وصلنا الحلقة اللي فاتت لحد ما وعد كانت في شقتها وحد خبط عليها غير صاحب الايجار
~~~~~~~~~~~~~~~~~~~~~
لملمت وعد خصلات شعرها وهي تقول محدثة نفسها: محدش بيجي عندي خالص ولا حد يعرفني، ياترا مين؟!
فتحت وعد الباب لتنظر الي هذه الفتاة التي تسمعي شيرين
عقدت وعد حاجبيها وقالت: مين حضرتك؟ !
شيرين بإبتسامة: مش فكراني يا دودو انا شيري
قامت شيري بوضع يدها علي شعرها وهي تحركه بغرور مصطنع مرددة: اخرسوا انا يوم ما هخرج من هنا هبقي ممثلة كبيرة
فتحت وعد عيناها علي اخرهما بصدمة وقالت: شيرين يخربيت عقلك، تعالي ادخلي
دخلت شيرين وهي تضحك ،جلست علي احدي الكراسي الموجودة بالصالون لتتبعها وعد وتجلس امامها قائلة: بس ايه اللي انتي عملاه دة؟ !،وخرجتي من الملجأ امتي اصلا؟!
شيرين: هحكيلك كل حاجة، بصي يا ستي خرجت بقالي سنة ودورت علي شغل لحد ما لقيت كافيه طالب بنات للعمل نادلات(جرسون)
والمرتب خرافي، دخلت وقدمت وعجبهم شكلي واستلمت اللبس وبدأت من اول يوم وشوفت العز علي اصوله بقي يا بت يا وعد، وقولت انتي كمان تنفعي، دورت عليكي لحد ما عرفت انك شغالة في الشهر العقاري ولما روحت عرفت انك اتطردتي وخدت منهم العنوان وجيتلك علي هنا
وعد بهدوء: بس مش شايفة ان لبسك اوڤر شوية!
ضحكت شيرين وقالت: لا خالص، يابنتي دة لبس الناس الهااي الاغنيا
كلهم بيلبسوا كدا
ثم اردفت بحماس: ها قولتي ايه؟!
وعد بحيرة: في ايه؟ !
شيرين:في انك تشتغلي معايا، اصلا انتي كمان جسمك رشيق وكدا ومناسبة جدا للشغل دة
وعد بحيرة:بس انا قدمت علي شغل اصلا مديرة حسابات في شركة الكترونيات بس لسة مردوش عليا قالولي ات في ناس كتير في Leaving
والموضوع هياخد وقت عشان يحددولي معاد ..
شيرين :ياسلام وماله ان اتكلموا روحي شوفيهم وان متكلموش تبقي لقيتي شغل وكمان اعبال ما يردوا عليكي هتكوني موتي من الجوع وفلوسك خلصت، شغلي عقلك يا وعد
وعد بحيرة :بس..
قاطعتها شيرين بقولها الحازم: مفيش بس، المرتب 10 الاف جنيه،اظن مفيش انسب من كدا
وعد بإرتباك: سيبني افكر طيب
شيرين وهي تنهض لتذهب: طيب يومين وهتصل بيكي اعرف ردك، وبسرعة قبل ما حد ياخد مكانك يا دودو
يلا تشاوي يا قلبي
قالت اخر كلماتها واغلقت الباب خلفها وذهبت، بينما ظلت وعد تفكر في الامر
……………………………………
في فيلا عز الدين السويفي ..
كانت عهد جالسة جلستها المفضلة في شرفتها وترتشف بعضا من كوب القهوة الذي بين يديها ،بعدما انتهت من صلاة العشاء بعد يوم منهك ومتعب في العمل
وتنظر لحديقة منزلها بشرود، ثم تنهدت بعمق وهي تشعر بثقل كبير علي كاحلها ولا تعلم كيف تزيله،فكرت قليلا محدثة نفسها قائلة: مش يمكن سبب اللي انا فيه دة اني مش قريبة من ربنا كفاية! ،ايوة انا بصلي ولبسي واسع بس مش مهتمة بورد قرأن غير مرة كل فترة، ومش مهتمة اني اعرف اي حاجة عن ربنا او سيدنا محمد!
مش يمكن لو اتعلمت وتعمقت في امور ديني اكتر ارتاح!
انا لازم من بكرا ادور علي معهد للعلوم الشرعية، لازم افوق بقي مش هفضل كدا كتير مموتة نفسي في الشغل ومش هاممني اي حاجة ولا حتي نفسي.
أنت تقرأ
اختلاف مزدوج
Romanceنبذة مشوقة عن الرواية الجديدة :لو سمحتي كنا عاوزين نتكفل برعاية طفلة صاحبة الملجأ:اتفضلوا معايا في بنتين هنا في منتهي الجمال والادب الرجل:ايه دة هما توأم! ،بس انا مش هقدر اخد الاتنين انا عاوز بنت واحدة نزلت زوجته في مستواهم لتري احداهن عيناها الزرقا...
