بديت بستكشاف لمكان بينما رحمة ( سيدا لي كتوريني لمكان ) كتعرفني على الأشخاص لي فديك الخيريا كانو شي حالات لا يرتا لها مساكن مكرفصين ...بقيت كنتأمل حالتهوم وقطعت وعد على راسي اناني نهتم بيهوم وما نخلي حتا حاجة تنقصهوم ،دوزت نهار مع رحمة كتعلمني شنو ندير وكيفاش نهتم بيهوم ....وصل وقيت خروجي بدلت حوايجي وخرجت دزت على سويقا جبت وحد كيلو بطاطا ندرها فريت ومشية لدار ، افففف هاد لباب خرج من بالي حتا انا والله لا صايبتو خلي مو هاكداك غيدخلو يسرقولي دهب ، مشيت تكيت وحد شويا وخرجة درة وحد 5 دراهم ديال روشارج ويديت نتكونيكطا حتا دخل عليا عمران فلواتساب :
Slm hb...slm bb ...kifak lyom ...moi b1 etoi ...cv yla konti nti cv kif jatak lkhadma jdida ....zwina ...aywa lah ywafa9 ...amin ....
( كاع ما وصف ليكوم عمران ) عمران شاب فقمة الوسامة مي مزلوط كتر مني هو فعمرو 21 كبر مني بعماين تعرفت عليه ملي كونت فتانيا اعدادي وحنا مصاحبين وكيحماق عليا وانا كتر صاراحا صدق ولد ناس نهار كلاوني عمامي فرزقي هو وخا ما فحالوش كان يخدم ويقرا باش يخلص عليا هاد لبيت لي كاريا ....علاقتنا زوينا بزاف ضروري من لمشاكل مي كنرجعو لبعضنا وحتا انا عمري عرفت شي ولد من غيرو وما عمري نعرف كنحسبو هو خويا وحبيبي وسنادي فهاد الحيات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قينا مكونيكطيين انا وياه حتا دربات 9 نضة قلية فريت كليت ونعست باش غدا نوض بكري حيت تابعاني لخدما
فقت فصباح لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وخرجت نيشان لخيريا مي ما خديتش طاكسي حيت لفلوس قليلا ولاكن مشيت لطوبيس افف مع زحم و صهد وريحة رجلين وليت كي شي جروا هادشي وعاد معطلا دخلت بزريا لبست لباس رسمي وتاجهة لعند الناس لي مكلفا بيهوم بقيت معاهوم وكل هادا بدل لهادا وكاين شي وحدين جهلوني وشي وحدين حسسوني اناهوم عائيلتي لموهيم دوزت نهار عادي لاكن تار انتباهي رجل في اواخر الأربعينات مبدل على كاع هادوك لي هنا هو نقي بزاف وديما بوحدو وحتا وسامتو كدل علا انه شخصية مهة بقيت كنشوف فيه وما قديتش نسبر وانا نسول وحدا من دوك لي خدامين معانا
انا : ختي شكون هاداك
لبنت: هاداك سي رضوان
انا : سبحان الله كيبان غامض
لبنت : اه هو من نهار دخل لهنا ما عرفنا عليه شي معلوما حية هو اصلان ما كيسمع ما كيهضر بلإضاف لأنه مشلل من رجليه بجوج
انا : اوو مسكين واش حتا هو جابوه ولادو بحال با عمار
لبنت : هو عاد دخل مئخران جايو وحد سيد كان كينعس قدام باب دارو وعز عليه وجابو وشي مرات كيجي يزورو
انا : الله يكتر خيرو دار بعدا هاد الأجر
أنت تقرأ
احببت عجوزا مفيوزيا ❤❤❤❤
General Fictionسلام لبنات نتمنا تكونو علاخير ليوم جبت ليكوم قص جديدا نتمنا تنال إعجابكوم
