الكاتبة ام جوليا)
#ريحانه_والشيطان .... #الطاغية_والبريئة
#الكاتبة_ام_جوليا
#قصص_وروايات_عراقية
#الجزء_التاسع_عشر
:::::::::::::::::::::::::::::::::::::::::::
...
بقيت محتار شاسوي ضيغم سحبوه الحماية جتفو واخذوه بسيارة سودة مظللة اريد الحك بيهم وبنفس الوقت لزموني الضباط لان شايفين ابو رغد نار صاير والحرس شالو المصابين واخذوهم ع المستشفى وابو رغد وياهم واني وراه لحد منزلت شفت رغد تمشي ع رجليها وملابسها كلها دم جانت لابسة كوستم كريمي صاير احمر ركضت عليها
- رغد بيج شي احجي شبيج
- تأشر براسها لامبيه اني ... كلشي مبيه الاطلاق صار على كمال ودمه صار عليه
.. احسان ابني ينعدم اذا صار بكمال شي فدوه حلها فدوه هربه من مكانه ابويه سجنه اكيد وتعرف بيه مراح يرحمه
- اششش اسكتي هسه ونصي صوتج اني احلها معليج هسه اشوف معارفي واعرف وين اخذوه واطمني هذا حفيده ممعقوله يأذيه
- لاماطمن ابويه واعرفه الي يكسر كلمته ميتفاهم وياه..
- سمعت صياح .. صوت ابو رغد ..
روحي لابوج ولاتجيبين سيرة ضيغم كدامه سوي نفسج متخربطة ومتأذيه وحاولي تطمنين على كمال.. ماركزتي وين اجتيه الضربه
- لامكدرت اشوف جنت مركزه ع ضيغم احاجيه اريده يهدء وكمال صار بوجهه وكاله اعقل واترك المسدس وهذا ثار علطول وضربه وهو يغلط
- دروحي وسوي مثل مكتلج واني يمج كلت للحرس يودون الولد لبيتنا اطمني معليهم شي وضيغم هم مايصيبه شي
- احسان ابني امانتك ووصية المرحوم .. اكتل نفسي وراه اذا عدموه والله ماظل عايشه ..
- كتلج مااخلي يصيبه شي روحي وطمني ع حسين
.. راحت رغد ودخلت وراها طبعا حاولت ماتواجه وي ابو رغد لان اعرف اسلوبه وتصرفاته ممكن ياذيني بحجايه ومااسكت اني فالافضل اجنبه حتى اعرف اطلع ضيغم ..
خابرت ع د . حنان وطلبت منها تتصل ع اصدقائها الاطباء تعرف شنو حالة كمال ورا نص ساعه لكيتها جايه .
- هادكتورة شنو صاير ..
-اطمن الطلقة صايره بكتفه وطلعوها منه وطلقة لخ خادشته ممخترقته الحمدلله وهسه شويه ويطلعونه
- الف الحمدلله تعبتج ويايه .. بس خدمة اريدج توصلين هالخبر لرغد ووصلي الها كلام مني اذا امكن لان مراح اكدر احاجيها
- اي تفضل عادي
- كولي الها احسان يكلج اطمني ولو مهما صار لاتناقشين ابوج بشي واني رايح اشوف ضيغم وين ومن ترجع للبيت خل تخابر جيهان وتحجي الها كل الكلام الي سمعته والي راح يصير حتى يساعدني اندل وين ضيغم ..
- تمام تدلل استاذ ومع السلامة
- مع السلامة
......
طلعت بوجهي ركبت سيارتي واني عبارة عن بركان من الغضب والعصبية .. دمر ضيغم كل مستقبله اذا يموت الدكتور مراح اكدر اسويله شي ..
فكرت اروح للمقر وهناك اكدر باتصالاتي وي اصدقائي الضباط اعرف وين محجوز ضيغم ..
وصلت المقر وبديت اوصي اصدقائي الضباط الثقة كلمن يدور من جهة واني مداعرف شسوي غير مكابل التلفون ومنتظر منهم اي معلومات واحرك حرك بهالجكاير ..خابرت جيهان وحجيت الها الي صار وفهمتها متبين شي لامي ابد لحد ماشوف شلون احلها..
ياربي الطف بحالي تره الحمل ثكيل عليه وهذوله ولد الغالي ووصيته ..
