احببت من دمرني (عشق الرعد الجزء الثانى) - الكاتبة تونه

الحلقه الاولي

وقع مروان اثر هذه الطعنه التي وجهتها رانا له ثم نظر لها وهو يتآلم ثم قال..
مروان : انا حاولت كتير اخليكي تعرفي اني ماليش ذنب في اللي حصل لوالدك لكن انتي ماحاولتيش تفهمي ابدا يارانا
واثناء كلامه كان الدم يخرج من فمه ولكنه كان يغيب عن هذه الدنيا شيئا فشيئا .
اقتربت رانا من مروان وجلست علي الارض وارتمت في حضن مروان وكانت تبكي بشده خوفا عليه مما فعلت به .
رانا وقد مسكت وجهه بيديها وتحدثت: مروان ...حبيبي .خليك معايا حبيبي
انا ازاي عملت فيك كده ازاي ..
انا عقلي كان فين لما ضربتك بالسكينه كده .
لالالا يامروان لالا خليكي معايا حبيبي انا مقدرش اعيش من غيرك ابدا .
ثم صرخت بكل مافيها ولكنه كان يسمع كلامها ولايقدر علي التحدث ثم اغمي عليه مما جعل رانا تصرخ بطريقه هيستريه وقامت مسرعه الي هاتف مروان وقامت بالاتصال بوالده وطلبت منه ان يتصل بالاسعاف واغلقت الخط ورجعت الي مروان الملقي علي الارض وقامت برفع رآسه علي صدره وظلت تبكي .
وبعد فتره ليست بطويله وصلت الاسعاف وبعدها بلحظات وصل والد مروان الذي صدم من منظر ابنه وجري مسرعا عليه ثم تكلم بصوت عالي
مروان مين اللي عمل فيك كده ثم نظر الي رانا التي كان جسدها يرتجف من كثره خوفها وقلقها من فقدان مروان .
فتآكد من انها هي الفاعله .
ثم قام رجال الاسعاف بحمل مروان ووضعه في سياره الاسعاف وعندما نهضت رانا لتركب معه في سياره الاسعاف منعها والده .
رانا : انا ماينفعش اسيبه لازم اروح معاه.
والد مروان: كتر خيرك اوي كده علي اللي عملتيه في ابني .
لو سمحتي ابعدي عنه بقا كفايه انا ابني بيموت بسببك.
رانا ببكاء شديد: ارجوك سبني اجاي اطمئن عليه وبعد كده اتصل بالبوليس وبلغ عني اني انا اللي حاولت اقتله .
والد مروان :قام بدفعها بعيدا عن باب السياره وطلب من السائق ان يتحرك الي المستشفي .
انتي كده بتآخرينا واحتمال مروان يجراله حاجه وكل ده بسببك.
رانا : مش قصدي والله بس انا عايزه اطمئن عليه سبني اجاي معاك ارجوك .
تحرك والد مروان الي سيارته ولم يعطي رانا اي اهتمام وركب وقام بالمشي وراء سياره الاسعاف .
قامت رانا بالجري وراء سياره ابو مروان ولكن لا فائده من ذلك .
فقامت بالاشاره الي تاكسي وركبت به وطلبت من السائق ان يتبع سياره والد مروان .
********************************************
في بيت جنا ..
نهضت الجده من نومها مفزوعه علي كابوس جعل قلبها ينقبض وظل تفكيرها يوحي لها بآن شيئا ما حدث ل جنا .
ولكن اثناء تفكيرها سمعت صوت إغلاق باب الشقه فقامت من سريرها وقالت : خير اللهم اجعله خير ...
وقامت بفتح باب الغرفه ولكنها هدآت عندما رآت جنا .
عندما رآت جنا جددتها رمت مابيدها وقامت بالجري تجاهها وقامت بإتحضانها بقوه مما جعل الجده تقلق عليها كثيرا .
الجده : مالك ياجنا.
فيكي ايه ..وبعدين شنط ايه اللي جيباها دي .
جنا ببكااء : رعد طلقني ياتيته طلقني وظلت تبكي.
