حافةة النسيان **

البارت الخامس

مدري ليش المالهم داعي شكثرهم .!
والنحبهم،لا خبر منهم وصلنا ولا نشم ريحه عطرهم.
....... الكاتبه فاطمه
نور:طبينه للمستشفى جان نلكه الدكاترة واهل يزن وشوي ناس من كرايبنه ملتمين على غرفه يزن😩😞
ابو حسين: احجوا شكوو احد يرد شبيكم
(رد عليه واحد من كرايبنه اسمه عزيز)
عزيز: والله ياابو حسين يزن حالته خطرة هسه الا شوي جا مات بس لحكوهه الدكاترة ولازم بنتك هسه تسوي العمليه اليوم ...
ابو حسين: نور وينج بابا تعالي
نور:هاا بابا
ابو حسين: اليوم راح تكون العمليه مالتج لاتخافين وصيري سباعيه انتي راح تنقذيني يزن وتفرحين اهله واحنه هم نفرح ديربالج على نفسج
نور:ان شاء الله😞
الممرضه:صاحت باسمي
نور:نعم اني
الممرضه :تفضلي ويانه
نور:اي بس دقيقه
ام حسين:  حضنت  نور وكمت ابجي عليهه
نور:ماما لاتخافين عليه مجرد عمليه ....ورحت هم حضنت بابا وبعدين اجتني دعاء
دعاء:حضنتهه وكتلهه لاتخافين
نور: لا ما خايفه (اني اصلن من الخوف كمت ارجف) بس اذا متت ديربالج على اهلنه
دعاء:لاتكولين هيج
الممرضه:ست نور تفضلي ويانه راح نتاخر
نور:رحت ويه الممرضه لبستني ملابس العمليه وطلعنه وشافوني اهلي وكرايبنه كاموا يبجون عليه
رحت دخلت غرفه العمليات واني ارجف من دخلت وشفت الاجهزه والغراض مال عمليه ردت اتخربط بس الممرضه لزمتني وكالتلي تعالي نامي على هذا السرير ف نمت وخدرتني وبعد ماحسيت بشي 
................................................
خالد:جان يوم خميس جنت اني وصديقي كاعدين باب وجان تجي كيه نزلت منهه كومه نسوان وشويه سمعه صوت عياط وصريخ يارب استر شكو
رحت على ابو الكيه
خالد:السلام عليكم
..وعليكم السلام
خالد:خويه شكو شنو صاير
.. والله ياخويه مسوين حادث
خالد:اني خفت كلت بس لانور وياهم اووف لا ياربي
..٣شباب رايحين للمعلب وجان بلطريق مسوين حادث خالد:تعرف منو هذوله ٣شباب
...اي شلون مااعرفهم غير اني كرايبهم
خالد:تشرفت بيك
..على راسي خويه ..هم يزن وحسين وحسن
خالد:يااا الله يشافيهم
رحت طيبيت لامي وكتلهه هيج وهيج السالفه كامت تبجي خطيه انقهرت عليهم كلش تكول مايستاهلون بعدهم بعمر الورد الله يساعد كلب امهاتهم
............................ً
دعاء:من طبت نور للعملية ورة 4ساعات طلع الدكتور
الدكتور:العمليه نجحت مبرووك
ابو يزن:دكتور زين شوكت تصير عمليه يزن
الدكتور:هم اليوم لان حالته خطيرة جدا اذا ما سويناهه اليوم يمكن يموت
ابو حسين: لا عيني شنو منتظر سووهه
الدكتور:اوكي ...
