يالله لا تاخذه مني انا بدونه سماءً بلا نجوم ✨

part 15

قبل لا ابدا انا في البارت الي قبل سويت مسابقه اسئله والي يجاوبها كلها صح احط حسابه هنا وبسويها في البارت ذا بعد واتمنى القى فايزين غير
الفائزه او الناجحه فالاختبار هي toupyr
يالله نبدا ---
وقعدوا مناقر طول الطريق لين رجعوا بالبيت الريفي وانموا من التعب لان اليوم كان كله مشاكل
في اليوم الثاني قامت اريج الساعه ٤ الفجر على صوت صراخ خلاها تفز من مكانها لفت بدون تفكير تشوف اذا كان مشعل موجود ولا لا بس ماكان موجود وقتها خطر في بال اريج رعد وخافت لا يكون سوى في مشعل شيء نزلت بدون اي تفكير تحت وحتى بدون ماتلبس عباتها وكانت  كل مانزلت درجه  يزيد صوت الصراخ وقلبها يزيد دقاته كان بس تفكر في مشعل ولما نزلت لدور الارضي مالقت احد وكان الصراخ يجي من برا وهي طالعه لمحت بنت جالسه في زاويه الصاله وباين عليها الخوف واضح انها عربيه لانها كانت متحجبه هنا زاد خوفها فطلعت بسرعه وانصدمت من الي شافته كان فيه اربعه  رجال معضلين ثنين منهم ماسكين سعد ولافين يده على ورى ويضربون فيه والثنين الثانين ماسكين مشعل ونازلين فيه ضرب وسعد يحاول يفلت عشان يساعده ويصرخ بقوه 
----لحظه لحظه لحظه اكييد مانكم فاهمين شيء خلونا نرجع الشريط على ورى عشان نفهم قبل  ساعه تقريبا ......
كان كلهم نايمين ماعدا سعد الي نام ساعه وقام جلس بالصاله يقرا له كتاب ثم يسمع صوت بنت تصرخ من برا والصرخه واضح انها جايه بقريب من البحيره هنا نزل كتابه على الطاوله وتوجه للباب عشان يشوف وش الي قاعد يصير بس وقف وقعد يفكر بانه لو طلع بلحاله ماراح يستفيد شيء وممكن يتضرر ولا يقدر يتجاهل الصراخ فقرر انه يروح يقوم مشعل وياخذه معه رقى فوق ووقف قدام غرفه مشعل واريج وهو يكلم نفسه
سعد:ياربي ادخل ولا لا مدري استحي لا ماعليه ادخل هذي حاله طارئه لا لا مايصلح عيب اريج موجوده لا ماعليه اغمض عيوني وانا داخل بس بس اخاف لا لا لازم ادخل يارب
ومسك مقبض الباب وهو شبه متوت وفتحه بطيء وهو فاتح عين ومسكر الثانيه كانت الغرفه ضلام ولا يقدر يشوف زين وقتها حس براحه وتوجه لسرير  وهو مايدري وين مشعل فقرر يلمس وجه الشخص ان كان فيه لحيه يعني مشعل واذا لا يعني لا
واول ماحط يده على وجه الشخص وقلبه طبول كان مشعل ارتاح وراح يقومه ويهمس في اذنه
سعد:مشعل مشعل قوم هذا انا سعد قوم بسرعه فيه صراخ برا
مشعل لما سمع سعد فز من مكانه وحط يدينه على عيون سعد
مشعل وهو لازال حاط يده على عيون سعد وبهمس:ياورع لا تناظر في اريج ياويلك وانت كيف تدخل كذا ماتدري ان فيه محارم
سعد :والله ماناظرت اصلا الغرفه ضلام بعدين انا دخلت عشان فيه صوت صراخ بنت برا
وجيت عشان نروح مع بعض ولا اتكفخ بلحالي
مشعل:طيب طيب دقيه خلنا نطلع
وطلعوا ومشعل مازال حاط يده على سعد
اما اريج في سابع نومه ولا همها هم
.....برا الغرفه او بالاحرا في الدور السفلي فالصاله
مشعل وهو يسمع الصراخ وشبه خايف :سعد وش ذا الصراخ ولا وتبيني اروح معك ولو طلعت مو انس
سعد زاد خوفه وصار يرجف:ولوا انها بنت و صاير لها شيء حرام نخليها تصير في ذمتها لازم نساعدها
