(الكاتبة ام جوليا)
#ريحانه_والشيطان .... #الطاغية_والبريئة
#الكاتبة_ام_جوليا
#قصص_وروايات_عراقية
#الجزء_العاشر......
::::::::::::::::::::::::::::::::::::::::::
من بعد ماسمعت الي سوته وجدان والمؤامرة كلها ضليت اضرب بيها لحد مفقدت الوعي خليت وطلعت منها واني بعدني كل غضب رحت لصادق وهم ضليت اضرب بيه لحد ماتعبت واني حسيت بعد مابيه قوة تحمل قفلت عليهم وخليت ونزلت بغرفتي (سويت الهول ورتبته على انه غرفتي وحاط بيه اجهزه مال مراقبة الكاميرات بيها وطبعا قافلها ممنوع احد يدخل الها غير سيف او امي ...)
رحت سبحت وبدلت داريد انام ارتاح ... الباب اندكت عليه امي وسيف كاعدين بالاستقبال ينتظروني يشوفون شنو الي صار..
قفلت غرفتي وطلعت الهم ..
الام: يمه شسويت بوجدان وزوجها احجيلي فدوه لعينك خو ماموتتها
احسان : اطمني العار ميموت
وظلت تلح تريد تعرف الي صار والي سويته بوجدان
كعدت حجيت الهم الاتفاق الي مسوينه عليه وعلى جيهان واحتمال هاي العصابة نفسها الها يد بقتل اخويه وكنت اني المقصود بيها
امي كامت وتدك وتلطم على وجدان والي صار وتكول بسببي لو اني ناطيتها ماجان هذا حالها ومجان اضطرت تسوي هيج .
احسان : وليش متكولين هي بنتج اصلا خبيثة ونحسة والغيرة عمتها والحيوان الي جبرتنه نزوجه الها خلاها ماتعرف حتى الله وتفضل تهدم بيت اخوها وتعذبه في سبيل راحتها وغيرتها وهذي مو اختي بعد من هاليوم واني رح اعرف اربيها هي وصادق ......
وح اوصل لهالعصابة وانتقم لموتة اخويه..
الام : احسان اختك لاتموتها برضاي عليك ياامي اذا موعلمودها علمودي اني واذا مو علمودي فلخاطر جهالها لاتيتمهم يابعد عمري .
احسان : يصيرون ايتام ولااخلي وحدة حقودة وحقيرة مثل وجدان تربيهم حتى يطلعون عليها بنفس الحقد والسم الي بكلبها تبثه بيهم .
الام : لافدوة اروحلك يايمة لاتموتها مابقالي غيركم
عاقبها شكد متريد بس لاتموتها ربيها وادبها وعرفها ان الله حق
لكن لاتقتلها هي غلطت واعترفت بغلطها ياحبيبي وجل من لايخطىء
احسان : هيج بسهولة اتركها يعني لا طبعا الا اضوكها المر واعرفه ان الله حق واطلع كل الدلال والعز من خشمها
الام: حبييي الله غفور رحيم.. عاقبها بس لاتلوث ايدك بالدم
احسان : :يصير خير يوم
راحت امي وبلغت سيف يجيبلي كل المعلومات عن صادق وعن وسام وعن كل كل مكان كانو يلتقون بيه وبدون ميسوي ضجه كتله الك يومين اريد
كل المعلومات يمي
ورا شويه اجتي امي
جابت اطفال وجدان يسلمون عليه
واني افهم تفكيرها زين حتى اشوفهم وانقهر عليهم وصدك انقهرت عليهم لان وكعو ب ام واب جشعين
سيف استأذن وراح واني كمت وراه لغرفتي انام ..
بس التفكير موتني بجيهان وبالعذاب الي جنت اعذبه الها
مكدرت انام واني اذكر كل قسوتي عليها هي وريحانة
كمت اتوضيت وصليت ودعيت الله يهديني للتصرف الصح لان كل تصرفاتي السابقة كانت خاطئة
التفكير بأن جيهان خانتني خلاني مو متوازن وماعرف شصرف ...
ورا مصليت حسيت براحة واطمئنان طلبت من رب العالمين ان اكدر اعوض جيهان عن الي سويته بيها وتكدر تنسى لان موسهل ابد الي مرت بيه ...
طلعت من غرفتي اتسحب شويه شويه فتحت الباب مال غرفه جيهان ولكيتها حاضنه ريحانه ونايمه مثل نومتها الملائكية لابسه طويل ممبين منها شي وحتى راسها شادته بربطه ليورا ..
