احببت عجوزا مفيوزيا ❤❤❤❤

الجزء 29

تسريع الأحدات

دازت هاد الأيام غير فتوجاد لحفلا كنوجد انا و طاريق مرا مرا كنخرجو صراحتان ولد ضرف مي مخسر راسو بداك لخدما كتشفت عليه بزاف ديال لحوايج منها اعز ما عندو هو يصور اي حاجا كيعجبو يصورها وكيحماق على طوموبيلات

لموهيم بقيت كنوجد انا وياه بقا نهار لحفلا كونت كالسا حتا صنا عليا

انا : الو طاريق لاباس

هو : حمد لله وانت

انا : حمد لله

هو : اشوف خرج دغيا راني فلباب ديال لخيريا

انا : اكي واخا

نضت لبست عليا بزربا

وهزيت بوشيط وهبطت كنجري عند رضوان حليت لباب كيف لعجاج لقيتو كالس هو وعمران كيهضرو قاطعتهوم انا

انا : سلام شوفو راه عيطلي طاريق وقالي راه كيتسناني حدا باب لخيريا

رضوان : وما قالكش لاش بغاك

انا : لا راه متوترا خايفا يدبحني فهاد ليل

عمران : سيري ديري خدمتك باراكا من لحماق

انا تجرحت من هضرتو مي ما بينتش

رضوان : انت فانان غير سيري

انا : اكي

خرجة من لخيريا وانا لقا قدامي وحد لحديدا واعرا

بقيت حالا فمي فيها حتا هبط لعندي هو ورجعت حليت فمي فيه حيت كان مبوكص ولابس

طارق : شنو ما غاديش نمشيو
 

انا : واش هاد طوموبيلات لي كل مرا وحدا كتسرقهوم

هو : لا كيصدقوهوم عليا

انا : ههه جيتي تيتيز

هو : ماشي قدك

انا : فاش بغيتيني

هو : راه ولفتك بزاف وقنطت بوحدي وقولت نجي لعندك

انا : وفين غنمشيو

هو : يلاه نتعشاو ومن بعد نقلبو فين نهملو

ركبت معاه وفعلان داني لوحد ريسو

اقل ما يقال عليه واعر تعشينا ومن وراها مشينا لحدا لبحر هضرنا شويا حنا راجعين و هو يجيه  وحد الإتصال غير شافو حمار وزراق شاف فيا

طارق : انت بقاي هنا انا غنهضر ونرجع

خرج بدا كيهضر وحد شويا جات وحد لكاط كاط  طلع فيها
انا ستغليت لفورسا وبديت كنقلب على اي ورقا كنصورها ونصيفطها لرضوان حيت قالي اي حاجا تقدر تفيدنا بقيت نصور ونقلب حتا قيت وحد لملف بلاستيكي يالاه كملتو بتصوار  انا نشوف طارق هابط رجعت لميلف لبلاصتو ودرت بحلي كنصاوب صباطي حل لباب و طلع مع عليت فيه عيني وانا لقاه كولو دم فوجهو

سلام بنات عارفا راسي وعدتكوم نكتب مع لمغرب وتعطلت سمحولي عندي ضروف ومع كتبت جوج بارتيات فلقصا لخرا هداك علاش تعطلت كنعتاضر