يالله لا تاخذه مني انا بدونه سماءً بلا نجوم ✨

Part33

بسم الله الرحمن الرحيم
لا اله الا الله
سبحان الله وبحمده سبحان الله العظيم

طق فوت قبل تبدا تقرا وابي تفاعل بين السطور عشان اتحمس واكمل
يالله نبدا
————
عند اريج فالطياره كان تخطط كيف تهبل في يزن وترد له الصاع صاعين

اريج وهي متوزيه وتناظر بيزن بحقد:انا اوريك يايزنون بس الحين كيف ابدا واطلع انا البريئه اول شيء....

واحكمت خطتها وبدات تنفذها اخذت لها ورقه وكتبت فيها :اذا كنت رجال قابلني في دورات مياه الرجال وهناك بنصفي حسابنا القديم
من شخص تدين له بضربه

ثم عفطتها ونطلتها عليه ضربت الورقه راسه وهي فقعت لدوره مياه الرجال عشان تكمل خطتها

يزن وهو ماسك الورقه ويحك راسه : اخخخ من ذا الحيوان الي مسوي بيستخف دمه عليي انا اوريه

عبدالرحمن بستغراب: وش فيه

يزن وهو يفتح الورقه ويقراها:ابد مغير شخص بصفي معه حساب قديم وبرجع لك

عبدالرحمن بفزعه : احتزم تبيني اروح معك

يزن وهو يضحك على شكل عبدالرحمن الي فز:هههههه لا تلقاه ورع ابتدائي اكفخه واجيك

وراح يزن وعبدالرحمن جلس يطقطق في جواله

عند يزن دخل دورات المياه مكان فيها احد وشوي يسمع صوت مايدري وين مصدره

.....:جيت وجابك الله يايزن اجل مسوي فيها جني وتطقطق علينا يالجن والحين بنوريك شغلك ياورع

يزن خاف لانه مايشوف احد بدورات المياه غيره والصوت مايدري من وين يطلع

يزن وهو يمثل القوه:ان كنت رجال اطلع لي يالرخمه اطلع وورني وجهك

......:هههههههه لا ماني رجال انا جني وانت اذا كنت رجال افتح الباب الايمن لدوره المياه

يزن خاف وبرتباك:وش يضمن لي اني اذا فتحت الباب ما يطلع لي عشيره الجن كلها ومعاهم سكاكين خضره

.....:تنكت انت وجهك اذا مافتحته  بطلعهم عليك ومعاهم سواطير مو سكاكين خضره

يزن بخوف :طيب طيب ماطلب شيء ياجني

.....:يالله ولا يكثر هرجك

وراح يزن وسوى مثل ماقال الصوت بس اول مافتح الباب حس بماء بارد صب عليه من راسه لساسه

يزن بصوت عالي:على تراب لا انت ولا عشيرتك لا بارك الله فيك من جني

.....:هييي انتبه ترا كل كلمه محسوبه عليك ياورع

يزن كان بيطلع بس وقفه الصوت: دقيقه على وين يالاخو تو ماخلصنا

يزن بتافف:يالييل مطولك افف بس وش تبي بعد وش تبي