حافةة النسيان **

البارت السابع

نور:اجت رقيه وطلعنه وجان اشوف خالد يم يزن ويسولفون سوه ..خفت بس لا خالد يكول. ليزن اني احبه وعلى الي صار بالمستشفى .....
دعاء:طلعنه وشفت علي يباوع عليه وغمزلي كبر حتى كبر اي والله شكد خفيف 😋
رقيه : ماما يله نروح
ام يزن:اوكفي خلي يجي يزن ونروح

.............
يزن: وكفت يم الشباب بالشارع وجان يجي خالد يكلي اريد احجي وياك
خالد: ردت احجي ليزن انو هيه تحبه جاي احجي ونور طلعت شفتهه شلون خايفه غيرت الموضوع ....
يزن: كول شكو خالد
خالد:لا ماكو شي بس حبيت اذكرك باجر تعال من وكت مو تنسى .....
يزن:ان شاء الله حبيبي تدلل
............
مصطفى: كاعد ويه الشباب والاغاني عالي وشفت علي هو نفسه الي تحارش بنت ابو حسين كمت رحت يمه
مصطفى: رحت يمه كتلهه شنو اتسوي هنا الك عين تجي هنا بعد الي سويته
علي: اني صديق يزن وخالد يعرفني وهوه الي عزمني
مصطفى : خالد تعال
خالد : شفت علي ومصطفى واكفين ومصطفى يصيح عليه اجيت يمه كلت اله ها مصطفى شكو
مصطفى : هذا انته عازمه ومنين تعرفه
خالد : اي هذا صديقي علوش
علي : مصطفى لا تاخذ فكره عليه واحف والله قصدي خير والبنيه شرايها
مصطفى : ماشي بس بعد لا تسويها تريدها هذاك بيت اهلها روح اخطب ماشي ...
..........
نور : رجعت للبيت صعدت لغرفتي ضليت افكر شلون خاف خالد كال ليزن اووووف منك خالد
حسين ( اخو نور ودعاء ) : اجيت يم امي يمه اريد احجي وياج بموضوع
الام : ها يمه شتريد كول اسويلك اكل جوعان
حسين : يمه دعوفي الاكل على صفحه اني اريد اتزوح
الام : كلووووش صلوات اجى اليوم الى راح افرح بيك
دعاء : جنت اخذ شاور و سمعت صوت هلاهل .ضليت اركص بالحمام واهلهل وياهم بس ما اعرف السالفه (دعاء الخبلة)هههههههه
نور : كاعده فووك وسمعت امي تهلهل نزلت لكيتها فرحانه كالت الي ولج نور تعالي شوفي اخوج راح يتزوج ....فرحت حيل وشبكت حسين وكلت اله مبروك خويه
حسين : الله يبارك بيج يوم الج نوره
الام : اي يمه من هاي الي تريد ت
تتزوجها
حسين : يمه ابنيه وياي اسمها مينا كلش حبابه وعاجبتني حيل
الام : اذا خوش ابنيه ما بيها شي وليدي بس خلي نروح نسئل عليهه
حسين:اي يمه براحتج
ابو حسين: خير شنو صاير ام حسين ليش تهلهلين
ام حسين: حسين يريد يتزوج
ابو حسين: صدك ومنو هاي
حسين: صديقتي بالجامعه اخلاق ودين ومحترمه
ابو حسين: نسئل عليهه ونشوف
حسين: براحتك بويه
خلي انطي القلم ل مينا تعرفكم على نفسها
مينا:اسمي مينا عمري ١٩ سنه بس اني اصغر من حسين ب ٤اشهر شكلي قصيرة وعيوني لونهن بني غامق وبيضه ودائما يصيحولي مينا السنفورة لان قصيرة ....

نحجت ودخلت كليه وصارت حفله التعارف وعرفت شخص اسمه حسين كلش مؤدب ومحترم ومو نفس بقيه الشباب وفد يوم كاعده اجه كعد يمي وكال اني معجب بوحده من القسم واريدج تساعديني
مينا:نصدمت وانقهرت بيومهه من كال هيج 😖 مع العلم اني جنت ما احبه مجرد معجبه بشخصيتهه
حسين :الو مينا وين صفنتي
مينا: وياك احجي منو هيه
حسين:خلي اشوفج
مينا:شو هذا مد ايده بجيبه وطلع الفون مالته وفتح الكامرة وانطاهه الي 🙈🙊 انصدمت طلعت اني بالكامرة اريد اخرج من الكامرة متخرج
(عجبتني طريقه مالته شلون سوه هيج )
حسين:مينا اني انعجبت بيج من اول لحضه شفتج بيهه ومن كل بنات القسم اختاريتج انتي مينا اني معجب بيج وبشخصيتج
مينا: اني صار شكلي يذب الوان و انصدمت اول مرة يحجي ولد وياي هيج ☺
انطيني مجال افكر بالموضوع واردلك خبر
حسين : براحتج
مينا :بعد التفكير واستشاريت بعض الاشخاص قبلت
بعلاقتنا ....وصار الي صار كام يحبني واحبه واستمرت علاقتنا لحد نهايه المرحله الاولى ف كال راح احجي اخطبج من اهلج بعد مااتحمل ياكلبي
مينا :سوي الي تريده حبيبي
.......................