بهذاك الوقت اتندمت لو مزوج رغد ومأمن ع حياتهم ولاان يضيع مستقبلهم ويتأذون مالهم ذنب وابوهم ضحى بعمره علمودي واني ماكدرت اضحي علمودهم ..
اوف عماني حب جيهان .. هواي تصرفات الحب يخلينه نتصرفها بلاوعي ..
يمكن كلما يكبر الانسان شويه يصحى ع نفسه ووضعه ويحس بتصرفاته الغلط ..
احس كلي غلط بغلط من بداية زواجي لجيهان وتصرفاتي وياها الا الي صار وتعذيبي الها وبعدين تعذيبي لاختي ولزوجها وقتله وكلما اربط شي بشي اكره نفسي اكثر وخايف على ابن اخويه لاياخذ من طيشي وقلة العقل هذا يودي للتهلكة ..الافكار تاخذني وتجيبني وتعصف بداخلي عصف والانتظار صعب وممل والمجهول يدمر الواحد..
بهالاثناء اجالي اتصال من صديقي ..يبلغني ان هو عرف مكان ضيغم وان جده حابسه بمزرعته على اطراف بغداد .. عرفت مراح يأذيه بس بعدني ممطمن وبقيت منتظر اخبار عن حالة كمال الصحية بس موصلني اي خبر ..
كلت اخابر ع امي وجيهان .. اشوف الاخبار واطمنهم شويه ..
-الو جيهان ..
-حبيبي احسان شصار عليكم .. فدوه طمنه تره كلبي نار والله ..
-اشش اسكتي واهدئي .. امي خو ما وصلها خبر عن الي صار
-لالا كلشي مكلت الها ولابينالها شي وصيت الكل لايصير عليها شي وهي سألتني ع ضيغم كتلها عنده دراسة ومستأذن من عمه يبات يم صديقه حتى يكملون مراجعة للامتحان..
- عفية عليج خوش فكره واذا سألت عني كولي الها عنده انذار وخفر بالمقر.. جيهان كلشي يصير تبلغيني بالتلفون ومشي اليوم طبيعي ديري بالج امي تره تدمر والله ومناقصني اني ..
-لاوالله حبيبي كلشي مااحجي واني داتصرف طبيعي بلا متكلي والله لاتوصيني على امي تره هذي امي
-الله يحفظكم اليه حبيبتي اطمني لاتخافين انتي هم وطمني الولد ورغد اذا تصلت عليج وبلغتج بأي شي فورا تتصلين وتبلغيني
-صار حبيبي
- يلا بالسلامة
- الله يسلمك من كل شر حبيبي
....
سديته وبقيت اتأمل بالسكف واني ادخن ..واكول يارب هونها ..
الافكار تاخذني وتجيبني لحد مااجاني اتصال من دكتوره حنان ..
- شلونك استاذ احسان
- الحمدلله دكتوره .. شنو الاخبار كمال شخباره ووصلتي الرسالة لرغد
- الحمدلله طلع دكتور كمال من العمليات ومطلعين الرصاص من جسمه وننتظر لباجر الا يتعدى مرحلة الخطر وست رغد بلغتها بكل شي وهي فهمت الموضوع وكالت بس اسمع شي رح اتصل ..
-شكرا دكتوره حنان تعبتج ويايه وياريت اذا استجد شي تبلغيني
- لاشكر على واجب والله يطمنكم على المريض وان شاءالله كل الامور تنحل لاتشيل هم ..
- ان شاءالله .. الله كريم
-يلا اترخص من حضرتك لان عندي مرضى واي شي تحتاجه استاذ تبلغني ..
- شكرا دكتوره باجر اخابرج اذا مبيها ازعاج حتى اطمن ع المريض
- لابالعكس اني ح تصل بيك اطمنك بنفسي قبل ماطلع للبيت لان اليوم خفر عندي وباقيه وتدلل استاذ
- شكرا دكتوره جهودج ويانا ماانساها ابدا ..
اخذي راحتج مع السلامه
-العفو .. استاذ احسان
مع السلامة ..
.....
خلصت المكالمة ورجعت خابرت على صديقي الضابط الي جابلي المعلومات اريد اعرف اي شي عن ضيغم ..
بلغني ان مانعين احد يدخل اله او يوصله ..
لكن لحد الان ابو رغد مواصله ..
سيف اجالي وكبل دخل المكتب
-شصاير احسان احجيلي معقوله ضيغم يگدر يقتل ..
