حافةة النسيان **

البارت الاول **

حافه النسيان بقلم الكاتبه fatima Hussien
في بعض الاحيان تكون الذكريات اجمل اللحضات في حياتنا ولكن ليس كل الذكريات تستحق التذكر 😊
السلام عليكم
اعرفكم عن نفسي اسمي نور من العراق تبدا قصتي من اني وصغيره ....
اني حنطاويه وطولي متوسط يعني لا طويله ولا قصيرة وعيون خضر محجبه عندي ٢خوان واخت وحده واني يعني ٢بنات و٢ولد اختي اكبر مني بسنه اسمهه دعاء عمرهه ١٥ طويله وبيضه وعيونهه صفر محجبه واخي الكبير اسمه حسين عمره ١٩ مرحله اولى كليه واخي الي اصغره من اسمه حسن١٧ طالب مدرسي واني عمري ١٤ وابي مهندس الحمدلله وامي ربه بيت طبعاا امي وابي اتزوجوا عن حب حياتنه طبيعيه نفس كل عائله حياتنه حلوة طبعا احنه عايشين بعيد عن اهل امي وابي وكل عمامي وخوالي بابا يكول من المشاكل بس بين فترة وفترة نروح نشوفهم ...
الام :دعااااء نورررر يله كعدن صارت ب ٦ راح تتخرن ع المدرسه
نور دعاء :اي ماما كعدنا
دعاء كمت دخلت للحمام وغسلت وتوضيت اجيت اصلي شفت نور بعدهه نايمه ولج نور كومي راح تتاخرين
نور :اي افتهمت كمت غسلت وتوضيت صلينه وبدلنه ونزلنه جوه لكينه ماما مسويه ريوك
دعاء ونور :صباح الخير
الكل: صباح النور
تريكنه وكملنه ورحنه للمدرسه اني ونور مشي لان المدرسه قريبه علينه والكل راح اخوي كل واحد راح الى دوامه وبابا راح للشغل وصلنه للمدرسه سلمنه ع صديقاتنه وصار الاصطفاف وكل وحده دخلت للصف
دعاء :اليوم عدنه امتحان وخايفه كلش منه
ريم :هاي شبيج عود انتي الشاطرة هيج لعد اني شنو اكول
اعرفكم اني ريم صديقه دعاء المقربه طبعا اني ماعندي خوات بس اعتبر دعاء اكثر من اخت الي
دعاء:ولج غير تجيب اسئله صعبه هيه كالت اني اعلمكم ب الاسئله
ريم :ولج دعاء خليهه على الله الي الله كاتبه يصير
دعاء :والنعم بالله
خلصنه الدرس الاول والثاني هم كالوا الدرس الثالث امتحان نسيت اكول الكم الامتحان جان كيمياء ب الفرصه ضلينه نراجع اني وريم صار الدرس الثالث اسئله كلش صعبه بس الحمدلله جاوبت
هسه نجي على نورر
نور دخلنه للصف جان عدنه اول درس اسلاميه درسنه صار الدرس الثاني رياضيات شكد اكره الرياضيات ما افتهم منه شي صارت فرصه عندنه الدرس الثالث جغرافيه جانت محد محظرة بس اني طبعا المدرسه كامت تصيح وترزل وكالت طلعوا اوراق واقلام امتحان الشهر الثاني احسبه البنات كامن يترجن بيهه وابدا هي قافله وامتحنته محد جاوبت بس اني جاوبت
رقيه : ولج نورر كولي جاوبتي
نورر:شنو مبين عليه مجاوبه موو
رقيه صديقتي المقربه اني وياهه صديقات من الطفوله جوارينه
نور : خلص الدوام كلت خلي اروح لدعاء علمود نطلع

دعاء :هاا نور يله نروح
نور :اي يله رجعنه للبيت لكينه ماما وحسن وحسين راجع اليوم من وكت مااعرف ليش المهم رجعنه بدلنه وغسلنه واجينه ويه ماما نساعدهه
الام :هاا كملتوا يله نصب غده
الكل :اي والله جوعانين
صبينه غده وكملنه اجه بابا هم صبينه غده وغسلت دعاء المواعين واني ساعدتهه
الام : يمه باجر خميس عدجن امتحان لولا
نور دعاء: ليش يمه لاماعدنه
الام :لا ماكو شي بس عزمونه اهل ابوج
نور ودعاء:اي ماما والله ملينه من الدراسه خلي نروح حبابه اقنعي بابا
الام :يمه منجن بس تردن تطلعن
الاب :شكو الكل يضحك
الام :لاماكو شي اكلك ابو حسين
الاب :كولي
الام :محد خابرك من اهلك
الاب :اي صحيح خابر ابوي وكال معزومين باجر على الغده والعشه
الام :اي هم خابرت خالتي شنو تكول نروح لا خل نروح البنات ضايجات من جو الدراسه وهناك الكل معزوم ليش مانروح نغير جوو
الاب والله يا ام حسين هم اريد اروح لان صار هواي ماشايف امي وابوي بس لازم اخذ اجازه
الام :لعد اخلي اكوم اكول للبنات واشوف من الولد يا هو يروح
نوررر دعاء وينجن
نور :ها ماما شكو
دعاء :شبيج يمه اكو شي
لام :ابوجن وافق نروح
البنات :صدوك يمه بسناهه من راسهه وصعدنا نحجي اني ودعاء
دعاء: نورر شنو راح تلبسين
نورر : مااعرف
دعاء :لازم باجؤ نغيب
نور : عادي هوه احنه ماغايبات هواي خلي نغيب احسن تغير جو
دعاء :اي والله ملين من الثالث متوسط
الاب :نور حبيبتي وينج تعالي طبعا نور الصغيرة وتعرفون الصغير مدلل
دعاء ونور: احنه فوك سمعنا بابا يصيح على نور يكلهه وينج تعالي
نور :اي بابا جايه
دعاء :طبعا شوي اغار من نور لان بابا يحبهه ومدلل بس غير الصغيرة كلنه نحبهه

نور صار يوم الخميس وكعدنا من الصبح تقريبا ب٧ كعدنا تريكنه ونضفنه البيت صار ب٨ الام يله بناتي صعدن بدلن علمود نروح يله لا نتاخر
نور دعاء :اي ماما
نور:لبست بنطرون اسود وفوكاه قميص جوه الركبه احمر واسود ضيق صار يجنن عليه ولبست حذاء تكرمون احمر وجنطه سوده طلعت اجنن ولبست عباه
دعاء :اني لبست بنطرون اسود وفوكاه سيلفي لونه ماروني ضيق صار يخبل ولبست حذاء وجنطه ماروني وشال اسود طلعت اخبل هم لبست عباه
(لبسنه عباه لان ملابسنه ضيقه طبعا احنه نلبس عباه بس بالمدرسه لا)
نور: وولج دعاااءء
دعاء:شبيج ملابس مو حلوة صح
نور :ولج طالعه تخبلين والله
دعاء :شكرا انتي هم والله حلوة
اخواني ميروح ميحبون هيج طلعات
نزلنه شافتنه ماما
الام :ولجن شنو هاي طالعه تخبلن الله يحفظجن
الاب:طالعات حلوات بناتي....