اختلاف مزدوج

بارت 2

وصلنا الحلقة اللي فاتت لحد ما عهد تعبت وسابت علاء وعائشة وروحت وهما قعدوا يفكروا وضحكوا ودعو ليها
~~~~~~~~~~~~~
ذهبت عهد للمنزل صفّت سيارتها امام المنزل ونزلت متوجهة للداخل القت التحية علي حراس البوابة ودخلت الفيلا مغلقة بابها بالمفتاح واغلقت جميع شبابيك الفيلا وشرفاتها عدا شرفة غرفتها فهي تحب ان تجلس في شرفتها معظم الوقت

خلعت حجابها واسدلت شعرها علي كتفيها وبدلت ملابس خروجها بملابس منزلية اكثر راحة ونزلت للأسفل مجددا
لتقابلها الدادة الخاصة بها فهي مع عائلة عهد من قبل مجئ عهد وتبلغ من العمر ٤٥ عاما
هدي:تحبي احضرلك العشا يابنتي، انتي مكلتيش حاجة من الصبح حتي مفطرتيش ياعهد

عهد بإبتسامة:لا متتعبيش نفسك انا هطلب اكل من برا

تنهدت هدي وصمتت فحال عهد لا يعجبها ولكن ليس في يدها شئ

ذهبت عهد لصنع كوبً من الكابتشينو فهي تحب فعل اشيائها لنفسها واخذت اللاب توب الخاص بها وهاتفها وصعدت لغرفتها وضعت اشياءها في الشرفة واخذت الهاتف طلبت احدي مطاعم الشاورما وطلبت اوردر لها
وجلست في الشرفة وهي تصفي ذهنها وترتشف بعضً من الكابتشينو الساخن ببطء وهدوء فهذه الجلسة الوحيدة التي تهدء اعصابها فتحت حاسوبها وتفقدت بعض الاخبار وبعض الاشياء المهمة واندمجت في العمل حتي سمعت صوت اللاسلكي لأحد الامن يخبرها بوجود موصل الشاورما

ليدق باب غرفتها وتدخل هدي قائلة:انتي طلبتي الاوردر دة يا عهد؟

عهد:اه يا دادة استني انا هنزل اخده

ارتدت عهد اسدال صلاتها سريعا ونزلت للأسفل وردت عبر الجهاز الالكتروني الموصل بالحائط بجانب باب الفيلا قائلة:اه يا عمو اسماعيل انا طلبت الاوردر دخله

وبعد دقائق معدودة رن جرس المنزل لتفتح عهد الباب قليلا وتأخذ الاوردر من العامل وتعطيه امواله وهي تقول:شكرا

:مش معقول!! ،انتي خرجتي من الملجأ امتي يا ..
وقبل ان يكمل كلماته
نظرت له عهد بإستغراب شديد وعقدت حاجبيها بعدم فهم وقالت:افندم!

ليفتح العامل عيناه علي اخرهما ويقول بصدمة:عهد!!

عهد بتعجب:انت مين؟،وتعرفني منين؟!

العامل بحماس وابتسامة:مش فكراني انا علي

عهد تحاول التذكر وهي عاقدة حاجبيها:علي! مظنش اني اعرفك

علي بخيبة امل:خلاص عشان خرجتي من الملجأ قبل الكل نستينا

فتحت عهد عيناها علي اخرهما وهي تردد: ملجأ!
وفجأة اصبحت كل الذكريات تمر بعقلها دفعة واحدة
"انا مستحيل ابعد عنكم"
"عهد متسبينيش"
"حبيبتي انا عارف انه صعب تبعدي عن توأمك بس حاليا احنا بابا وماما انسيها بقي هي اكيد هيجي ياخدها اب وام زي ما خدناكي"
"بس انا قلبي واجعني توأمي فيها حاجة"