مشعل وبخوف :طيب طيب بس لو انها مو بنت بناكل تبن حنى وشهامتنا وبتتلبسنا الجنيه الي تصارخ
سعد كان بيتكلم بس قطع عليه صوت صراخ البنت وكانت تقول بالعربي:ساعدوني ساااعدوني الله يخليكم سااعدوني تكفووون
مشعل على طول مسك سعد وقال:سعد يالله بسرعه قبل لا يصير لها شي
سعد ماحب يضيع الوقت بالهواش فطلعو على طول وتوجهوا لمكان الصوت وشافوا بنت واضح عليها انها عربيه او بالاخص سعوديه وماسكينها اربع رجال معضلين
هنا مشعل ماعاد يفكر في شيء بس دمه كان يغلي ومنقهر وتوجه يم واحد من الرجال وبقسه(لكمه) وهو يصرخ :يا حيوان كيييف تسمح لنفسك تلمسها انا اوريييك
وسعد نفس الشيء راح لرجال الثاني وبقسه
هنا كل الرجال تركوا البنت والتفو على مشعل وسعد وهم معصبين وعرقهم بينه من العصبيه
سعد استغل الفرصه وناظر فالبنت وصرخ:انحاااشي للبيت وسكري عليك الباب قفليه بسررعه
البنت بدون تفكير راحت تركض ودموعها مثل المطر الغزير بالشد انهمار له  وهي متوجهه للبيت وقلبها مثل الطبل الي كل ماله يعلو
لف واحد من الرجال وكان بيلحق البنت بس مسكه سعد وبقسه وصار مضارب بين سعد ومشعل بس للاسف دائما وابدا  الكثره تغلب الشجاعه
قدرو الرجال انهم يتغلبو على مشعل وسعد وكل اثنين امسكوا واحد منهم وصارو يسحبون فيهم للبيت ومشعل يصرخ وخايف ان دخلو البيت ولقوا اريج خايف عليها منهم
اماسعد الي وجهه قلب الوان من الضرب خايف على كل شيء حتى بيته
ولما وصلو وقفوهم عند باب البيت ونزلوا فيهم ضرب وهم يصارخون من الالم ولا يقدرون يسون شيء
---نرجع للحاضر
اريج وقفت مكانها منصدمه ولا قدرت تتحمل المنضر الي تشوفه فصرخ ياعلا صوت لها
:خلاااااااص لااااا تضربوا مشعل لا
هنا تحولت كل الانضار الي اريج وسعد كان يناضرها بفهاوله ثم استوعب انها اريج ونزل عيونه للارض<<شاطر يابابا مع اني ادري ان هذا كله خوف من مشعل لا يكفخك😂😂
اما الرجال فكانوا يناضرونها بخبث وحقاره وقال وحاد منهم
رجل١a:يالها من جمييله انها اجمل من الفتاه التي قبلها
رجل٢a:اجل انها فاتنه يالحضنا
هنا اريج  ماكانت فاهمه ولا حرف من الي قالوه
اما مشعل فدمه يغلي وعيونه تطلع شراره وعرقه بانت وبصراخ هز لندن كلهاa:يااااحقيين ان وياه اشوف واااحد مقرب منها بس والله انه ماراح يشوف خير
رجل ٤a:ارني ماذا سوف تفعل ايها المسلم  الضعيف
مشعل بعصبيه باينهa :انا سوف اريك من الضعيف ياكافر انت من بدات فلا تلم الا نفسك لم اكن اريد فعل هذا
فامسك راس الرجل واطاح به ارضا ليفلت من الذي كان ممسكا به ويقوم بكسر يده ويعود الي الرجل الذي استهزء به ويكسر عنقه ثم يتجه الي الرجلان الذان كانا ممسكين بسعد ومن ثم افلتاه وتوجهو الي مشعل مسرعين اما هو فمد يديه على الجهتين اليمنى واليسرى ويطيح بهما ارضا وبساقه كسر عنق احدهما اما الاخر فقد قام بكسر قدمه <<قلبت لغه فصحى😂😂
ويلف على الي حي منهم ويقول بنبرت صوت تخليك تهابهاa:مره اخرى انتبهوا ان تهزؤ بالمسلمين لان الله في عونهم ولن تستطيعوا هزيمته ابدا ابدا مهما كلف الامر
الرجال ماقدرو يردون على مشعل عقب الي شافوه بس اكتفو بالسكوت
