يالله لا تاخذه مني انا بدونه سماءً بلا نجوم ✨

Part11

وقعد يسحبه وراه وطلعه برا البيت وقف قدام المسبح وشال حمد فوق ونطله بمسبح بس حمد سحبه معه
حمد وهو غرقان:لييه كذا انا وش سويت
سعود:بعد وله وجه يسال
حمد:انا بريىء مشاءالله علي ملاك كافن خيري وشري
سعود:بسم الله على الملائكه منك الا بليس اعوذ بالله
حمد:اقول وش رايك نسبح مادامنا في المسبح طفشت من جو العيال البيض
سعود:قدام
ثم لبسو لبس سباحه وقعدو يسبحون ويطقطقون
وسعود كان يتفن ماحس الا بحسم طاح فوقه بغا يكسره
سعود :وش ذا فيل
حمد: لا هاذا انا
سعود:حميدانوه مالقيت تنط الا فوقي
حمد:وش اسوى يا سعيدان احبك
سعود:حبك برص بعدين لا تناديني سعيدان
حمد:ليه يعنى حلال على رائد حرام علينا
سعود:ايه بس تصدق اشتقت لذا الرائد اذا جا تكمل فله الاستراحه بس من بعد ذاك اليوم ماعاد جا لايكون صارله شى
حمد:لا ما ضنتى
وكملوا سباحه وطقطقه
----في بيت ابو اريج عبدالله في الملحق
كان جالس ماجد وفيصل يلعبون بليس تيشن فيفا ويسولفون لانهم كم يوم ويرجعون كندا
ماجد وهو يدخل على فيصل قول وبصراخ:قووووووووول قووول  قول قول قول
ويوقف ويقعد يترقص ويتنكس
فيصل وهو يسحب ماجد عشان يجلس:ياورع اجلس ما بقى الا تطقها سامري هنا
ماجد وهو يجلس:والله فكره
فيصل :اقول اهجد بس وخلنا نكمل وانا الى بكسر راسك
ماجد:نشوف من الى يكسر راس من
فيصل:نشوف
وقعدو يلعبون وماجد كل شوي يدخل قول على فيصل وبعد ما انتهت اللعبه كان الفايز ماجد
ماجد قام يرقص رقصه الفوز وفيصل ياناضر فيه ويحمد ربه على نعمه العقل
وبعد ماخلص ماجد رقص راح فيصل ونزل راسه لفيصل وقال:حب راسي وقل انت عمك شرابٍ من دمك
اما فيصل قرب من راس ماجد وتفل فيه وقال:تخسي ما تصير عمى سمالله على عمى منك
ماجد قعد يناقز ويفرك شعره ويصارخ:يعععع الحين بروح اتروش بفلاش الله يقرفك
فيصل:هههههه احسن تستاهل
وقعدو لعب وطقطقه وهواش
-----في لندن في البيت الريفي حق سعد
بعد ما راحوا يتمشون شافوا بحيره تجنن وخطرت في بال اريج فكره شيطانيه
اريج وهي تشر على البحيره:مشعل شوف ذيك البحيره تجنن وش رايك نروح لها
مشعل:ايه والله حلوه يلا سعد امش بنروح نشوفها من قريب
سعد:قدام
وراحوا وقفو جنب البحيره وهنا بدت اريج بنفيذ مقلبها
اريج وهي تشر على البحيره:شوف مشعل فيه شي في البحيره غريب
مشعل انحنى بيشوف :هاه ما ف...
ماكمل كلامه الا اريج دافته بس هو سحبها معه
وطاحت طرحتها ونقابها  في البحيره
سعد كان فاطس ضحك على مشعل واريج بس لما شاف اريج بدون طرحه ولا نقاب فها بعدها حس على نفسه ولف وقعد يتنحنح
مشعل وهو يدف اريج من عليه:يابنت استتري ما عندنا بنات يكشفون استتري
اريج تناظر فيه وتظحك:نسسينا نسسينا ما كلينا
مشعل:يليل بدت البلاوي اقول لا يكثر واستتري
اريج :ما تشوف طرحتى ونقابي غرقانين بالعقل كيف البسهم
سعد كان على كتفه شماغ ملون نزله ومده على اريج وهو مقفي:خذي البسيه عشان نرجع البيت
اريج:اءاا
سعد:لا يكثر وخذيه
اريج اخذته وهى مستحيه:ش..شكرا
ثم لفته عليها وتلثمت وبعدها رجعوا الكوخ وبدلوا ملابسهم ونزلو الصاله
اريج كانت لا بسه عباه ونقاب ومشعل وسعد لابسين سبورت
اريج وهى تجلس على الكنب :تصدقون اشتقت لماجد ودي اكلمه
مشعل:كلميه ما مسكناك
اريج:اصلا بكلمه من دون ماتتكلم
سعد:كلميه وحطيه سبكر خلاص<<الاخ طق فيه عرق القافه 😂😂
اريج:طيب
واخذت جوالها ودقت وحطته سبكر
- اما عند ماجد وفيصل فكانت قايمه الحرب العالميه الثالثه كانوا يتهاوشون على يد السوني لانهم كسروا وحده وقعدوا يتهاوشون على الثانيهً
ماجد:ياولد فك اليد يدي
فيصل:يالكذاب يدك كسرتها هاذي يد اريج
ماجد يسحب اليد:يابن الناس تعوذ من الشيطان
فيصل يسحب اليد جهته:انت الشيطان براسه واذانه كيف تبيني اتعوذ منه
ماجد يسحب اليد جهته:بسيطه قل اعوذ بالله من اليشطان الرجيم
فيصل يسحب اليد جهته:اعوذ بالله من الشيطان الرجيم ...غريبه ما ختفين يمكن لانك بليس الكبير يبيلك كم استعاذه عشان تختفي