مثل النسوان الكبار يمكن ديوجعها اويمكن لان شعرها خفيف
اووووف ياجيهان كبرتج وشيلتج ذنب وهم وانتي بريئة مثل الوردة اباوع الها ذبلانه حيل ...
بس لازم اعوضها وارجعها احلى واجمل من قبل ..
نزلت دموعي عليها وسديت الباب مسحت دمعتي ورحت للغرفة لان ماكدر انام اخذت حباية فاليوم لان من وقت الي حادثة الصور وتعذيبي لجيهان اني مجنت اعرف انام بدون الفاليوم اخذه وارتاح وراه
....
كعدت ثاني ع ساعة 6 الصبح سبحت وبدلت لان ورايه دوام كمت صعدت فوك اطمن عليهم من فتحات اني مسويها بالبيبان بعدهم موجودين
خليت ونزلت رحت للمقر مالتنا واجالي سيف ..
احسان : هاسيف بشر سويت الي كتلك عليه
سيف : اي اطمن وصيت الناس الثقة العندي وللعصر كل المعلومات رح تكون موجودة يمك
احسان : تمام خل ننتظر
جيبلي هسه الشغل مالتنه خل نخلصه حتى اكدر ارجع للبيت من وقت ...
كملت شغلي ورحت للمستشفى مريت اريد اشوف الدكتورة
سألت عليها ودلوني بمكانها
احسان : السلام عليكم
شلونج دكتوره
د.حنان: وعليكم السلام
تفضل استاذ احسان ، جيهان بيها شي !
احسان : لادكتورة مبيها شي اني جاي اريد اسألج عن حالتها ووضعها الصحي واريد تحجيلي الحقيقة كاملة .
د.حنان: اني جنت رايدة ابقيها بالمستشفى الخاص حتى اكدر اتابعها بس حضرتك رفضت واخذتها للبيت على العموم هو النزيف سيطرنا عليه والوضع العام جيد
بس الكسور يحتاجلها وقت للشفاء حتى لو شلنه الجبس لازم متتحرك حركة قوية متشيل شي ثكيل (رفعت حاجبها) والاهم من هيج متوكع من الدرج مرة لخ لان ح تفقد حياتها اذا استمر هالوضع .
اني جنت مركز عليها من دتحجي وشفتهارفعت حاجبها وتأكدلي ع انه متوكع من درج ، كانها تكلي هالشي معبر عليه واعرفك هذا انته ضاربها ، مهتميت لكلامها .
احسان : شوفي دكتورة احنه وضعناشويه بيه خطورة فمااكدر ادخلها مستشفى حتى لو كانت خاص اخاف عليها.الي اريده منج الرعاية الي ممكن تتوفر بالمستشفى توفريها الها بالبيت واني مستعد لكل المصاريف وازيد من المصاريف هم..
د.حنان: بس اكو اشعة ورنين وتحاليل تستوجب حضورها للمستشفى
احسان : اذا ع التحاليل والاشعات اني اجيبها بايدي وابقى وياها ع كد هالامور وارجعها بايدي وبهالحال اكون مطمن اكثر .
د.حنان: طيب مثل ماتحب .
احسان : طيب اني اريد من حضرتج انتي الي تكونين مسؤولة عن صحة جيهان بالبيت بالتعاون مع الممرضة اريدج يوميا تمرين عليها تشوفين صحتها واني ح اخصص الج راتب شهري مثل راتب المستشفى واكثر.
د.حنان: هي مو مسألة فلوس مسألة مهنتي تحتم عليه مساعدة المرضى وزوجة حضرتك محتاجه لهالعناية واني على كد مااكدر احاول اكون وياها .
احسان : اشكرك دكتورة وماقصرتي بس اريد اعرف الاثار الي بجسمها ممكن تروح .
د. حنان(بنظرة استغراب)؛ شعجب تريد تخفيهم !
احسان:دكتورة بلا اسئلة مالها داعي لان مراح تلكين الها اجابة اني اريد اعرف اكو علاج للاثار الي بجسمها لولا(بحدة وعصبية).
د.حنان: هالشي مو اختصاصي اختصاص دكتور الجلدية هو الي يحدد بس اني اعرف شخص يشتغل بطب العرب ممكن يساعدكم اكثر من طبيب الجلدية لان هوايه ناس محروقين دزيتهم عليه وهو عالجهم واختفت الاثار ورجعو ببشرة الاطفال هو هذا مااخد المهنة ابا عن جد من سنة 1900 ممتهنين هالمهنة ويورثونها لاولادهم ..
