احببت عجوزا مفيوزيا ❤❤❤❤

الجزء 35

رضوان : لموهيم دابا غنهضرو فلمعقول اش بان ليكوم نعملو مافيا حنا ب3 ولأرباح تقصم على 3

عمران : انا موافق من غدا لا من دابا

انا : انا موافقا مي بشرط

رضوان : وي تفضلي

انا : منوع يسيل دم

رضوان : كنواعدك ما غتسيل حتا قطرا ديال دم

انا : اكي تافقنا

صايي من هاد نهار بدات لمافيا ديالنا لي متكونا مني انا وعمران و رضوان

فهاد لفترا لي كنوجدو فيها لأول عمليا من بعد ما علمني رضوان اسلوب لقتال و طريقت حمل السلاح و... كل ما يخص عالم المافيا عمران تبدل بزاف ولا كيسكر و غير صهير وياويلي يلا هضرت معاه اما  يسوقش ليا شحال من مرا ما يباتش فدار وعاد كملها ملي وحد نهار ضرب شيمانا ما جاش ملي شفتو وقف طوموبيلتو نزلت من بيتي كنجري

انا : عمران على سلامتك فين هاد لغيبا حرام عليك تشوشت عليك

عمران : تشوشي عليا مالي انا دري صغير اجي مال لكلبا دمك ديما قالبا ليا راسي فين كنتي مع من فين مشيتي والداني وناسياني

انا : لا راه غير كنتشوش عليك

عمران : مالي مزوج بيك باش تشوشي عليا

انا : انا هاطيبتك وقريب غنتزوجو

عمران : مالي حماقيت نتزوج بوحدا بحالك

انا : ياك كتبغيني

عمران : اللة تفرقي عليا ما لقيت ما نبغي غير وحدا عنها بحال موكا وجها كيف لباغريرا واش ما عندكش مرايا توفي فيها رتسك انا غير كونت كنضيع بيك لوقت

انا : مالي عاهيرا عند باباك الشماتا باش ضيع بيا لوقت

ماجيت فين نكملها حتا جمع معايا بوحد تسرفيقا حتا طحت الأرض وبدا يركلني انا بقيت كنصرخ حتا نزل رضوان هزني من الأرض ومشا لعمران بقا كيعطيه حتا ردو كولو دمايات

رضوان : ياك الشماتا تهز يدك عليها انا ما كنخليش حتا لهاوا يقيصها تجي انت ضربها

عمران : وشكون انت باش تخاف عليها كاع هاكدا

رضوان : انا ولي امرها فهمتي انا عائيلتها اقسم بالله وتعاودها حتا نحيك ودابا ...لبيتك

انا واخا كونت شبه مغيبا من ضربات لي عطاني عمران ولاكنو شفت وحد لخوف فعينين رضوان عليا عمري شفتو عند شي واحد بلإضاف لهتيمامو زايد ما عرفتش علاش ولا كيجيني شي احساس تيجاهو فشي شكل

بطلموهيم طلع عمران لبيتو وانا بقيت فلأرض جا رضوان هزني طلعني لبيتي و بدا كيمسح ليا جرحا

رضوان : ما تخافيش انا معاك وهادي اخر مرا يقرب ليك

انا كتافيت اني نحط راسي على سدرو

دازت ايام وليوم هو موعد العمليا ليناهيا عبارة عن :

رضوان غيدير راسو مشلول وفكروسا ديال الموعاقين و انا غندير راسي سيدت اعمال او شخصيا مرموقا فلبلاد غنبدل الملانح ديالي و غنمشي انا و رضوان على اساس انو غادا انا وبابا نشريو شي كولي ديال الألماس واهم حاجا نمشي فوقت متأخر من اليل ونحاول نلهيه قدر الإمكان باش تكون دنيا خاويا و لخداما مشاو، غنبقا كندوخ فداك خينا بلهضرا حتا نطيحو ونقولو لا بغيت شي حاجا واعرا وغندخل معاه لبلاصا ديال تبدال باش يوريني شي حاجا وتما انا غرش عليه رشاشا لي غتخليه يغيب فهاد الأتناء رضوان غيكون كيشطب لخزنا ديال الألماي و جميع المجوهرات ملي يسالي غنخرج و دي رضوان بزربا من بعد ما نتأكدو انو ما خلينا حتا داليل ورانا فهاد الوقت غيكون عمران كيتسنانا غير نجرجو يتلاقانا بصيارا لي لماطريكول ديالها مزور وغادي  نمشيو نيشان لطيارا الخاصا لي كتسنانا ديغيكت لفرانسا