👑للكاتبة #سارة👑
• ابو حنين : ولكم وينهاااااا طلعوها اليوم اشرب من دمها
• اخونها : خبصو الدنيا دفعو رائد ويفترون يركضون بالبيت مثل المخابيل بدون لافهم ولا وعي ولايسألون شصار وياها وليش
• حنين : اسمع الباب اندفر اتشاهدت من الخوف واسمع صوت اخواني يفشرون ويغلطون ويدورون
• ام رائد : ولكم شو انتو لاتحترمون صغير ولاجبير والله اكلب الدنيا ع راسكم صلووو عالنبي اذكرووو الله اهدو فهمونه ونفهمكم شنو مغول طابين علينه
•
• رائد : حاقد ع حنين بكد الدنيا بس حبي الها اكبر من هذا الحقد ....لازم احميها واحافظ عليها وروحي تفرفح من يكولون نريد نذبحها ونقتلها خلاص
لكم انتو من يامله من ياطينه امكم مغمه عليها ومو بعينكم شكد زباله
• اخو حنين : انت الزباله ياجبان لك العرض والسمعه عندي اهم من امي
• ابو حنين : رائد طلع حنين لاافرغ الرشاشه براسك
• رائد : نسوان اخواني وامي واختي والجهال كلهم واكفين يباعولي وكلهم يردون يعرفون السالفه
• رائد : عمي حنين اني رايدها بالحلال والصار الرام ضاع من اختي بحفله خطوبتها وماعرف يابنت او ابن حرام مسوي هيج تره حنين شريفه شنو متعرف بنتك انت متعرف تربيتك
الكل سكت بس حمودي اخوها خابص الدنيا
• ابو حنين : يعني انتو راس البليه
• رائد : عمي تخاف من الفضيحه مو ؟ زوجني اياها واليسالك كوله تزوجت وهيج وهيج صار وياها....لعد تكتل بنتك ع شي ممسويته واني شلون اقبلها اتزوج وحده مو شريفه
وخالتي راح تموت بسبب سالفه ظلم بظلم
• ابو حنين : خلو حنين يمكم احسن ماا.كتلها ماتحمل اشوفها وبهالاسبوع سوي العرس واذا مو كدهاا احجي
اابو حنين وولده اخذ خالتي ونقلها بالسياره
بالبيت بده فلم جديد وقصه جديدة
• ام رائد : انت متستحي تضحك علينه بمزاجك مو كنالك تريد نخطبلك حنين كلت ماريدها شلون اتورطنا ويا بيت عمك
• رائد : يمه ماتعوفيني بحالي وبمصيبتي
• اخت رائد : بس ليش تجذب ماعندي رام مبيوك ولارام بي صور حنين ....احجي فهمنه هيج احسن خليتنه مثل الاطرش بالزفه
• رائد : لج هي رسلتلي صورها وحفضهتن بالرام ويمكن الرام واكع بالكهوه ماتذكر وين ضيعته
• ام رائد : هنيالي ......هيج عندك سالفه سهله خالتك راح تموت من وراك والبنيه رادو يكتلونها بسببك عداااا الفضيحه ....لك والله وكعت من عيني......وينها حنين
• رائد : فوك بغرفتي
• ام رائد : خاي يجون اخوانك وابوك ويشوفولك حل ويا هالمصيبه هاي انت العاقل طلعنه مغشوشين بيك والله
• رائد : شبعت طن رزايل وحنين ابدي اللزمها اموتها بس امده كلبي الخلاني رجيج ومابيه خير
صعدت لحنين لكيتها خشمها طاك دم طبعا مااحجيلكم ع الخوف البداخلي عليها
• حنين : خشمي طك دم ودخت من الهبطه والبجي اجه رائد وجهه صار اصفر من شافني وكبل صاح للبنات ولخالتي وارتبك
• ام رائد : يله يله بسيطه خاله كومي للحمام .....تعالن غسللها بمي بارد وارفعي راسج شويه وهو ينكطع
الله لا يوفقك يمه رائد.......
• حنين : ماعرف شنو الفلم وشصار وشنو لازم احجي كلشي ماعرف بس سألت عن امي كالو راحت اخذها بابا
• رائد : اباوع ع حنين وجهه كركم وكوه واكفه تمشي وتنتجي ع الغراض .....صحت للبنات اخذنها لغرفه امي خلي البنيه تمدد متحسن متشوفنها تريد تموت
• حنين : اهتمام رائد من كل كلبه مو مجامله ولاتمثيل
• رائد : حنين من ترتاحين فهميني وانطيني تفاصيل عن ابن الحرام وحتى افهمج شصار
• حنين : ان شاء الله واوكفلك بالافراح وكفتك وكفه اخ والله اخواني ميسونها
• رائد : خاب دنجبي وكفه نعال احسن .....شنو اخ بابا عندي اخت وحده والحمدلله مكتفي
• حنين : هههههه عابت غير اصبغك شويه ...واني زينه خلي احجيلك عن امير .....السالفه كذااااااا وكذااااا .....حجيتله بالتفصيل والرقم والعنوان
• رائد : كلما تجيب اسمه وتكول امير ابدي ادفرها بس اغلس واصبر بنفسي كوه
• امير : نشرت الصور ورجعت مسحتهن خاف تصير عشاير وخفت لا يوصل خبر لابويه هو بغير شي مطايقني ..... من يوم الحقرت ويا حنين لليوم اني مخنوك وممرتاح اعرف السويته غلط بس اني تعلمت عالغلط وكمت مااحس الابنيه مااذتني بس هي صوجها حركت كلبي اني متتعلم وحده تعوفني لان الاصاحبها اني الاعوفها تستاهل هي خلت راسها براسي
• رائد : خابرت جماعتي وسولفتلهم ع قصته بس كتلهم ناشر صور بنيه اقاربنه مو بنت خالتي....رحنه بلمتنه سألنه عليه الجوارين كنالهم يردوون من يمنه مره شلونهم سمعتهم
جان رد جوارينهم مثل ممتوقعه ( ابوالبيت زين بس ابنهم وبنتهم مو راحه وابنهم الي هو امير طافر ع كذا وحده ع بنات الجوارين وكاسرينهم من العشيره من فصولهم وطلايبهم وتربيه ملاهي وشراب عرك وبنتهم يوميه طالعه ويا واحد شكل ) سألت الكبار والصغار بحيث من كتلهم يردون من يمنه مره تخبلو
الله يصخم وجهج حنين ع هالوكعه....وامي متصله ع ابو حنين محولين خالتي ع جهاز الرنين ومنيمينهه مستشفى ووضعها زين بس هبوط حاد بالضغط وطلع عدها رضوض برجله
