البارت 3
👑للكاتبة #سارة👑
• امير : مكالمة جماعية اني وصدقاني اي شلونج شخبارج
• حنين : لاتسال لاتكول
• امير : انتي الي خليتيني هيج اسوي حسيتج تكذبين عليه ومتثقين بيه
• حنين : اوك ادزلك صوؤة بس بحجاب
• امير : موافق عمي اي شي بس اشوف الحب مالتي واملي عيني بشوفتج
• حنين : دست ع نفسي حتى يبقه يتواصل وياي ورسلت صوره مستوره
• امير : لج اووووف شهالجمال شنو هاالبرائه البوجهج
• حنين : هههه تحجي صدك
• امير : حنوشه ليش احسج معندج ثقه بنفسج
• حنين : بالعكس بس احب من تتغزل بجمالي
بقينه ندردش لحدما نمت واني تاركه دراستي وهامله كولشي لان اول حب بحياتي وماعرفت اتصرف لحدما رسبت واجتي الامتحانات
• امير : داحاول اطور علاقتي بيها اكثر واكثر بس هي صعبه وشلعت كلبي ومدااكدر اخذ منها شي قووي بس الصبر حلووو
• حنين : استلمنه النتائج وطالعه ب4 دروس ومااانقهرت حييل لان اني مقصره ومداقره وناطيه العذر لنفسي كوله بسبب امير يلهي بيه وميفكر بمستقبلي بس بعون الله اعوضهن
رجعت صليت وقريت قران وطلبت من الله يهديني ع الطريق الصح وارجع اهتم بدراستي لان محد يفيدني
• امير : حنين ابتعدت عني بعد مااستلمت النتيجه ومااحسها تحبني مثل الاول ومتهتملي هواي نروح ونرجع الكتاب بيدها ومدنكه وعينها بالكتاب اخابرها مترد شلون مصيبه هاي اني اريد اقوي علاقتي بيها وهاي مطنكره زاد التحدي ويا نفسي
• حنين : بدت الامتحانات واني لا ليلي ليل ولانهاري نهار اقره واللخص وباليوم لو احجي ويا شكم دقيقه لو ارسله مسج بس سبحان الله بس اللتزمت بصلاتي كلبي كام يبرد وكمت انفر من امير ومااحس نفسي متعلقه بي هلكد .....جنت قبل مثل الطفل المشايف بس هسه الحمدلله رجعت لعقلي
• امير : مديرة المدرسة مبلغتهم ممنوع وحده تجيب فون فبنات الخط كلهن يخلن التلفونات يمي وينزلن للمدرسه
• حنين : اني مااكدر اعوف الفون بالبيت خاف احد يتصفح نزلته وياي للاداره اترزلت رزاله من هاي الزينه فثاني يوم خليته يم امير ومقفول بكلمه سر
• امير : اول يوم ماخلته يمي واني كل تخطيطي واملي تخلي يمي بس ثاني اجه الجنت منتظره ع احر من الجمر وفتحت الفون ونقلت منه الصور كلها بعد مااتوسل بيها ع صورة ولااركض وراها ع مكالمه الست حنين اعلمها شلون تنسحب مني وتعوفني بلا مااحصل شي ( الرمز فتحته لان هي حاجيتلي قبل بساع حتى رمز الفون بأسمي ) واني كذلك كتلها رمز تلفوني هم love hanen
• حنين : امير جان مهتم وذابح روحه حتى نرجع مثل قبل بس بالامتحانات صار بارد وكام يحجي ويشمر بسامير وحسيت اسلوبه حقير
• امير : اني مسيطر ع وضعي وانتظرت تجي العطله واكمل الخطه مالتي
• حنين : خلصت الامتحانات واني الف الحمدلله مسيطره ع وضعي علميا وجاوبت صح بعض المواد خربطت بس الحمدلله احسن من قبل
• امير : بقت حنين اخير وحده بالخط .....اسمعي حنين اليوم اخر يوم وعطله بعد مااكدر اشوفج اريد اتفاهم وياج
• حنين : كول امير ع شنو تتفاهم وياي
• امير : بخصوص علاقتنه
• حنين : لاعلاقه ولابطيخ امير رسبت بسببك فتره اعجاب وعدت
• امير : هيج بكل سهوله هه!!
• حنين : اي شكو لعد هن شكم شهر
• امير : راح اوصلج ومن اوصل للبيت اخابرج رد ارسلج شغله مهمه
• حنين : خليت ايدي ع كلبي شيريد يرسلي اكيد يهددني بصورتي
• امير : وصلت للبيت ...الوووو حنين
• حنين : امير تره اسلوبك صاير زفت
• امير : انتي لكيتي واحد غيري وتردين تعوفيني اعرفها سوالفجن هاي طلعتن البنات كلجن مابيجن وحده شريفه
• حنين : احترم نفسك واحجي عدل وباي رايحه اصلي وعود بعدين نحجي
• امير : عيني المؤمنه افتحي نت حرسلج شغله
• حنين : ماافتح نت هسه عندي شغل عود من افرغ
• امير : اسمعي لج شغله تخصج شوفيها وانطيني رايج خلي اشوف شلون تعوفيني
• حنيين : اعرف قصدك ع صورتي شتريد يعني ؟
• امير : اريد الاريده افتحي نت ونتفاهم
• حنين : لاتعااااند امير شبيك انت شصايرلك
• امير : امشي ولي افتحي نت ....سديته بوجهه ورسلتلها الصور
• حنين : صدددددددمة عمري من فتحت المسجات وصوري وصور اقاربي وصديقاتي
عرفت ماخذهم من الفون واني ماغيرت الرمز لان ع نيتي وماعرف نيته سوء واللتهيت بدراستي مو ابالي هيج يسوي يربي ليش هيج
• امير : ها حبيبتي
• حنين : حسبي الله ونعم الوكيل بيك لعد انت شكد حقير وقذر
• امير : ههههههههاي لج مو امير التجي وحده ترفع خشمها عليه افتهمتي لو لا
• حنين : انت ليش هيج تسوي وين تريد توصل فهمني
• امير : اهدي هسه انتي مصدومه كملي بجي وارتاحي ونتفاهم بالليل
يتبع
