"Shadi kb karo gay tum.?"
Maaz nay us dushman-e-jan ki taraf dekha jo be-rehmi say us say ye sawal poch rahi thi.
"Kbhi nahi."
Us nay uski ankhon mein dekhtay hoye jawab diya.Woh aj bhi apna aqs uski ankhon mein dekh sakta tha.
"Q.?"
Nisha nay us say nazrein churatay hoye sawal kiya.
"Jis say karni thi , us nay kisi or say kar li, so ab nahi karni shadi."
"Agr us nay kar li hy tu tum bhi kar lo shadi."
"Nahi kar skta ."
"Kis khush fehmi mein mubtala ho tum, kay woh usay chor kar tumharay pass aa jaye gi.?"
"Haan,bilkul issi khush fehmi mein mubtala hon,kay kbhi tu woh meri halat pay taras khaye gi,kbhi tu maaf karay gi."
"Tum jhoti ass par apni zindagi barbad na karo, us nay aana hota tu kb ki aa chuki hoti."
"Barbad tu mein apni zindagi kb ki kar chuka hon,or tum ab rook rahi ho."
Nisha kay ghornay par us nay rukh dosri janib kar liya.
"Ek sawal pochon, jawab do gi.?"
"Ye tu sawal pay munhasir hy."
"Us nay bhi tu wohi galti ki thi,jo mein nay ki, phir usko meri tarhan chora q nahi tum nay.?"
Maaz nay ab uski gaal pay hath rakh kar uska chehra apni janib kar liya tha.
Iss sawal ka woh us say such jawab chahta tha.
"Uski or tumhari galti mein bohat farq tha,us nay woh galti tb ki thi jb woh mujh say muhabat nahi karta tha,or tum nay woh galti tb ki thi jb tum mujh say muhabat kartay thay."
"Bewafai tu bewafai hoti hy,jb marzi ki jaye."
Maaz nay usko mananay ki koshish ki.
"Choro iss baat ko ,tum nahi smjho gay."
"Darr nahi lagta usko jb woh tumhein mujh say baat kartay dekhta hy,ye jantay hoye bhi kay tum mujh say muhabat karti ho,woh tumhein mujh say baat karnay say nahi rokta."
"Usay maloom hy bewafai ka zkhm sehnay walay dosron ko ye zakhm nahi dety."
"Tum mujhy maaf nahi kar skti.?"
Us kay sawal par nisha nay uska hath gaal say utha diya.
"Maaf hi tu kar diya hy tumhein."
"Tu phir q?"
"Maaf kiya hy,bhoola nahi hy."
"Aesa q hy kay meri galti kay aagay hamari muhabat haar gai hy.? Kya hamari muhabat itni kamzor hy.?"
"Haan,Woh muhabat jo tumhein mera na rakh sakay ,woh muhabat kamzor hi hy."
