...#ريحانة_والشيطان ... #الطاغية_والبريئة..
#الكاتبة_ام_جوليا
في زمننا هذا من قد يختار مصيره نحن نولد وتولد معنا برائتنا وعفويتنا وطفولتنا لاندرك ولانفرق بين دين ودين اخر وبين مؤمن وبين كافر وبين ابيض وبين اسود ..
نولد كلنا سواسية ... وتبدأ رحلتنا مع ابسط المصاعب التي نواجهها في حياتنا وهي الاب والام ..
فليس كل الآباء والأمهات محبين ومراعين لأولادهم ...
هنالك الكثير منهم
من يعتبر الابناء عبئآ وثقلآ عليهم ... يحاولون التخلص منه بكل الاحوال ...
قصتنا اليوم اجتماعية بحتة ... هي واقعية لدرجة الملل وهي خيالية لدرجة الدهشة ...
احداثها حقيقية وواقعية .... سيكون تنزيل القصة حسب
الظروف فأرجو عدم الضغط علي ..
حتى امتعكم بماتدور احداث هذه القصة من عبر وحكم ...
#ريحانة_والشيطان
الكاتبة ام جوليا..
#الطاغية_والبريئة
..................::::::::::::::::::::::::::::::::///
في زمن الظلم والحقد والضغينة والحسد ... يتكاثر الطغاة ونكون نحن من صنعناهم بأيدينا ف تبآ لنا ماصنعنا وسحقا لهم...
ريحانة... بنت جميلة ذات عينين جميلتين كلون الزمرد..
آني ريحانة البنت الوحيدة لضابط بالجيش العراقي والدتي كردية افيليه حبها بابا وازوجها
ماما كانت جميلة جدا وآني ورثت منها جمالها وعيوني بلون الزمرد الاخضر والريحان وكانت عيوني تتغير حسب الملابس الي البسها تعكس عليهم فمرة صير زرك مره خضر مره تنطي على عسلي شعري مصفر وبية خيط حمار مثل الكستنائي ماما طلبت يسموني سالار على اسم امها وانكتب سالار بالبيان مال ولادة لان بابا جان بالجبهة ومن سمع بان ماما صار عدها ولادة مفاجئة اخذ اجازة ونزل زيارة اول مدخل بابا وشافني هيج شكلي سماني ريحانة...بابا اسمه احسان وماما اسمها جيهان
....
اني مواليد 89..
.....
احسان : لج جيهان شجايبتلي لعابة موبنية شنو من جمال هذي باعي عيونها بلون الريحان ..
جيهان ؛ احسان كافي تبوس بيها ح تكوم تحبها اكثر مني موبله
امي بنظرة كلها دلع وحنان .. خليك وي بنتك اصلا اني ماريدك بعد
.. اكلج بس فهميني شلون اتحمل هيج جمال كدامي ومااكلكم اثنينكم .. هذي الاميرة ريحانة ريحانة ابوها ... وانتي ملكة قلبي جيهانتي انتي الاصل اني من اباوعلها اشوفج كلها منج ...
دباعي شلون جوعانه اخذيها تريدج ...
ماما جانت تعشق بابا بجنون تحبه هو الي بقالها ورا مصارت الاحداث مالت الاكراد هو الي مافرط بيها ابد وظل محافظ عليها بس اهلها كلهم تهجروا ومناك معرفت اي خبر عنهم فصار بابا كل اهلها ...
اني صار عمري ٤ سنوات وكنت عايشة اميرة مدللة بمملكة بابا .،.
حب بابا وحنيته علينه ماكانت توصفها الكلمات ...
برغم ان بابا كان ضابط وطبيعة عمله القسوة والجدية لكن كان مجرد ان يشوف ماما يصير مثل الطفل (الكاتبة ام جوليا)كدامها ونظل اني وياه نتعارك ع حضن ماما ..
محرموني من شي وبعيد ميلادي من صار عمري اربع سنين بابا سوالي عيد ميلاد فخم جدا وحضروا اصدقائه المقربين فقط والاقارب من بعيد ...
بابا كان عنده اخ واحد اسمه محمد وكان مزوج وعنده ٣ اولاد اكبر مني ..
ضيغم وسنان وضياء
وعندي عمة وحده اسمها وجدان كان عندها اثنين بنات واثنين ولد ..
ياسر وعمار وحنين ورنين
طبعا كلهم اكبر مني اني اصغر وحده بالعائلة لان بابا اصغرهم وازوج وعمره ٣٠ سنه وماما جان عمرها ١٤ سنة من زوجها وكعدت سنتين بلاحمل لحد مصرت اني هسه ماما عمرها ٢١
وبابا ٣٧ سنة ...