-اسكت سيف تره الي بيه مكفيني اني مداعقل الي صار .. هيج اعصار صاير براسي مداعرف شلون احل الوضع الا الله يحله ويكوم الدكتور بسلامه
- شفت عنادك كله منك يعني لو قابل تزوجها لرغد مجان صار كل هذا
- هااا .. كلشي بالدنيا غلط سببه احسان .. انجبر اعيش وي وحده بجحيم واذي حبيبتي علمود الناس ترتاح وضميري ميكون مرتاح ولااني مستقر بهالزواجه
- وهسه احسان ضميرك مرتاح من ابن اخوك احتمال ينعدم شكد اناني انته ، جان عشت وياها وشويه شويه تتقبلها وتربي ولد
- لك لاصيح مو بقى عليه انته تفهمني استاذ سيف عندك عادي تبدل بالنسوان لان خاين وممخلي احترام لمرتك ..
- لك احسان لاجيب سيرة مرتي افتهمت اني مامشي ورا حجي النسوان اني رجال اني امشي كلمتي ..
( طبعا صارت مشكلة بين احسان وسيف واحد ضرب اللاخ ... تدخلو الضباط وفاككوهم عن بعض ..بالكوة )
سيف... خليك يااحسان معمي خليك وعود تعالي كولي سيف ساعدني وخلي امك تموت بسبب تصرفاتك الرعنة
احسان ...لك حيوان منو الارعن غيرك اليوم اقتلك الا ترتاح
سيف .. ديلا شون عم وعدك اخلاق وتعرف تربي وهاي تربيك
صديقهم ضابط علي ادخل بنصهم وسحب سيف...
علي .. كافي سيف لخاطر الله مو كافي الي صاير بيه تره البيه هو موقليل واحتمال حتى هو يتحاكم لان السلاح تابع الهم مو للولد
سيف .. لك علي دمرني شكد احجي وياه ميفيد اني مقهور عليه جابها ويايه من مشكلة لمشكلة وقرارته كلها يفكر بنفسه بالاول شنو ذنب امه هسه تموت بس تعرف ابنه وابن ابنها ح يتحاكم ..
علي .. لا نحاول باي طريقة نتدخل ومنخلي هالشي يصير
سيف .. نتدخل وتطير رگابنا ويسوونها عملية اغتيال
انته متعرف ابو رغد وتفكيره وتقاريره وشكد اذى ناس
علي .. لاماتوقع يسوي هالشي اكيد بينهم عشره واولاد محمد ميهونون عليه واحنه وي احسان مراح نتركه وكفاته ويانه موقليله تره
سيف .. روحله علي خاف محتاج شي واعرف اخبار عن ضيغم تره احسان بعد مراح يطلب من عندي شي ورا الحجي الي حجيته بس لازم يصحى ع حاله
واني ح احاول اعرف شنو الاخبار بالمستشفى ..
.................
ابورغد.. سويت مثل مكتلك للمحجوز
الجندي : اي سيدي وهسه هو بالغرفة الي امرت بيها
ابو رغد : جيد .. تعال افتحلي الباب واتركنه واطلع وممنوع لو البيت يحترك محد يوصل للغرفة افتهمت
الجندي : حاضر سيدي ..
.......
احسان كاعد منتظر بمكتبي مكدرت ارجع للبيت لليل اجاني اتصال ..
-سيدي تره العميد موجود حاليا بالبيت يم ضيغم وطلب من عدنه محد يدخل وياه وكلنه طلعنه برا البيت ك حراسة منعرف شصاير .. وكال لو البيت يحترك متدخلون اله ..
- يعني شنو متعرف شصاير مسمعت صوت صياح ضرب اي شي فهمني ..
- لاسيدي كلشي ماكو واحنه بعيدين عنه حتى لو اكو شي منسمع لان الغرفة بسرداب تحت الارض
-خليك واعي زين ومن يطلع العقيد تدخل لضيغم وتشوفه شبيه وتخابرني
-سيدي اني خايف لايكون هذا التلفون بيه تسجيل للمكالمات
-اطمن اني جيكت رقمكم مابيه تسجيل ، مثل مكتلك تركز زين ع كل التفاصيل وتخابرني علطول
-حاضر سيدي .
-يلا بالسلامه
........
شنو ناوي عليه ابو رغد وي هالطفل مابقى بيه عقل حتى افكر شنو اسوي وشلون انتظر