احسان: ماشي شنو اسمه وعنوانه حتى افوت عليه اليوم واخذه ويايه
د.حنان: اسمه حجي سلمان بالكرادة ...رح اكتب الك العنوان ..
انطتني الورقة واخذتها تشكرت منها وطلعت كبل ع العنوان حاجيته واتفقت وياه واخذته ويايه للبيت ...
دخلت للبيت صحت امي فهمتها ح يدخل وياها حتى يشوف جيهان حتى يعالج الاثار الي بجسمها فرحت حيل وكالت ربي يهديك ويريح بالك ويفرحك ياحبيبي .
راحو دخلو واني گلبي نار عليها شلون جسمها ح ينكشف ع رجال غيري بس مضطر لازم ارجعها احسن من الاول وانسيها كل الي عاشته ...
رجعت امي هي والمعالج دخلته الاستقبال واني وياه كعدنه نسولف .
حجي سلمان(المعالج): ابني زوجتك اثارها قديمه وملتهبة صح معالجيها بالمستشفى بس صاير بيها تقرحات ..
احسان: يعني تكدر تعالجها وتختفي الاثار الي بيها لو لا..
المعالج : بأذن الله راح اسويلها خلطات ولازم تسوي تقشير وقص للجلد الي راح يذبل ويوكع حتى يطلع غيره
.احسان(.عقجت حاجبي ).. شلون قص يعني ومنو الي راح يقص ...
المعالج : اطمن ابني هي مو عدها ممرضة وحاجيتها راح اسوي الخلطة وراح ابدي اول جلسه واخلي ممرضتها تتعلم ويايه شلون تعالجها واني كل يومين لازم امر عليها اجيك حالتها وتحسنها ..
احسان .: مدام تتحسن وبيها امل تختفي الاثار منها اني وياك وشنو تطلب ادفعلك بس ماريد بيها اي اثر ..
المعالج : ابني الشفاء بأذن الله واحنه مجرد واسطة بس والي نكدر عليه نسويه ..
سلمت عليه واتفقنا باجر يكمل الخلطة ويجيبها ويبتدي العلاج
اني مخلي حراسة برا البيت كتلهم يطلبون اله تكسي وشكرته ودخلت ..
الام: هاابني شكال المعالج
احسان: كل خير امي ان شاءالله جيهان ترجع احسن من قبل ..
الام : اطمن حبيبي واني حتى شعرها راح ابدي اسوي الها وصفات مال اجدادنه وهسه تشوف شلون راح يطول بسرعة وترجعون تتهنون بحياتكم وربي يسعدكم..
بس حبيبي اريد اعرف شراح تسوي وي وجدان برضاي عليك ياابني ارحمها وسامحها ..
احسان : الله يخليج تنسين ان عندج بنت .. بنتج اعتبريها ماتت وجيهان رح تكون بنتج واطفال وجدان وريحانة واطفال محمد رح يتربون سويه ماخليهم يحتاجون شي وراح اعوضهم عن كل شي ..
الام : الله يخليك ياابني لاتقتلها لاتيتم اطفالها ياحبيبي يحتاجون امهم لومهما صار هذي امهم متكدر انته تعوضهم عنها .
احسان : امي اترجاج سدي الموضوع هسه وحتى اريحج اطمني مااقتلها بس راح اعاقبها بطريقتي ..
احسان:كسرني منظر امي
وهي تبجي وتمسح دموعها بشيلتهاطلعت وعافتني بلامتنطق بشي ..
اني هم سبحت وبدلت وجابتلي الخدامة الاكل اكلت شويه ومنتظر سيف..
رحت مددت دانام نمت ساعة وسمعت صوت سيف يم غرفتي ..
كعدت ورحت اله .
احسان: هاسيف شنو الاخبار..!
سيف : هاي كل المعلومات جبتها عن طريق المخبرين الي عندي بكل مكان ولازم هسه نكعد نربط الاحداث .. بس انته احجيلي كل الي صار وياك من البداية ..
كعدت حجيت اله كل الي صار انصدم بافعال وجدان .. واستغرب امر هالعصابة وشنو رايده من عدنه ..
احسان : لهاللحظه مداعرف ليش مستهدفتني اني وعائلتي ..بس هالاجوبة لازم نحصلها ونربطها للاحداث وي بعض ..
سيف : لازم نحقق تحقيق كامل وي صادق ووي وسام لازم نعرف كلشي منهم
احسان : اني مااثق اوديهم للسجن لايهربوهم العصابة.