نور:صار يوم الجمعه ورحنه لعرس مصطفى ....
الاغاني فد شي وصوت عالي كولش والركص بفلس ..
ردت اروح للحمامات جان احد يلزم ايدي وطببني لغرفه وسد الباب 😨😿فخفت كولش
خالد : ردت اصعد لغرفتي اجيب الفون مالتي شفت نور تريد تروح للحمات لزمت ايدهه واخذتهه لفرفتي
نور:طلع خالد هوه الي سوه هيج فخفت لا يسوي شي خالد: دفعتهه على الباب وخليت ايديه بين وجهه
نور:(حجيت بخوف) شنو تريد مني احجي
خالد:اريدج انتي
نور: ما تستحي انته منو انته علمود تحجي هيج وياي
خالد:اني حبيتج من اول مرة شفتج
نور:محد كلك حبني عوفني خلي اروح
خالد: باعي نور يزن ما يحبج صدكيني وما راح اخليج 😡😠 تزوجين غيري وهذا وعد مني الج نور اني شاريج اني اريدج ليش هيج تعذبيني نور احبج افتهميني انتي شلون تحبيني يزن ما يستاهلج نور
نور: شنو مسوي احجي
خالد:بعدين تعرفين والايام تثبتلج انو هوه ما يحبج ..
نور احبج افتهميني (اباوع على عيونهه الخضر يمووتن ونوب مكحلات)
نور:عوفني احلفك ب عزيز كلبك عوفني
خالد: راح اعوفج بس مااخليج تزوجين غيري
نور: عفتهه وطلعت والدمعه بعيني ماردت ابجي كدامه علمود ما يكول ضعيفه بس كولش خفت منه اني بس ساكته واسمع شنو يحجي بس اني ما حبيته حبيت يزن ......
دعاء:نور وينج نور
نور: هاا دعاء
دعاء:شبيج ولج
نور:مابيه شي بس تعبت
دعاء: كبر لفج هستونه اجينه
نور: اريد ارجع للبيت
دعاء:انجبي والله لو تموتين ما ترجعين ....
................
ابو مصطفى: مصطفى وينك الساعه ب٤:٣٠ شوكت نوصل و شوكت نرجع يله خلي نروح نجيب العروس
مصطفى: اي بويه يله خلي نروح
ابو مصطفى: خالد تعال وينك
خالد:هااا بابا
ابو مصطفى: روح كول ل امك خلي يصعدن النسوان علمود نروح
خالد:اي بابا حاضر ....خابرت ماما كتلهه طلعيلي بالساحه (الكراج ) ...
ام مصطفى: هاا يمه
خالد: يله يمه خلي النسوان يصعدن علمود نتوكل
ام مصطفى: ي يمه راح اشوف منو تروح ومنو متروح
خالد:بس بسرعه يمه
ام مصطفى: شبيك دقائق
نور:اجت ام مصطفى تكول من تروح ومنو متروح للزفه واني ما ردت اروح بس دعاء ورقيه اخذني وياهن (خبلات شنو اسويلهن رايحات لناس منعرفهم)
فصعدت بالكوستر وكعدت يم النافذه جان يوكف كبالي خالد
خالد: نور فكري بالموضوع والله اني احبج
نور: اهو (سديت النافذه وغيرت مكاني )
دعاء:رقيه ولج شوفي اخوج يزن طالع يجنن
رقيه:لعد شعبالج غير اخويه 😉
نور: وصلنه للبيت العروس واني ورقيه ودعاء بقينا بالكوستر لان ما نعرفهم شعدنه نازلين فصعدوا والسيارات تحركت ورجعنه للبيت اول ما دخلت العروس ذبحوا خروف وبعدين طبينه وصارت صوت الهلاهل بفلس ......وصار الليل وزفوهم للغرفه واحنه كل واحد راح لبيته
مصطفى: مبروك زينب
زينب:الله يبارك بيك ....