ماجد:هههه ياورع فك اليد
فيصل:ماني فاكها
وقطع على هواشهم صوت جوال ماجد يدق
وقتها انطلوا ثنيناتهم اليد وراحوا يركضون يم الجوال اول شي فيصل نط عليه و مسكه وفتحه بدون ما يناضر و حطه سبكر وجا ماجد ونط جنب فيصل يحاول يسحب الجوال منه
ماجد:ياورع فك جوالي
فيصل :ماني فاكه عندك مانع
ماجد:رح خذ اليد خليتها لك
فيصل:لا انا اول من مسك الجوال صار لي <<لا ياشيخ قول والله😂
ارييج صرخت صرخه خلتهم
يهجدون:اسكتوووووو
فيصل يتلفت يدورها:يما وينها ذي ماجد سمعت صوت اريج ولا اتوهم
ماجد هو الثاني يتلفت ويدورها:ايه يما شكل اريج ماتت والحين جنيها سكن البيت<<الا والله من زود السباكه😂😂
اريج:يابقر ياثيران انا هينا في الجوال بعدين ياماجدوه لا تتفاول علي مرا ثانيه فيك ولا فيني
ماجد يحاول يرقعها ويطق راس فيصل:فيصل انت بقره ماتفهم كم مره اقولك انها في الجوال
فيصل:ياكبرها عند ربي
اريج:ماجد لا تكذب يابابا الكذاب وين يروح
ماجد:لنار
اريج:ممتاز ماجد بارك الله فيك ولا عاد تطق فيصل مسكين ظعيف
"اما مشعل وسعد متسدحين من قو الضحك على هبالهم"
فيصل:اريج جابك الله شوفي ماجد كسر اليد حقته وراح ياخذ يدك منى ويكفخنى
اريج:ماجد لييه تكفخه دايم فيصل الى ياكل التكفيخ حرام عليك
ماجد:احسن عيا يقول انى عمه شراب من دمه
اريج:وهى غصب الدعوى
فيصل:ايه مو غصب
ماجد:بعدين تعالى مسويتلي فيها فيصل مسكين ومادري ايش وانتى الا شفتيه تكفخينه وهو ما سوى شي
اريج:انا كيفي انت لا
ماجد:لا ياشيخه اقول ابي اروح اتميلح في مول ولا شيء تعرفين لى مول فيه بنات
اريج:ايه مول الظهران
فيصل:ماااجد ياصديق السوء وش ذا الكلام حرام
اريج تحاول ترقعها:ايه حرام لا زم ما تسوى اشياء زي كذا صح ياسعد
سعد وهو ميت ظحك:ابك انتى تو تعلميه المول الي يروح له والحين قلبتي مطوع سبحان الله مقلب الاحوال
مشعل يحاول يوقف ضحك:هههه هاذى ههه عندها انفصام في الشخصيه
اريج:على تبن اقول اقعدو وكملو ضحككم وبس اذا متم مالى دخل
سعد:اذا مت اهلي بيقصون فيك
اريج:انا قلت انو مالى دخل اللهم بلغت اللهم اشهد
اما فيصل وماجد مستغربين من سعد
فيصل:من سعد
ماجد:اااه اريج لاتكونين تصادقين عيال
اريج:صف النيه صف النيه انت وياه هاذا صديق مشعل الا شقرانى انا مالى دخل ولا اعرفه
سعد:صامله على الاشقرانى
اريج:موذنبي اذا شعرك اشقر
سعد:هاذا من الله بعد مو ذنبي
اريج:خلاص اصبغه اسود ويصير اسمك الاسودانى
سعد:لا لا خلاص كنسل كنسل خلنا على الشقرانى
مشعل:سعد الله يعينك عليها عاد هي اذا مسكت عليك شي خلاص
ماجد:اريييج بشري جبتي بيبي
اريج:وش بيبي يا ثور انا قبل امس متزوجه كيف بجيب بيبي
فيصل:والله ما ندري عنكم يا الحريم انتم ادراً
اريج:اقول الشهاده فيكم حرام ودي اعرف كيف نجحتم ولا بعد نسبتكم فوق التسعين يهبي
فيصل:قل اعوذ برب الفلق واللهم سكنهم مساكنهم "ويتفل على نفسه"
ماجد:فيصل وانا بعد عطني كم تفله عشان ما تصكنا بعينها
اريج:خيير من قالكم انى نضول
ماجد:من جاب ٥٦ اكييد نضول ويغار من الدفاره
سعد:اححح٥٦ اول مره اسمع في حياتي احد يجيب كذا عاد انا كنت احسبك دفره طلعتي زي مشعل
اريج:ماااجد ارتحت خليتهم يضحكون على بس دقيقه مشعل كان كسلان
سعد:ايه كان يجيب.....
كان بيكمل بس مشعل حط يده على فم سعد
مشعل. يحاول يرقها: ٩٠ كنت اجيب ٩٠
اريج :مشعل فك الولد ذبحته
مشعل فك سعد الى قعد يمسح فمه:الله يقرفك بعدين ليش الكذب انت كنت تجيب ٦٠
مشعل :ياااورع اسكت فضحتنى
اريج:ليش الكذب يا مشعل ليش
فيصل:سبحان الله الطيور على اشكالها تقع كلكم كسلانين
اريج:انت انطم ويدي لاحد ياخذها تكسرونها هي
بعد
ماجد :هو ما قال شىء صادق
وقعدو طقطقه وهواش ال ان جت الساعه١٢ باليل وقفلو الجوال وكلن راح ينام
----
وكذا خلص البارت اتمنى يعجبكم ابي اشوف ردود تفتح النفس لا البارت الجاي ان شاءالله رح يكون احلا😊