صعقت الجده من قول جنا .
الجده : انتي بتقولي ايه ياجنا.
رعد طلقك !!!
جنا بدموع : ايوه ياتيته طلقني ثم ارتمت في حضنها مره اخري ..
انا بحبه ياتيته بحبه ..انا مكنتش عرفه اني بحبه كده .
الجده : طب ايه اللي انتي عملتيه علشان رعد طلقك ياجنا.
جنا بدموع : كل اللي عملته ياتيته اني عزيته في والده وهو قالي انه عايزني في موضوع فقولتله طيب .
وبعدين اتفآجت لما لقيته بيقولي اني طالق .
الجده : اكيد في حاجه ياجنا اكيد .
جنا : معرفش ياتيته معرفش انا بجد هتجنن .
الجده : طيب انا هتصل بيه وهعرف ايه اللي انتي عملتيه او ليه هو طلقك .
جنا : ارجوكي ياتيته بلاش تتصلي برعد كفايه بقي لحد كده كفايه
الجده : جنا انتي بتحبي رعد اوي كده.
للدرجاتي بتحبيه ياجنا..
بعدت جنا عن جدتتها ومسحت دموعها : لا لا انا بكرهه بكرهه وكويس انه طلقني علشان ارتاح منه .
ثم جرت علي غرفتها وفتحت الباب ودخلت ثم اغلقتها عليها وظلت تبكي الي ان غفت في نو ثممها.
كانت الجده تجلس .
ولكن بعد تفكير قررت ان تتصل برعد لمعرفه ما حدث حتي جعله يطلق جنا.
********************************************
في شقه رعد..
ظل رعد يآنب نفسه علي طلاقه لجنا متحدثا مع نفسه .
رعد لنفسه انا ليه عملت كده ..
ليه طلقتها ليه وانا كنت خلاص هبدآ معاها صفحه جديده نضيفه .
ليه عملت كده وانا كنت عايزها تساعدني اني اتعالج وارجع رعد بتاع زمان .
وليه كنت انا السبب في اللي حصل لبابا وموته .
ليه ....ليه....ليه ..ليييييييبه
وصرخ بآعلي صوتا له ثم اتخذ قراره وقال : انا لازم اروح اتآسف لجنا واصالحها وارجعها ليا من جديد انا حاسس من طريقه كلامها معايا انها بتحبني وكمان لما طلقتها حسيت انها اضايقت بجد مش تمثيل .
انا لازم اردها لعصمتي تاني واعيش معاها واستناها انها ترجعني رعد بتاع زمان من تاني .
ثم توجه الي الباب وفتحه وذهب الي غرفه جنا ولكن تفاجآ عندما وجد الباب مفتوح ..
قام بالدخول الي الغرفه ونظر بعينه الي كل مكان في الغرفه للبحث عن جنا ولكنه لم يجدها فقام بفتح الدولاب فوجده فارغا ولا يوجد لجنا اي ملابس به .
حتي لا يوجد اي شئ من اغراضها في الغرفه .
صرخ رعد بإسهما مناديا عليها ولكن لا جدوي من هذا الصراخ لانها لم تكن معه.
رعد بصراخ : ليه بس ياجنا ليه ..اااااااه لو كنتي استنيتي شويه ااااااه
كنت رجعتي تاني ليا من جديد وكنت حافظت عليكي من اي حد حتي من نفسي .
اااااااااه ياجنا انا بحبك اوي بحبك.
ثم قطع كلامه صوت رنين هاتفه فقام مسرعا وتوجه الي غرفته ولكن وجد المتصل هو جدده جنا فقام بالرد عليها.
*********************************************
وصلت سياره الاسعاف المستشفي ودخل مروان الي غرفه العمليات فورا لان حالته كانت تسوء بشده .
ظلت رانا تراقب والد مروان وهو يجلس امام غرفه العمليات ولكن ليس بمقدرتها ان تذهب اليه وتترجاه ان تجلس حتي تقوم بالاطمئنان علي حبيبه .