اما سعد فكان لسا متمدد على الارض من الصدمه الى شافها ماتوقع يطلع كل هذا من مشعل
واريج نفس الحاله واقفه مثل التمثال حتى بدون ماترمش
مشعل بستغراب وهو يناضر فيهم :وش فيكم تناضرون فيني كذا الا دقو على الشرطه تحي تاخذ الزبايل الي هنا
سعد:ككك كيف
مشعل :وش الي كيف بالجوال يابابا
سعد:لا كيف سويت كذا
مشعل وهو ينفض الغبار عن تيشيرته:انا اعرف كل انواع الدفاع عن النفس بس ما استخدمها الا عند الضروره صح
سعد وهو يقوم عن الارض:طيب ليش ما استخدمتها يوم كنا نتكفخ هناك ولا هذيك مو ضروره واريج ضروره حتى وهي ماجاها شيء
مشعل لف على اريج وابتسم:هذا شرفي اكيد ضروره
سعد وهو يناضر بالارض:ايه صدقتك الا وش صار بالبنت
مشعل:اريج ادخلي داخل وانا الحين بجي وبفهمك الي صار كله والبسي عباتك ولا نسيتي ان سعد موجود
اريج:طيب
هنا كانت فيه اعين تراقبهم من بعيد من ورا الشجر فطلع جواله ودق
...:الو كانوا داخلين مضارب وكان ممكن انهم يموتوا لكن مشعل هذا صدمتني قدر يتغلب على المجرمين بحاله
رعد ببتسامه:زين انه قدر يتغلب عليهم لاني اعرفك اكيد بتتدخل وتساعدهم بس منهم الجرمين الي تضاربوا معهم
...:ما ادري بس كانوا ماسكين لهم بنت ومشعل وسعد اتدخلوا وساعدوها
رعد:طيب اريج وش سوت
...:بس صرخت بس تصدق يارعد انها خقه
رعد:اقول عبد الرحمن جب ولا كلمه وخلك راقبهم وانت ساكت
عبد الرحمن:ايه دايم الشغل على ضهري
رعد قفل بدون ما يقول شي وعبد الرحمن قعد يراقب بصمت
اما اريج
دخلت لبست عباتها سريع ونزلت الصاله هنا كان سعد يكلم بتلفونه ومشعل جالس على الكنب وهي توها تتذكر البنت الي فالزاويه
اريج توجهت يم البنت الي ترجف وحطت يدها على كتفها وبحنان:لا تخافين مع اني ما اعرف وش صار بس بساعدك
البنت بس تبكي ولا ترد
مشعل :اريج خذي البنت لغرفتك وساعديها واذا نزلتي بقول لك وش صار
سعد بعد ما سكر من الجوال:لا تخافين عانيني توني مكلم الشرطه
اريج تناظر البنت وماسكتها من كتفها تحاول تساعدها توقف:لا تخافين والحين تعالي معي فوق وعشان تبدلين ملابسك يالله
قامت البنت مع الريج بدون ماتنطق بكلمه وهي ترجف ورقت معها لغرفتها
....فالغرفه
-----
كذا خلص البارت اتمنى يعجبكم وابي حماس عشان انزل البارت الجاي لانه احلا واحلا
هاه ترا مقصرت قلبت البارت هذا فلم هندي ومضارب ابي تفاعل ولا بزعل
يالله الحين نبدا فالاختبار جهزوا الاقلام
بس هالمره ٥اسئله
س١ ما هو الشيء المليء بالثقوب و لكنه يحتفظ بالماء؟
س٢ابن أمك و ابن أبيك، و ليس بأختك و لا بأخيك..فمن يكون؟
س٣ عشرة و عشرتين، ومثلهم مرتين، وخمسة و ثلاثة و اثنين، كم يساووا؟
س٤-طاسة ترن طاسة، في البحر غطاسة، من جوه لولو و من بره نحاسة؟
س٥ -مرت امرأة على صديقة لها تتحدث مع شاب، فسألتها من هذا؟ فأجابت: أمي جابت أمه، و أخو زوجي يكون عمه..فمن يكون؟
كذا خلصت الاسئله بس مابي غش👀👀
{ابي احد يحلل شخصيتي في احد شاطر
في ذا الامور }
لحظه لحظه قبل لاتطلع او تطلعين اذا ماكنت/ي ضفتني ضيفني واذا  ايه حط فوت الله يسعدكم اجمعين 😘
دقيقه ليش المشاهدات ٥٢وماصوت الا سبعه والباقين وش ناقصهم قدروا الجهود اقل شيء