سيف: اطمن ح اجيب محققين واثق منهم مية بالمية وغصبا عنهم راح يعترفون بكلشي هذولة المحققين خبرة بهالامور ورح احافظ ع السرية اطمن..
بس وجدان شراح تسوي وياها..
احسان :وجدان خليها يمي اني اعرف شلون ادمرها..
اريدك حاليا تداهملي كل الاماكن الي بيها نشك اماكن العصابة انته والعناصر متبقي احد بيهم
واتصلي هسه بالمحققين يجون يبدون الاستجواب والتعذيب لصادق ولوسام..
سيف : حاضر تأمر امر ..
احسان : يلا اتوكل اني صاعد فوك ...
صعدت فوك واخذت اكل لكل واحد منهم خليت الخدامة تسويلي مواعين بحيث ماعون لكل واحد منهم ..
دخلت الاكل لوجدان من جوه الباب كتلها اكلي زين وراج يوم مرتب
عطت بيها اجت اخذته ورحت لوسام هم انطيته ماعون
ودخلت لصادق فكيت ايديه لكيته يكولي مي شويه مي بس انطيته مي
ونزلت سلاسل مالته حتي ياكل وطلعت برا..
انتظرت المحققين شويه اجه احسان جابهم فهمتهم القصة كلها وعرفتهم شلون يستجوبونهم بس منعتهم يوصلون لغرفة جيهان ..
وحذرتهم منها رحت وي وسام وبدينا نداهم الاماكن ولزمنا هواي منهم
وخليناهم بالتحقيق ورجعت للبيت استلمت التقارير وبقيت يومين على هذا الحال والتعذيب مستمر للكل حتى نوصل لاعترافات بأماكن العصابة ..
والمعالج بده العلاج وي جيهان جنت اسمع من امي ان جيهان دتتألم حيل وسألت المعالج كال هالشي طبيعي لان نريد نحرق الاثار نيبسها ونبدأ برحلة بناء الجلد من جديدفلازم يكون عدها تحمل ... فهمت امي ع الموضوع وبلغتها ان لازم تفهمها هذا كله لمصلحتها...
وكنت اصعد يوميا اعذب جيهان وبعدين اسحلها اراويها شلون صادق صاير من التعذيب
وبيوم اني صعدت لكيتها تدك بالباب وتصرخ تريد احد ينقذها
دخلت الها ..
احسان : ها وجدان منو ينقذج مني انتي موتج ع ايدي اذا فكرتي تنهزمين وجهالج اموتهم وراج وبديت اضرب بيها وسحلتها سحل لغرفة صادق ..
نزلت الغطا عن عيون صادق مجان يكدر يباوع الي من الي بيه ربطت جيهان وخليتها تحجي وي صادق واني اباوع الهم
واصفك بايدي الها .. هه يرادلكم ورد وشموع حتى تكمل الرومانسية ..
صرخت جيهان والله انتقم منك يااحسان اذا صار لصادق وجهالي شي انتقم منك لو كان اخر يوم بعمري ...
كتلها تهدديني مو وجدان... وبديت اضرب بصادق وهي تصرخ ...
يلا وجدان انتقمي اريد اشوف انتقامج ضليت اضرب واضرب لحد مانزف من كل مكان وهي صريخ وصريخ وتصيح لصادق لتموت الله يخليك
رح نعيش والله بس قاوم لزمت راسه ضربته حيل بالحايط ودفرته بالكاع ...
نفتح راسه وظل ينزف وهي تتوسل بيه اساعده
كوتلها ها وجدان وين انتقامج ...
وجدان: الله يخليك بس شوفه اصير خدامه الك طول عمري بس لاتعاقبني بيه
كتلها انتي مو خدامة ميشرفني تكونين خدامة الي انته رح اخليج بس للتعذيب
رحت لصادق لزمت ايديه لكيتها باردة ..
هذا ميت ... ضحكت هذا الي ذبحتي نفسج عليه مات وضليت اضحك ...
... اسمع صوت وجدان وصريخها... سحلتها للغرفة مالتها وهي تملخ بروحها ربطت ايديها ورجليها .. ودزيت ع وسام بلغته بلي صار
اجه كام يحجي عليه ...
احسان : اسكت سيف بلانفس ماريد اسمع اي لوم باجر تسوي العزا مالته انه صاير حادث ومات هو ووجدان بالحادث ...
سيف : لحظه وجدان هم ماتت
احسان : لا العار ميموت بس راح اخليها تتمنى الموت ...
يتبع ....