(شعدكم طابين وياهم للغرفه يله طلعواا من الغرفه عيب عليكم همه متزوجين وانتوا شكو وياهم طابين يله بروا بروا هههه😀😊)
.....................................
زينب:حبيبي يله اكعد الساعه ب١٠
مصطفى: اي كايم
زينب:اهلي خابروني راح يجون ويجوبون الريوك
مصطفى: هله بيهم
زينب:راح انزل وانته انزل ورايه
مصطفى :اي بس اسبح وانزل
زينب: نزلت وام مصطفى كامت تهلهل .....
وبعدين نزل مصطفى وهم خالتي كامت تهلهل /...
مصطفى: رحنه اني وزينب بسنه (قبلنه) راس ابويه وامي وبعدين كعد خالد
خالد:صباح الخير
الكل :صباح النور
خالد:مبروك مصطفى
مصطفى: الله يبارك بيك يوم الك
خالد؛ تسلم ..مبروك زينب
زينب:شكرا .....اجوي اهلي وجابوا الريوك وتركينه ....
مشت الايام وقرب موعد نتائج نور ونحجت وهيه وحسين وحسن ..........
بس مرور شهرين ....☺
دعاء امتحنت وطلعت معدل ٨٧ وبابا جابلي فون نفس ما وعدني .....واستعملته
وحسين خطب مينا ومن يتخرجون يتزوجون.....
.........................
خالد:اني نحجت وفرحت ابويه وامي
..........
ام مصطفى: يمه مصطفى اريد احجي وياك
مصطفى: هااا تفضلي احجي
ام مصطفى: يمه انتوا صارلكم شهرين من متزوجين وماكو حمل يمه روحوا للدكتور .... واني وابوك كبرنه وقبل ما نموت نريد نشوف جهالكم بالبيت يفترون
مصطفى: ان شاء الله يمه نحجز ونشوفه
ام مصطفى: ان شاء الله ماكو شي
.....
مصطفى: زينب وينج باعي نحجز يم دكتور
زينب: على شنو شبيك مستعجل صار شهرين من متزوجين
مصطفى: انتي سوي الي اكلج عليه اوكي ولا تراددين
زينب: اوكي ...بس صديقتي سوسن دكتورة وتعرف بهيج اشياء
مصطفى: اووكي عود حجزي يمهه
زينب: اوكي
..........
مصطفى: بعد مرور شهرين على زوجنا اكتشفت هواي اشياء على زينب ....
كلشي ما يهمهه مهمله واربع وعشرين شي تخابر صديقاتهه واهم شي عدهه الطلعه وماتحب اكل البيت وكل اكل من المطاعم وتكعد ب١٢الظهر وتنظيف البيت تسخت ما تنظف عدل وكرهت العيشه وياهه اني ما درتهه بس امي خبصتني بيهه حاول احبهه بس ماكدرت نعجبت ب رقيه مع العلم هيه صغيرة وعجبتني وكمت احبه
زينب: اخذت موعد وياهه بعد يومين
مصطفى: ان شاء الله
................
نور: دعاء اريد اكلج شي
دعاء:اني هم ردت اكولج شي
نور: احجي انتي بالاول
دعاء:لا انتي احجي
نور:خلي نحول اثنينا نفس الجمله اوكي
دعاء: اوكي
نور+دعاء: اثنينا كلنه سوه (اني احب يزن)
دعاء:😥😱
نور:😔😱
دعاء:شنو كلتي
نور:انتي شنو كلتي احجي
دعاء:شلون صار هيج
نور: ماادري شلون حبينا نفس ال شخص وياترة منو يحب من عدنه
دعاء:لا نور اني مااحبه
نور:ولج اني اشاقه وياج مااحبه
نور : وجان افز من الحلم
امداني طلع حلم كبر لفي دعاء تحب يزن مااصدك
نزلت جوه لكيت الكل كاعد ......
الساعه ب٧لكيتهم يباوعون فلم اجنبي ونفسنا الروتين ونمنه ثاني كعدنا بابا كال اليوم نروح للبيت ابو يزن عزمنه البارحه .....
ف رحنه الهم وجان جان بغرفتنه ف ام يزن كالتلي روحي صعدي ليزن خلي ينزل يسلم ويتغده
فصعدت لغرفه يزن وجان اشوف يزن ......
بنات عذروني البارت كولش قصير بس راح اعوضكم ان شاء الله احبكم 😙😙😘 وعذروني على الاخطاء وانطوني توقعاتكم 😚😚