا رعد قتلها؟
جنا : تيته مش وقته بس اوعدك اني لما اجاي هقولك كل حاجه
ولم تعطي جدتها اي إجابه علي سؤالها ثم خرجت وتوجهت الي قسم الشرطه."
******************************************
وصل الي شقته وهو في داخله شعور جميل اقسم فقط ان يقتسمه مع حبيبته فتوجه الي غرفتها ولكن لم يجدها هناك فوجعه قلبه عندما لم يجدها فقد ظن انها تركت المنزل .
اتجه الي غرفته وهو في قلبه آلم شديد وعندما فتح الباب وجدها علي سريره نائمه مثل الطفال ترتدي قميصه وتظهر به كالملاك وممسكه في يدها تلك الاجده التابعه له.
اقترب منها وازاح عن وجهها بعض خصيلات شعرها ثم وضع قبله علي جبينها وقال بصوت اشبه بالهمس : وحشتيني...
عندما شعرت به قامت من نومها واخذته في حضنها وظلت تبكي .
مروان : هششش هششش بس يارانا بس انا جمبك اهوه.
ظلت رانا تبكي وزاد ارتجاف جسدها وحاول مروان ان يطمئنها فااقترب اكثر منها وضمها بشده الي حضنه وتحدث : خلاص بقي حبيبتي مش هسيبك تاني خلاص.
ابعدته رانا بعنف وقامت بضربه في صدره لمرات عديده مما جعلته امسك بيديها وقيديها بيده.
مروان: ايه يامجنونه انتي من شويه كنتي بتعيطي .
في ايه انتي اتجننتي ولا ايه.
رانا بدموع : سبتني ليه ...
هونت عليك للدرجاتي تسبني اليومين الا فاتوا دول .
مروان: كنت محتاج ابعد فتره بس مقدرتش ابعد عنك الا يومين بس.
رانا بأعين باكيه: وحشتني يامروان ارجوك متسبنيش ابدا.
مروان بلهفه: بتقولي ايه يارانا .
قولي تاني كده ..
كل مره تقولي انك بتحبيني وبوحشك ومتبعدشي عني ولما اسمعك بتقولي كده بحاول اقرب منك انتي بتبعديني عنك وبترفضيني.
كنتي عايزه مني ايه ترفضيني وانا اقرب.
رانا: كنت خليك جمبي وساعدني اعدي المحنه دي وساعتها مش هبعدك تاني.
مروان: يعني لو وقفت جمبك وساعدتك مش هتبعدي عني ابدا .
رانا: ايوه .
ساعتها انا اللي هقربلك وهاخدك ادخلك قلبي واحبسك جواه .
تبقي ليه هو لوحده.
اقترب منها مروان وقبلها وعندما لاحظ ارتجاف جسدها ابتعد عنها وقال: ازاي عايزاني اقرب وانتي اصلا بتخافي مني ثم هم بالذهاب ولكنها امسكت يديه.
رانا: خليك جمبي ارجوك وساعدني.
تنهد مروان وقال: حاضر يارانا هساعدك وهخليني جمبك مش هبعد عنك ابدا .
ارتمت رانا في احضانه وقامت بوضع قبله سريعه علي شفتيه ثم رجعت لحضنه مره ثانيه.
ابتسم مروان وشعر انه بقبلتها هذه قد ملك العالم بأكمله.
******************************************
يجلس في غرفه ويبكي بطريقه هيستريه وفجأه بتجه الي المرآه ويقوم بتكسيرها ومسك زجاج البرفان لديه ورميها في اي زجاج امامه .
وبعد لحظات ينظر حوله فيجد كل شئ حولع تدمر فيجلس علي الارض يبكي بصوت عالي جدا .
ادهم : انتي السبب ...
انتي اللي خلتيني اقتلك انتي .
انتي اللي خونتيني مع رعد .
انا حاولت كتير اخليكي تحبيني بس كنت ديما احس انك لسه بتحبي رعد.
حاولت كتير ومقدرتش .
بس كان لازم تموتي كان لازم .
اهوه ..خلتيني اقتلك وفي الاخر لبسها حبيبي القلب .
وكده انتقمت منكوا انتوا الاتنين .
ثم ضحك بطريقه مخيفه .
******************************************
وصلت جنا الي القسم وطلبت ان تقابل رعد وبعد الحاح كثير وافق الضابط وامر بإحضاره من الحبس ثم نظر لها هما ٥ دقايق بس .
جنا : حاضر.
وبعد قليل اتي رعد وعندما رأته جنا اسرعت اليه جنا وارتمت بين احضانه وظلت تبكي.
رعد وهو يربت علي ظهرها : هشش هششش بس ياجنا بس .
متخافيش انا مقتلتهاش والله انا برئ.
جنا بدموع: انا خايفه اوي عليك يارعد.
رعد: جنا انا مخونتكيش ابدا صديقيني .
جنا: ممكن تسيبك من الموضوع ده .
انا دلوقتي مراتك ولازم اقف جمبك وهقوملك اكبر المحامين عشان تخرج من هنا.
رعد: جنا بس لازم تعرفي اني مخنتكيش صديقيني.
جنا: هرجعلك تاني .انا لازم امشي دلوقت لان الضابط قالي ٥ دقايق بس .
وعندما همت بالذهاب امسكها رعد من يدها :
رعد: انتي مصدقاني اني مخونتكيش.
لم تنطق جنا بحرف ولكن وضعت رأسها أرضا.
رعد: روحي ياجنا ومتقوميش محامي ولا غيره
انا مش عايز اخرج من هنا ثم طلب من الضابط ان يرجعه الحبس مره اخري.

-يتبع