حافةة النسيان **

البارت السادس

الكاتبه fo.fo
نور:رجعت للبيت تغديت ونمت العصر كعدت لكيت ماما مسويه كيك اكلت وشويه اجه بابا
الاب:هاا بابا شلون صرتي
نور: الحمدلله
الاب: وان شاء الله باجر يزن يخرجونه من المستشفى الام:اي الحمدلله
نور:فرحت من كلي بابا باجر يخرجون يزن ....
دعاء:نور ترة مابقى شي على امتحاناتج
نور:اهووو هسه الا تذكريني نيالج انتي ما تمتحنين هسه
دعاء:طاح حظج اني امتحن ب رمضان وصايمه
نور:نسيت يله حل حتى حل هههه 😜
دعاء:عابتلج والله اتمنى امتحن هسه واخلص
نور:واني شعليه هههههه
دعاء:ههه كبر لفج ليش تفشليني ...عود صاير تحشش نور:لعد شعبالج ....
نور:شديت حيلي لان الامتحانات بعد ٣ايام وتبدي ..
فمرت الايام وامتحنت اني وحسن وحسين هم امتحن وخلصنه امتحانات ويزن طلع من المستشفى وصار زين الحمد لله 
دعاء: ولج نور كافي نوم افتهمنه خلصتي امتحانات  يله كومي راح يجونه بيت ابو يزن
نور:اني نايمه ودعاء تصيح كعدي واني ماكعدت بس من سمعت بيت ابو يزن جاين فزيت
دعاء: ولج يله كومي بدلي وتعالي نزلي
نور:اي اجيت .. لبست تراك سمائي ونزلت
دعاء :نور اكلج شي بس مو تزعلين
نور:كوولي
دعاء :متاكده
نور:اي احجي خوفتيني
دعاء:جذب ما راح يجون بيت ابو يزن بس اني جذبت عليج بس علمود تكعدين من النوم صارت ب٥العصر وانتي نايم
نور:ايا صخله تجذبين عليه اوكفيلي كمت تعاركت وياهه ورجعت كملت نومتي
دعاء: تعاركنه اشو هاي صعدت فوك بس لا راح تنام طبهه مرض واني شعليه
.....................
خالد:قربت الامتحانات ودرست وشديت حيلي وكل ما تطلع نور من بيتهه جنت  امشي وراهه  من بعيد بحيث اخليهه ماتشوفني وخلصت امتحاني
ابو مصطفى: مصطفى ابني كافي صار سنه كامله على خطبتك واريد افرح بيك واريد اشوف جهالك
مصطفى: والله يا بويه ب راحتك انته فصل واحنه نلبس يايوم تريد عرسي سوي
ام مصطفى: واخيرا راح افرح بيك
مصطفى: ☺
ابو مصطفى: ان شاء باجر نروحلهم ونقرر موعد العرس
مصطفى: براحتك بويه .....
خالد:هاا ولك راح تعرس
مصطفى: دنجب ولي مني
خالد: مو صوجك صوجي اني
مصطفى:  اني مالي نفس ب زينب خطبتهه علمود امي رادتهه بس اني خلال هاي السنه مال خطبتنه عرفت عنها هواي اشياء تحب تكشج وتتفيك كدام صداقاتهه و زينب اهم شي عدهه طلعه طبه هيه وصديقاتهه وتحب الفلوس ........ واني ردت افصخ الخطوبه بس بابا ماقبل وكلي اغضب عليك فسكتت
مصطفى: جاي افكر ب زينب شلون راح اعيش وياهه وجان يرن تلفوني وطلعت  زينب
زينب:هلاو حبي شلونك
مصطفى: (بثكل ) الحمدالله
زينب:حبي اليوم صديقاتي مسويات عزيمه وعزمني تقبل اروح لو لا
مصطفى: لا ممنوع
زينب: شبيك حباب كل مرة مو تقبل بس ليش هلمرة
مصطفى: بكيفي واذا طلعتي من البيت اكسر رجلج
زينب: هاي شبيك انته اليوم
مصطفى: مابيه شي. .باجر راح نجي نحدد موعد العرس
زينب: صدووك حبيبي يله باي اروح اكول لصديقاتي
مصطفى: صار ثاني يوم ورحنه للبيت زينب وحددنه العرس بعد اسبوعين وبدينا بالتحضيرات وخلصنه كلشي بقه بس بطاقات الدعوه مال عرس انطيت قسم الى ابويه يعزم جماعته واصداقائه وقسم ماما تعزم جوارينه
. ...................
نور: فد يوم كاعدين العصر والباب يدنك طدك طدك
وحسين راح فتح الباب طلعت ام مصطفى عزمتنه على الحنه والعرس يوم الخميس الحنه والجمعه العرس
دعاء: ماما حبابه قنعي بابا علمود نروح والله ضوجه
نور:اي ماما عفيه خاي نروح
الام:يمه منجن
مشت الايام واليوم الثلاثاء
دعاء ونور : جنا كاعدين فوك نريد نعرف شنو نلبس بالحنه والعرس
نور : اوووف كلشي ما عدنه جديد
دعاء : اي والله ما عدنا خلي ننزل نكول لماما تشتري النا لان قربت الحنه واحنا ما عدنا شي
دعاء ونور : ماما ماما
الام : ها ولجن شتردن
يمه احنا ما عدنا ملابس جديده وقربت الحنه
الام: خلي يجي ابوجن واذا قبل نروح العصر للسوك
واثناء الحديث اجه بابا
الام : الله يساعدك ابو حسين
دعاء ونور  : الله يساعدك باباتي
الاب : ما دام باباتي اكيد وراجن شي كولن
الام : ابو حسين اليوم اجت ام مصطفى وعزمتني على عرس ابنها مصطفى والبنات يرحون وياي وما عدهم ملابس يردون ملابس
الاب  اي عادي روحن العصر
دعاء ونور : شكرا يابه
تغدينه وصارت دنيا عصر بدلنه ورحنا للسوق
دعاء : من رحنا انتبهت اكو شخص يمشي ورانه ما عرفت منو لان ازدحام الشارع ....بعدين درت وجهي وشفت ولد يمشي ويذب حجي ما عبرته مشينا جان الكه مصطفى ابن جيرانه بالسوك
مصطفى : جنت اني وامي بالسوك جاي نشتري اغراض امي جوه بالمحل واني بره جان اشوف ولد يمشي وره بت ابو حسين و يحجي وياها ما ردت عليه هيه بس هوه لازك رحت يمه ضربته بوكس وصارت هوسه
الام : درت وجهي شفت مصطفى يضرب بولد وطايح فوكا دك ضرب
مصطفى : الزلم الي بالسوك وخروني منه
الام شكرا خاله مصطفى
مصطفى :لا خاله ولووو احنا جيران
دعاء من شفت العركه انصدمت خفت ورجعت ليوره وبعدين كملنا طريقنا
وبعدين اشترينه الملابس ورجعنا للبيت كالعاده سوينا العشه وروتينا اليومي ...الخميس دعاء: لبست تنوره لون نيلي وقميص ذهبي 
وخليت ميك اب خفيف