ماما مرتبة الحفلة الي على شكل الاميرة سندريلا ... فستاني كان وردي وماما الي خيطته الي بيديها لان هي متعلمة الخياطة من امها
كان فستان ستن من فوق ضيق ومفتوحه اكتافه ومنفوشه من جوه بتول ومزين بالورود الابيض والوردي والبصلي .. ومن الخصر مدنفش طبقات تول ...ومسويتلي عصا سحريه على شكل فراشه وبابا موصي على حذاء خاص مترصع بالخرز وكان يلمع مثل حذاء السندريلا ...
كنت احب هالقصة جدا وكنت دائما اباوعها بابا عنده فيديو ويجيب اشرطة افلام اليه اشوفها بالنهار وهمه يتفرجون افلام فيديو بالليل ..
كان اجمل عيد ميلاد الي والكل حاسدين بابا عليه اني وماما ...
ماما لبست فستان فيروزي وكان محتشم لان ماما محجبة وكان من فوك صدرة بيه ذهبي ومن جوه عريض نازل ولجوه دانتيل الكل انبهر بجمال ماما ...
وانتبهو لتعامل بابا وياها وحبه الها ..ورقتها وهدوئها ...
كيكتي عبارة عن ٣ طوابق بيضه وفوق كل طبقة ورود حمرة .. والبالونات مالية الدنيا والزينة والاضوية سوه بابا الحفلة بالحديقة وكان موجود حمام سباحة والحديقة كلش جبيرة مالتنا
فكانت حفلة خيالية طبعا عادةً اهل بابا لان واصلين فالكل يجيبلي هدايه عبارة عن ذهب ويلبسوني اياها كدام الناس ...
طبعآ مو حبآ ب بابا من كبرت عرفت هالشي الناس كلها تدور مصالح وي بابا ... بابا مجان على نياته بس كان يحب يساعد اهله والناس المحتاجه وممقصر وي اي شخص ينخاه ويحتاجه ... لهذا همه مقصرو بالهداية ..،
لكن اجمل هدية كانت من بابا اخذني وداني بالاستقبال وجان الكه شي محطوط مغلف وكلي شيلي الغطا كدام الكل وجريت الغطا
وفتحت عيوني حيل وركضت عً الهدية. وجان الكه بيانو ووياه سماعة مايك وركض ركض رحت ع بابا ابوس بيه واحضنه لان جنت اشوفه بالافلام واظل علطول اسأل هذا شنو وبابا يجاوبني يكلي آلة موسيقية ...
جانت فرحتي متنوصف بالبيانو برغم اني ماعرف استخدمه بس مجرد صار كدامي
حسيت أني ملكت (الكاتبة ام جوليا)الدنياكلها...
كنت فرحانة حيل بعيد ميلادي والاهم هديك بابا
رقصت ولعبت وي اطفال عماتي وحيل استمتعت والكل كان يحضني ويبوسني ...
الاعمتي وجدان كانت نظراتها غريبة لماما ..
اني طفلة وحسيت ان عمتي كارهتني وكارهه امي واني داكل الكيكة وكعت ع ملابسي ورحت ركض للحمام اريد اغسل لان ماما معلمتني حيل ع النظافة وترتيب وتنجن اذا لكت ملابسي متوصخة واني مجنت احب ازعلها ابدا جنت احبها حيل واحترمها لان هي مثال للطيبة والحنية والحزم بس بدون اذية... سمعت صوت يم المغاسل وامي تبجي تشهك بجي اسمعها تكله الله يخليك اتركني بحالي مو كافي الي صاربيه وباهلي من وراك ...وجان المكان مظلم شويه وجنت خايفه ومتخبله ع ماما ليش تبجي وشفت احد حاط ايده ع حلك ماما ويكلها اني الف مرة كوتلج مراح اتركج وانتي اذا منفذتي كل الي كلته الج راح تشوفين شي عمرج وبحياتج مشايفته شايفه زوجج هذا الي تتباهين بيه الا اخليه يشمرج شمرة الكلاب وبنتج احرمج منها واريد اشوف شلون تعصين اوامري ومتطيعني ياكلبة انتي مجرد كلبة الي افتهمتي كل الي اكولة الج تنفذيه والا تندمين
اسمعها تكوله الله يخليك اجيبلك فلوس وذهب بس اتركني واعتقني لوجه الله وحتى اذا تريدني اختفي اخذ بنتي واختفي بس لاتأذي احسان
ماكدر على اذيته ماشفت منه الا كل خير
كال الها هاياكلبة حبيتيه مو ... هذا الي قتل اهلج حبيتيه ...