بعد قليل خرج الطبيب وتوجه بحديثه الي والد مروان بانهم يحتجون الي نقل دماء الي مروان حيث انه نزف كثيرا .
والد مروان : اتصرف ازاي يادكتور ازاي المفروض ان دي مستشفي كبيره .
المفروض انكوا تكونوا انتوا اللي مجهزين كل الحاجات اللي المرضي بيستخدموها .
الطبيب: حضرتك الفصيله بتاعت ابنك دي نادره جدا وانا للاسف لازم اعرفك ان حالته سيئه ولازم الدم ده يكون عندنا في ظرف ساعه والا...
والد مروان : والااااا ايه يادكتور..
ابني هيموت ..ابني هخسره لا .ولم يكمل جملته حتي سمع رانا تقول : انا فصيله دمي زي فصيله دم مروان
انا هعتبرعله بالدم الا هو عايزه.
الطبيب : طيب اتفضلي معانا وانا هخلي الممرضه تجيلك فورا .
ثم ذهب الي غرفه العمليات .
نظر والد مروان ل رانا متحدثا:
انتي ازاي جيتي هنا انا مش قولتلك ابعدي عن ابني .
رانا بدموع : ارجوك يااونكل سبني اتبرعله بالدم اللي هو عايزاه علشان يعيش
وانا هبعد عن طريقه صدقني .
والد مروان : انا هسيبك تتبرعي لمروان بالدم .
بس ده مش يخليكي تحاولي تدخلي حياته تاني .
مروان بس يبقي كويس ولازم تطلبي منه الطلاق علي طول انتي فهمتي .
رانا : ازاي عايزني اعمل كده ازاي.
انا بحب مروان صدقني بس انا حبي لبابا هو اللي خلاني انتقم من مروان بدافع انه هو السبب في موت بابا .
بس انا خلاص استوعبت الدرس بس متآخر انا عرفه بس انا لسه فيها ..
انا لازم افضل جمبه لان هو كمان بيحبني .
والد مروان : انا كلامي مش بعيده مرتين .
وانتي حره في اختيارتك بقي
رانا: ياآونكل انا بحبه صدقني .
والد مروان : لو بتحبيه ابعدي عنه .
ثم خرجت الممرضه وطلبت من رانا التوجه معها حتي تتبرع ل مروان بالدم .
والد مروان : ها قولتي ايه ..
رانا بدموع : انا موافقه بس انا لازم اشوفه واطمين عليه قبل اما اخرج من حياته .
والد مروان : موافق .
ثم توجهت رانا مع الممرضه لتتبرع لحبيبها بدمها .
*********************************************
في شركه ادهم الحسيني ..
يرن هاتف ادهم فيقوم بالرد عليه..
ادهم : ها في جديد ..
الشخص: ايوه ياادهم بيه لبني هانم خرجت وانا فضلت ماشي وراها ومراقبها لحد ما وصلت في مكان مهجور وهناك قابلت وحده بس باين عليها تعرفها من زمان .
آدهم : مين الست دي ؟؟؟
الشخص: انا معرفش هي مين حضرتك.
بس انا صورتها وحالا هبعتلك صورتها في مسدج.
آدهم : تمام ...
في حاجه تاتي ؟
الشخص : لا ياآدهم بيه .
آدهم : متنساش تبعت الصوره ثم اغلق الخط .
وما هي الا لحظات حتي اعلن هاتف آدهم عن وصول رساله
ولكن عندما فتحها صدم ممن رآه .
آدهم لنفسه : منال مامت رعد
الله الله شكل في طبخه بتنطبخ من وراه ظهري يا لبني هانم .
ياترا الست دي عايزه منك ايه يالبني وكمان انتي ليه بتقابليها في مكان مهجور زي ده .
اااه لو عرفت انك بتعملي حاجه غلط من ورايا بس استني عليا وشوفي انا هعمل ايه وقتها.
*********************************************
ياترا مروان لم يفوق هيعمل ايه مع رانا
وياترا الجده اتكلمت مع رعد وقالتله ايه
وياترا ادهم هيبقي له دور في روايتنا ولا لا
-يتبع