احمد.. رحت لدوام وانة أضحك على سوالفهة وتصرفاتهة
سعد.. خيرر ياطيرر شكو ليوم تضحك صاير😉
احمد.. لا تتغمز ماصار شي
سعد.. اعرفن انتة مابيك خيرر جا وانة فكرت انتة أسد الغابة هل الأيام
احمد.. لا يانذل انة مابية خيرر والك انة لو اريدن بنات اليل وكاوليات كومة حتى هي اكدر اخذهة بس انة ما بالي هيج شغلات وانتة صفي نيتك ولاتخلي إبليس يكعد بعقلك
سعد.. جا كلي شكو صاير تبتسم هل الأيام شنهو انكلبت الآية وانتة بوجه الحسين جنت ماتضحك
احمد.. ههههه وانتة مخليك علية مراقب
سعد.. انة اعرفنك أكثر ما اعرف نفسي ماكو داعي اراقبك
احمد.. ماكو شي بس أضحك على تصرفاتهة تحسهة طفلة
سعد.. يعني اكولن بالخيرر وكعت بالحب
احمد.. ياحب اكلك أضحك عليهة مو احبهة
سعد..وانة اكلك انتة تحبهة
احمد.. لا شحب منهة انة وين والحب وين
سعد.. جا اكلك انة وياك وزمن طويل واشوفك وتعال وكلي سعد انة حبيتهة
احمد.. لا تخاف انة أحبك الك وبس
سعد.. يالله شنهو هل لحجي خجلتني انة هم أحبك بس أوي احمد اني ما اتحمل كول هذا ماكوتلي شوكت تجي تخطبني من اهلي ترة والله مارضة بيك بعد بسرعا حبيبي استعجل شووي
احمد.. ههههههههههه خرب روح أهلك على هل لدكة والله يلوكلك دور المايع
ماهر.. هههههه صدك سيدي يلوكلك
سعد.. ماهر شتريد
ماهر.. سيدي طالبينك جوة بالتحقيقات
سعد.، روح هسة اجي
ماهر.. حاضر سيدي
سعد.. الله يأخذك يا احمد كلة من وراك شلون فشلة انة أتصرف هيج واتدلع يكول جني بنية
احمد.. هههههههه واني شعلية انتة كمت تقلد على المايعين لا لا راحت الهيبة
سعد.. انة الك بس اروحن اشوف شيردون وارجعلك يانذل على كولتك هيبتي راحت من وراك
احمد.. هههههه دروح روح هيبتي راحت لي يسمعك يكول الأمم المتحدة سقطت
سعد.. اي آي شعندك أضحك حضرة جنابك
احمد.. من صدك اليوم ضحكت على سعد والاخص وجهة كام ينطي ألوان من عرف ماهر شافة شلون يقلد كملت دوامي ورجعت ساعة 11 رحت على امي بست راسهة وصعدت فوك شفتهة نايمة بس لي يشوف نومتهة يكول جاي تلعب مصارعة لحاف بصفحة لمخدة بصفحة نايمة أعوج ولكفشة هههه رحت عدلتهة جاي اغطيهة حست علية
ريناد.. منو انتة
احمد.. ههه عرفتهة هي بحلات نومهة .... انة عزرائيل جيت أخذ روحج