ام يزن ؛ طلعوا يزن من الغرفه واخذوا لغرفه العلميات من طلع الدكاترة كلهم ملتمين عليه اخاف نفقدة
ابو يزن: دخل يزن لغرفه العمليات وتاخروا وبقوا فوق 6ساعات ب الغرفه واخيراا طلع الدكتور
الدكتور:الحمدلله على السلامه نجحت العمليه وتجاوز مرحله الخطر مبروك
الكل:الله يبارك بيك دكتور وكل واحد حضن الاخر
ام حسين: دكتور يصير اشوف اولادي
الدكتور: تكدرين تشوفيهم بس ميصير يدخل اكثر من2 للغرفه
ابو حسين:ام حسين انتي ودعاء دخلن لحسين وحسن
دعاء:دخلنه لغرفتهم منظرهم يخلي الواحد يجمد بمكانه خطيه حسين عنده كسر برجله وحسن بيده و  عنده ضلع مفطور اوووف يااخواني
بلكوه طلعت ماما من الغرفه تبجي عليهم وتنوح لان الدكتور ما قبل نبقه هواي
نور: فتحت عيوني ولكيت الممرضه بالغرفه كتلهه اريد اهلي
الممرضه :لازم ترتاحين هسه
نور:مابي شي بس اريد اشوفهم
الممرضه: اوكي بس خلي استأذن من الدكتور
نور: بس بسرعه
الممرضه:رحت استأذنت من الدكتور وقبل اصيح اهل نور ورحت الى اهل نور وكتلهم وكلهم اجوي
نور: سمعت انفتح الباب مال غرفه طلعوا كلهم جاين واني ابتسمت
الكل :الحمدلله على السلامه نور
نور:الله يسلمكم
ابو يزن:الحمدلله السلامه بنتي والله ماراح انسه معروفج
نور:الله يسلمج عمو ....وام يزن هم شكرتني 😍(اني ماسويت شي بس مجرد اخذت قطعه مني انطيتهه لحبيبي يزن ان شاء مابي شي)
الممرضه :لو سمحتوا لازم المريضه ترتاح
دعاء :كلهم طلعوا بقيت بس اني احجي ويه نور
دعاء:شلون صرتي هسه
نور: الحمدلله ..اخواني شلونهم
دعاء:الحمدلله بخير
نور: ويزن😶شلون صار
دعاء:تمام نجحت عمليته
الممرضه : ست دعاء لو سمحتي لازم المريضه ترتاح
دعاء: اوكي ديربالج على نفسج نور
نور: وانتي هم حبيبتي
......................................
وبعد مرور اربعه ايام اني صرت زينه وكمت امشي الحمدلله واخواني طلعوا قبلي وامي راحت وياهم بقة وياي بابا ودعاء
ابو حسين: بابا نور اليوم نكدر نخرجج من للمستشفى راح اكمل الاوراق وانتوا حضروا نفسكم وغراضكم
نور:اي بابا حاضر ....بابا راح يكمل الاوراق واني ردت اروح اشوف يزن
دعاء: دخلنا اني وبيت ابو خالد على نور
نور : انصدمت من شفتهم راسن كمت سلمت عليهم
خالد :شفنا دعاء يم الممرضه تحجي وياها رحنا يمها سلمنا عليها وانوب دخلنا لغرفه نور نور اول ما شافتنا انصدمت اني شفتها تعبانه وذبلانه فد نوب انقهرت عليها حيل
ابو خالد : الحمد لله على السلامه
الحمد لله على السلامه بنتي ما تشوفي شر ان شاء الله
ام خالد : الحمد لله على السلامه نوره ان شاء الله نجيكم للبيت بعد ونطمئن عليج
نور : الله يسلمكم ما قصرتوا 😗
ابو خالد : بنتي دعاء وين غرفه يزن نريد نسلم عليه قبل ما نطلع
دعاء: اي عمو هسه اخذكم الها
نور : بس سمعت يحجون على يزن ما ادري شصار بيه تمنيت اروح وياهم لغرفته واحضنه😥
خالد : من حجوا على يزن نور اتغيرت ملامحها ما ادري شصار بيها
