"Arishay yar yahan q so rahi ho tum.?"
Sehar nay arishay ko bazo say hilatay hoye sawal kiya tha,woh kb say usko uthanay ki koshish kr rahi thi.Lekin arishay par tu kisi baat ka asar hi nahi ho raha tha.
"Arishay agr ab tum na uthi na tu mein nay tum par ye paani ka bhara glass phenk dena hy."
Us ki baat par arishay harbara kar uthi thi,sehar jesa kehti thi wesa kar bhi skti thi or usko itni sardi mein khud ko gila karwanay ka koi shoq nahi tha.
Sehar or arishay ki dosti university mein hi hoi thi.Lekin phir bhi arishay ko lagta tha jesay woh usko bachpan say janti ho.
Arishay nay uthatay hi sehar kay hath say pani ka glass pakra tha.
"Sehar plz bus thori daer so lenay do,dekho agli class shuru honay mein abhi aadha ghanta hy ye aadha ghanta so lenay do."
Arishay nay sehar ki minat karnay kay baad sir phir table par jhuka liya tha.
"Uff arishay kya soi nahi ho raat bhar.?"
Sehar kay sawal par usnay sirf sir ko haan mein jumbish di thi.
"Q kya takleef ho gai thi jo raat ko nahi soi tum.?"
Sehar ko jab uskay sawal ka jawab na mila tu usnay dosra sawal kiya tha.
"Arham aaya hoa hy.?"
Arham kay naam par woh seedhi ho gai thi,herat say sehar ki taraf dekha tha or phir uskay peechay dekha tha.
Usko laga tha sehar bata rahi hy kay arham aaya hoa hy.
"Bewaqoof idhr udhr kya dekh rahi ho, mein poch rahi hon tum say kay kya arham aaya hoa hy.?"
Sehar ki baat mukamal honay par us nay sukh ka sans liya tha.
"Hmm."
"Kitnay din kay liye.?"
"Mujhy kya pata.?"
"Arishay yar biwi ho uski itna sa sawal nahi poch skti us say tum."
Sehar ki baat par us nay sehar ko ghoora tha.
"Mein q pochon us say kay woh kitnay din kay liye aya hy.?"
"Takay pata chalay tumehin kay or kitnay din ye musibat tumharay galay paari rahay gi , or kitnay din tum university aa kar apni neend pori karo gi."
"Sehar tumhein aisa q lagta hy kay mein pochon gi tu woh mujh ko jawab day ga.?"
"Q nahi day ga.?"
Sehar ki baat par arishay nay rukh mood liya tha,sehar achi tarhan janti thi kay uska or arham ka taluk kesa hy lekin phir bhi us say ye sawal poch rahi thi.
Arishay ko dosri taraf rukh kartay dekh kar sehar nay uskay bazo par hath rakha tha.
Sehar nay ye sawal sirf us say iss waja say kiya tha kay woh jan sakay kay arham ka bartao arishay kay sath theak hoa kay nahi.
"Arishay tum usko maana q nahi karti ho,akhir aesay tum canteen mein soti ho tu ye achi baat tu nahi."
"Woh meri baat nahi sunta."
