• رائد : حنانو بسبس حنااان حنين حنونه واهمسلها يم اذانها اريد اكعدها بس تنبل ولاتحس
نعالووووو
• حنين : اكو واحد يكعد بنت خالته هيج انت شكد ماعندك ذوق
• رائد : انتي بلغه النعل الا تكعدين صارلي ساعه اتغزل نعلتي ام الرومانسيه وشنو بنت خالتك انتي مرتي كبر مستحسفه تكولين رجلي
• حنين : هستوني نمت شتريد
• رائد : كومي الساعه ب6 خلي نتوضه ونصلي
• حنين : كول والله بس نصلي حتى اامن واكوم وياك
• رائد : اصير رومانسي لايفيد اصير مؤمن لايفيد بابا انتي شيفيد وياج
• حنين : هو مكنبص يم راسي و يدردم واني نايمه بالكاع امدده دفعته وكعته وكمت داتوضه واصلي
• رائد : توضينه سوه وصلينه سوه وبالسجده الاخيره بجيت من الفرح يعني شكد صبرت وانتظرت ماصارت حنين برمشه عين اجتني ع طبق من فضه صدك اليصبر ينول
• حنين : حمدت الله وشكرته رزقني برائد بيني وبين نفسي اكول الله ظلمني وميسمع دعائي و....و...و... بس الخير فيما اختاره الله وحشه لله ان يظلم بشر كل الصار حتى اجي بين ايدين رائد ...... كملت صلاه اباوع ع رائد ديبجي....... انكسر كلبي ...خليت ايدي ع جتفه.....سلم وكمل صلاته وبلا وعي حضني كل قوته مثل الحاضن طفل ويبجي واني ابجي
• ابو رائد : احمممممممم احمممممممممم احممم اح اح اني سامع ساعه لكلبي وساعه لربي بس انتو بيت رائد سويتها لكلبي وولربي سوه
• حنين : خجلت ......وردت اضحك رائد ....لا خالو شفت ابنك يبجي وردت اكسب بي اجر
• ابو رائد : خالي تره فاهمه الاجر غلط وين اكو اجر بالحضن
• رائد : حجي هو كل الاجر بالحضن انت الفاهم غلط ههههههه
صارت ب8 ووصلت البنات للصالون ومناك لازم اوصل حنين لبيت اهلها ولو بيدي مااوديها الهم
• ابو رائد : الووو ...خويه ابو حنين نجيبلك البنيه ب12 والزفه ب4
• ابو حنين : جيب وياكم سيارات هواي اريد العالم والجوارين يعرفون بنتي تزوجت
• ابو رائد : اكيد اجيب زفه تليق ابنتي حنين ( متقصد كتله تليق لحنين مو تليق بيكم لان هيج اب زفت مشايف عمي اني مو عندي بنيه وعندي 4 ولد عندي البنيه اعز من الولد )
• رائد : يابه ماائمن ع حنين تروح يم اهلها اخوانها مستهترين خاف يأذونها
• ابو رائد : ادز اختك ومرت اخوك وياها
• رائد : ياربي بس تممها عليه
• حنين : ب2 ونص الا كملنه ام الصالون ضربتنه بوري طلع عدها هواي زبونات وكل شويه رائد يتصل ع فون مها لان فوني يمه ومقفول
• رائد : لج بابا هي كحله وحمره وين اكو ام صالون هيج تتاخر
• حنين : ووووووين لاكيها كحله وحمره حتى بزمن الزفه من جانت ركض هم يخلص احمر واخضر
• رائد : خو باللسان محد يلحكج عندج مسابقه بالحجي
• حنين : انت تدري ام الصالون حطردني بالشارع من وراك
• رائد : حبيبي من ترحين لاهلج صيري سباعيه مينخاف عليج
• حنين : تخاف عليه من اهلي ؟ لهدرجه تحبني ؟
• رائد : احبج لدرجه اخاف عليج منج مو بس من اهلج
• حنين : الله يديمك الي حبيبي
• رائد : كلللللللووووووووووووووووشششش كالت حبيبي
• حنين : بااااااي بااااي
• رائد : بعد روحي الباي اني هم باي رايح اللبس القاط
• حنين : وره مكملنه اجه رائد طلعنه للمصور اخذنه صور وكملنه وصلنه للكراج مال اهلي ومخليه ايدي ع كلبي ابويه الفتح الباب احسه رجال غريب بوجهنه ماباوع ...
اجتي وياي مرت رأفت (مرت حماي الجبير) و مها حماتي
اول مدخلت السياره للبيت كمت ابجي وكلبي كام يوجعني شكد خنكوني شكد ظلموني رائد لزم ايدي وكالي شوصيتج اني يروح يسيل صبغ الاحذيه البعينج
يريد يضحكني بعد هستوني نزلت من السياره بابا يكول لرائد يلاااا انت اطلع بسرعه كلش انغثيت هستوني دخلت للاستقبال امي تروح وترجع بالصاله كدامي ومتجي تسلم ولاتباوع عليه !!!!!!!!!!!!!
صرت هلكدوتني كدام مرت حماي وكدام مها راحن سلمن عليها ورجعن يمي
• حمودي :اني فوك اباوع بس منتظر رائد يطلع حتى انزل اربيها انعل ابوها لابو حتى البدله خوش ختلت ختله يمهم عبالها متوكع بيدي بعد
• حنين : بعد ساعه ونص الا يجون شيخلصهن وكلبي ممرتاح ابد
• مها : اجه حمودي وبيده توثيه شكبرها وشكدها حيلي كام يرجف اباوع ل ايه مرت رأفت وجهه اصفر وتباوع بوجهي وحنين رادت تتخبل جمدت وفاتحه عيونها منتظرته يضربها
• حنيين : وكف حمودي اباب الاستقبال جمدت شكدر اسوي يعني
• حمودي :هااا عار ختلتي يمهم وكسرتي وجهي خليتيني استحي اطلع بالمنطقه كمت من اتعارك يعيروني بيج تردين هيج افوتها بجيسج شنو اني كوا...... لو مكرن
• مها : اخذ توثيتك واصعد لاااخابرلك رائد عود انت رجال موووو
• حمودي : اسكتي لج ظلن بس الساقطات يهددن بيه واذا حجيتي اطبكج وياها
• حنين : مثل الحيوان الهايج ضربني بالتوثيه ع ايدي بس كالعاده اني لاحول ولاقوه عرووووس وتنضرب وانتو حكمو بأحساسي
• مها : خااااااااله خاااااله لحكيلنه محد ......محد يكدرله ابو واحد يصيح يكوله عوفها وامه تجي ويدفعها اني ركضت ع طابوكه مسوينها بقماش ودانتيل مخلينها بالباب خلي