دعاء : اخذتهم ورحت لغرفه يزن
ابو خالد  السلام عليكم وليدي
يزن: وعليكم السلام هلا عمي ابو مصطفى
ام خالد : الحمد لله على السلامه وليدي
يزن : الله يسلمج خاله
مصطفى : اول ما دخلنا لغرفه يزن شفت ابنيه واكفه يم يزن اول مره اشوفهه 
ام خالد : شلونج يمه رقيه
رقيه : الله يسلمج خاله الحمد لله انتي شلونج
مصطفى : عرفت اسمها رقيه شلون ادب واخلاق وانوب اسمها رقيه 😍
رقيه : انتبهت على ولد واكف يم بيت ابو مصطفى ما عرفته لان اول مره اشوف ولدهم  بس يباوع عليه شلون يخبل 😜
ام مصطفى : يله ابو مصطفى خلي نروح الولد تعبان خلي يرتاح
ابو مصطفى : اي يله من رخصتكم وليدي يزن
يزن : الله وياكم عموو
خالد : بابا اني راح اروح للحمام انتظروني بالسيارة
ابو مصطفى: بس لا تتاخر
خالد: رحت لغرفه نور محد بيهه لكيتهه داريهه وجهه على الشباك تقربت منه لزمت ايدهه
نور:اني داريهه وجهي على الشباك اباوع على السماء وافكر ب يزن شلون صار واحس احد لزم ايدي عبالي يزن ضحكت ودرت وجهي لكيتهه خالد
نور:انته شنو تسوي اهنا ما تستحي وسحبت ايدي منه اطلع منا لا تخليني اصيح
خالد:على كيفج والله مااسوي شي بس اريد اكلج كلمه
نور:اطلع منا هسه شنو يكولون علينه اطلع راح اصيح خالد:احبج نور والله احبج 😳والله رايدج وشاريج
نور :اني انصدمت 😱😱بس اني مااحبك احب يزن
خالد:شنووو 😮
نور:اي احب يزن ما احبك
خالد :كمت من الكرسي وطلعت بره الغرفه مصدوم ورحت للحمام غسلت وجهي ورحت للسيارة
ابو مصطفى: شبيك خالد
خالد: مابي شي يابه
مصطفى: همست ل خالد شبيك ولك مو على بعضك
خالد: كلشي ماكو شبيكم مابي شي
مصطفى: طبك مرض 😠
.......................................
ابو حسين: كملت الاوراق ورحت لغرفه نور لكيتهه بس وجهه لونه مخطوف شبيج نور
نور:مابي شي بابا
ابو حسين : دعاء وينهه
نور:اجوي بيت ابو مصطفى وسلموا عليه وكالوا لدعاء دلينه غرفه يزن وراحت وياهم بعد ما رجعت
ابو حسين: اي شفتهم وهمه طالعين سلموا عليه بس دعاء مو وياهم
نور:يمكن بالحمامات
دعاء:رجعت للغرفه لكيتهم منتظريني
ابو حسين: وين جنتي
دعاء:بالحمامات
ابو حسين: يله امشن خلي نروح نسلم على  ابو يزن ونروح للبيت
نور:واخيرا راح اشوف يزن حبيبي مشتاقتله خيرات الله ..رحنه سلمنه عليهم وطبيت ليزن
نور: السلام عليكم
يزن : وعليكم السلام شلونج
نور:بخير مادام انته بخير
يزن: تسلمين ...نور مااعرف بشنو اجازيج انتي نقذتي حياتي وضحيتي بحياتج علمودي ماانسه معروفج هذا وان شاء الله اردهه الج اي شي تحتاجي اني موجود وشكرا على كلشي
نور: تستاهل كل الخير
يزن : تسلمين نور عيني
نور:😱😳
ابو حسين :يله نور امشي تاخرنه
نور:يله بابا اجيت
يزن :مع السلامه نورة
انتظروني بالبارت الجاي ....
بنات تدرون ليش البارت قصير  لان ماكو دعم وتشجيع منكم اذا اكو تفاعل وتشجيع اسوي بارت اضافي واتمنى تتابعون الصفحه مالتي ....حبايب كلبي انتوا😍😍😍