Antroxiac: The Rages of Mercury

CHAPTER 15: THE LAST OXCRUX

CALEXE’S POV

Nakarating na kami sa syudad ng Ignis. Ngunit mukhang nagbago na ang pagtingin namin sa ganda ng lugar. 

Ngayon nasa parke kami sa gitna ng lungsod. May mga kumpol ng mga ember tree doon at doon namin dinala ang mga garuda namin. As usual agaw pansin parin si Ruru. Alam na kasi ang pagkapadpad nina Matt at Collin sa mundong ito kaya hindi na sila masyadong pansinin. Ito lang si Ruru eh. Parang natatakot ang mga tao dito, pero dahil kasama kami wala ring nagawa ang mga sundalo. As what I have said, we hold a quite prestigious place in high society here.

Halos kalahating oras na kami dito ngunit walang anumang salita ang namutawi sa amin mga bibig. Naks the term. 

Nakasandal sa puno si Matt na mukhang malalim ang iniisip. Sa kabilang dulo ay nandoon si General Mortiff. Mukhang sinisisi kami sa ginawa namin. Naguguluhan pa kami kung bakit ganoon ang reaksyon niya pero isa lang ang alam namin. Mali ang ginawa namin. At si Matt bilang leader namin ay syang landingan ng sisi. 

“Ahhhhhhhh, General Mortiff,” pukaw ng kakambal ko, “bakit po nagagalit kayo sa ginawa namin?”

“Patawad sa inasal ko prinsesa Margaux,” at ngumiti nang payak ito. Kumbinsido na ako na sya nga ang totoong General Mortiff. Tatlong tao lang kasi ang nakakatawag ng Margaux kay Elexe, ang nasira naming ina, si ama at sya. Humanda ka kung tatawin mo si Elexe ng Margaux na hindi kayo close. Baka mapatay ka niya.

Nagpatuloy ang heneral.

“Alam kung wala kayong masamang intensyon sa pagligtas sa akin ngunit isa iyon malaking pagkakamali. Labimpitong taon na ang nakaraan ng muling lumabas si Ragious at Vengious sa planetang ito, hudyat na nag umpisa na naman ang isang panibagong digmaan. Lingid sa kaalaman ng marami may isang barrier na naghihiwalay sa dalawang kontinente. Ang Lamis at ang Ailen. 

Hindi ko alam kung paanu nagkayari iyon pero siguro dahil sa Ailen nagpakita ang puting tagapagtanggol kaya nag iiwan ito ng panangga laban sa mga masasama. Kaya noong lumabas ulit si Ragious ay pinili nyang manirahan sa isa sa mga isla sa Lamis. Hindi makakapasok ang mga masasama sa Ailen kaya maging kampante ang lahat sa kanilang kaligtasan sa kontinenteng iyon. Hanggang sa nadiskubre nila ang isang lagusan sa Auburn island. Dito na naghigpit ang hari. At bilang kanyang kanang kamay ay ako ang inatasan na magbantay sa lagusang iyon. Nagtayo ako ng pasilidad sa tuktok ng Wizard’s Mountain kasama na mga watch tower na binabantayan ng mga kawal 24 hours.

Hinigpitan ko ang mga pumapasok dito lalo na kung galing sa rotang Lamis. Ang alam ng marami binabantayan namin ang mga garudang naninirahan doon. Masama rin kasing mapunta sila sa mga kalaban dahil makakatawid na sila sa dalawang kontinente ng mabilis. Ngunit isang araw, dumating galing sa Lamis ang inyong ama. Dumaan daw sila sa ibang rota para usigin ang Lamis ngunit nabigo siya. Sugatan pa noon sya kaya kahit nagtataka at pinapasok ko sa isla. Iyon ang pagkakamali ko. Hindi iyon ang mahal na hari kundi si Vengious ang mapaglinlang na kapatid ni Ragious. Isa syang shape shifter at nalinlang niya kaming lahat. Pinatay nya lahat ng kasama ko sa harapan ko...”