👑للكاتبة #سارة👑
• ابو رائد : باوع اني ماامشي وره الجهال افتهمت لو لا البنيه متروح واذا متريدها ازوجها لاخوك رافد وكلمه زايده ماريد
• حنين : لعد اني شكد رخيصه واحد يفضح بيه وواحد ميريدني
حسيت بفشل مو طبيعي وكرهت نفسي لان حتى رائد الجان يريدني بروح هسه ميطيقني رحت توضيت وصليت قريت قران شويه ارتاحيت وصعدت لرائد
رائد : دمي يفور صعدت لغرفتي مددت وتعوذت الشيطان الباب اندك .....اتفضل
• حنين : رائد اريد احجي وياك
• رائد : كلبي كام سابع جار يسمع دكته .....حبها مسيطر عليه خرب بيها
كولي حنين
• حنين : رائد كوم وصلني لاهلي واني اسفه كلش اسفه ع الصار
• رائد : اي اوديج ليش لا قابل اني لازك بيج بس ست حنين ابوج الهمجي واخوج المتخلف حيتلكونج بالاحضان والاشواق لو يطيحون حظج
• حنين : استغفرالله....... هسه انت شعليك انت لاترحم ولاتريد رحمه الله تنزل لاتقبل تتزوجني لاتقبل ترجعني شتريد رائد شتريد بالضبط
• رائد : جنت رايدج بس هسه كارهج
• حنين : اووووك لعد كوم وديني
كلبي احترك من كال كارهج مع انُ رائد جان ميهمني وجنت اني اريده يكرهني قابل شتغير بس يجوز لان ظروفي تعبانه
• ابو رائد : وين حنين ؟
• اخت رائد : شفتها صعدت يم رائد
• ابو رائد : صعدتلهم لكيت حنين يم الباب ورائد كاعد عالجربايه......باعو اليوم عفت الدوام حتى اخصمها وياكم بابا حنين بابا رائد انتو واحد يحب الثاني اعرف بيكم وهذا الصار كله بي صالح حتى الله يجمعكم
• رائد : يابه اني اريد بنت عمي تبارك ماريد حنين لو اريدها جان مامشيت ع تبارك
• ابو رائد : انجب تعلمني بيك لك اني ابوك تجذب حتى ع ابوك وخليني اكمل كلامي ولاتقاطعني ...خلونه نسوي عرس ع كدكم هالاسبوع وعوضو بعيد زواجكم عود ...شكلتو
• حنين : خالوووو ياعرس يااسبوع ياعيد زواج اني مااريد رائد اريد ارجع لاهلي
• رائد : لعد بعنادج الا اخذج واكسر خشمج
• حنين : ماعاش ولاكان اليكسر خشمي بس الدنيا عوجه وانطتك فرصه
• ابو رائد : انتو اذا تبقون هيج 3 ايام وتطلكون
الخميس الجاي العرس شكلتو
• رائد : الله كريم وانتي حنين لاتفرحين شكم شهر واتزوج عليج
• حنين : بداخلي فرحانه برائد بس مكسورة السوا امير بيه مو شويه
• ابو رائد : حنين انزلي صيحي خالتج
• حنين : امرك خالو......خاله خاله يريدج خالو
• ابو رائد : لك رائد هاي مرتك عجوزيه ومفضوحه كتلها انزلي شو هاي منا وتصيحلها
• رائد : كلبي طار من كال مرتك بس تبقه غصه بكلبي سالفه الصور
• ام رائد : لج عبالي احتركتو عبالي واحد كتلج
• حنين : ههههه لا كلبي ....خالو يريدج
• ام رائد : ولج شو فرحانه شكو
• ابو رائد : اكلج عيوني جهزو اموركم وجهزي البنيه وكملي نواقص رائد بهذا الاسبوع خلي نزوجهم ونخلص من هاي السالفه
• ام رائد : يمه يرادلها بخت حنونتي تصير جنتي عقل و ثكل وثقافه وديانه صدك رائد ع نيته
• رائد : اخ يمه لو تعرفين الاعرفه عنها
• حنين : رائد اذا متريدني ممجبور تسم بدني كل شويه بحجايه رجعني لاهلي وخلص
• ام رائد : شبيكم يمه حسدتكم خما حسدتكم
• رائد : باعي لااطولين لسانج لااكسر راسج انتي تعرفين الضغوط العليه لااطوخينها
• ابو رائد وام رائد : شو انتو ولاكأنو كبار كاعدين
• رائد : يمه مو هي ادوس بالبطن
• حنين : خاله متشوفينه شلون استفزازي
وماريد لاجهاز ولاعرس
• رائد : اي هم صدك اعتبرج فصليه
• حنين : لخاطر خالتي وخالي مااجاوبك
• ابو رائد : كافي حتصل بوالدج وانطي خبر
.....الو السلام عليكم
• ابو حنين : احجي العندك
• ابو رائد : اخويه هاي هي الاربعاء الحنه والخميس العرس
• ابو حنين : حنه شنو انتو بطرانين بس عرس سوو
• رائد : ابويه فاتح سبيكر وانقهرت ع حنين كلش......يابه اني هم ماريد حنه
• حنين : كل الصار بيه بسببهم والله العظيم وحسبي الله ونعم الوكيل بيهم
.........
...........
..............
...................
......................
الوقت ميفرق وياي اصعب شي بالدنيا من الانسان يكره نفسه ويفقد احساسه ومن يحس بالفشل
خالتي رادتني اطلع وياها اختار ملابس وجهاز بس مالي نفس ورائد ساعه احسه فرحان ويحبني وساعه احسه يكرهني بس عاذرته ......اما اني فصفنت ع نفسي شنو اليخليني مااحبه اشو طول وجماال وجسم وثقافه واحترام وشخصيه صدوك الله عامي ع عيني وماحبيته من البدايه اما البنات كلش حبابات ويوميه نتعلل وطلعن عبالهن اني متكبره عليهم وميختلطن بيه بس هسه كلش حبيتهن خالتي هي حجزت بدله وصالون وهي اشترتلي ملابس وكملت كلشي
اجه يوم الحنه
ماعزمو احد بس خالاتي وعمات رائد واقاربهم كلهم انجمعو وكلهم انصدمو لان اني ابيت العريس وخالتي كالت ابوها زعلان عليها لان عرفها ع علاقه برائد وتعرفون بأبوها شلون مخبل
شكد استحيت واستحقرت نفسي
ظليت بغرفتي كامن يحجن عليه البنات ..خالتي خطيه مشتريتلي فستان والبنات شسورن الي وخلن الي مكياج
نزلني لغرفه خالتي ومحضرين صينيه الحنه والكيكه والعصير بس قطره فرح