لامو هوا الي قتلهم انته الي قتلتهم ..
يعني تعرفين بيه قتلتهم وبسبب منو ... بسببج وبسبب خيانة اهلج لوعدهم الي ...
واني لحمي مر ... ماترك ثاري وثاري طويل وياج وي اهلج ياجيهان ووي احسان باشا...
اراويكم آني منو .... وانتي تعرفين كلش زين شكدر اسوي فاهمه ....
جر شال امي وسحبها(الكاتبة ام جوليا) وكال الها اركعي يلا بوسي حذائي وكولي اني كلبتك المطيعة وراح انفذ كل الي تأمر بيه يلا ...
وهي تتلوى من الالم اشوف امي نزلت ودموعها تجري دم وباست حذائه وتكله اني كلبتك المطيعة
تأمرني انته ...
كال الها الاوامر رح توصلج ورح تبدين بالتنفيذ واذا عرفت بيج خالفتي اوامري ...
فكل شخص تعرفينه على وجه الارض امحيه
واول وحده رح انتقم منج بيها هي بنتج ..
هه .... بنتج حلوه عليج رح اكسب منها مكاسب عظيمة...
امي لازمه ايده وتكوله لا ..كلشي اسوي بس بنتي عوفها الله يخليك
اني انفذ كل الي تأمر بيه ...
دفرها برجله وهي بقت بمكانها تبجي واني ابجي من الخوف صح عمري اربع سنين بس كنت ذكيه جدا وواعية ان امي واكعة بمصيبة جبيرة وانها متأذية وخايفة عليه
من حسيت بيه راح ركضت(الكاتبة ام جوليا) عليها اكومها احضنها وابجي وهي تكلي شبيج تبجين كتلها مو وكعت الكيك ع ملابسي وخفت منج لازعلين مني ...
ماما انتي ليش تبجين ...
حضنتني ماما حيل كالت اني هوايه احبج ريحانتي احبج واحب ابوج ...
لاصدكين بيوم اني محبيتكم ..
كتلها ماما واحنه هم نحبج حيل كومي ماما لتبجين ليجي بابا
كومي خل نغسل ونروح يمه..بابا يريدنا يمه ...
كومت ماما غسلت الي وهي غسلت ورتبت نفسها ورحنه يم بابا ...
اشوف ماما لاول مره انتبه عليها نظراتها مابيها فرح وكله حزن ..
صاحولنهع العشا ودخلنه نتعشا وكانو محضرين مالذ وطاب من الاكلات برغم(الكاتبة ام جوليا) ان كان الحصار
الا احنه عائلتنا بالاساس غنية واهل والدي كلهم رتب عالية بالجيش وعدهم سلطة ...
فماكان عدنا حصار ابدا ....
ودعنا الضيوف واجتلي ماما سبحتني وبدلت الي ملابسي ..
برغم عدنا خدم بس ماما تحب تخدمني اني وبابا بأيديها وكانت هوايه تلح ع بابا يبطل الخدم الي عدنه بس بابا ميقبل لان يخاف علينه نبقى وحدنه ...
اني متعودة قبل مانام اروح اسلم ع بيبي وابوس ايدها هي تظل بيبي تخلي ايدها ع راسي وتظل تقرا آيات وتدعيلي وبعدين تكولي يلا روحي سلمي ع ابوج ونامي ياروح بيبي ..
بيبي احسها عطر من الجنة غرفتها وهيبتها وهيئتها كله تبعث للهدوءوالراحة حيل احب اغفى بحضنها واكثر الاوقات انام بحضنها وتجي ماما او بابا يشيلوني
هالمرة كنت مرعوبة حيل من المنظر الي صار لماما ...
وكلت الها لبيبي اني اريد انام عندج ..
ماما مقبلت كالت تضايقينها لبيبتج .. من الصبح تعالي يمها..
كالت الها بيبي لاجيهان هاي ريحانتنا شلون تضايقني هذي نظر عيني وحبيبة گلبي ...
بقيها حبيبة وروحي لزوجج منتظرج
ولايظل بالج ع ريحانه ..
سرير بيبي واسع وجبير ادخل بيه واحس بعمق النوم كان مريح حيل وحضن بيبي وهدوئها
خلاني اهدء من الي اني بيه ..
وحضنت بيبي ونمت نوم عميييييق ...
واني اريد اطرد الافكار والمنظر الي شفته وي امي...
وللحكاية بقية ...
يتبع ...
