ريناد.. من صدك كمت اخاف وظل بالي
فاطمة.. هاا رنو خابرتي
ريناد.. لج لا ما يرد أكثر من مرة دكيت وميجاوب
فاطمة.. عزة اذا صدك انطيني لموبايل
ريناد.. والله احس نفسي دخت فاطمة أخذت لموبايل كامت دك بس ماكو ما يرد
عمار.. هاا بنات شو هينة واكفات جاي سون
ريناد.. عمار جاي اندك على احمد مايرد
عمار.. ليش شتريدن منة اكيد هو هسة بشغلة
فاطمة.. ندري بشغلة قابل وين بس هو قبل لا يطلع كال محد يطلع بدون ما اعرف وين راح وين يجي لحد مايخلي حماية وهو موصي ابوي حتى مايخليك لا انتة ولا حسن طلعون
عمار.. اي وانة اكولن ليش ابوي كال ماريدن طلعون لديرة بعيدة
ريناد.. بس مو هنا لمشكلة جاي ندك سال ساعة هو ماكو
عمار.. هسة اخابر صديقة سعد عندي رقمة
ريناد.. اي عفية
فاطمة.. بلكي نحصلة
عمار.. ماكو هذا هم ماجاي يرد
ريناد.. مايرد يعني شنوو
عمار.. استهدي بالله انة ما عرف مقرهم بالضبط اروحن اسأل ابوي واروح عليهم
ريناد.. عفية بسرعة عمار
فاطمة.. اهدي أن شاء الله ماكو شي
ريناد.. يارب مابيهم شي
عمار.. شلونك بوية
الأب.. هلا بعمار
عمار.. بوية اريدن عنوان احمد مقرة وين صاير بالضبط
الأب.. وشتسوي بي تريدة
عمار.. بوية جاي اندك علية ما يفتح خط وريناد بقة بالهة حتى دكيت على سعد مايرد
الأب.. لاتخافون مابيهم شي همة زلم وكد نفسهم
عمار.. بس خلي نطمن حتى انة ظل بالي
الأب..لا جا انة شكلت ماتروح يعني ماتروح
عمار.. حاضر مثل ما تريد
ريناد.. هاا انطاكيا
عمار.. مايرضة وكلي لا تروح
ريناد.. يعني شنوو انظل هيج
فاطمة.. امشي ندخل جوة
ريناد.. صعدنة اني وفاطمة بالغرفة بس مسطورة سطر
فاطمة.. ولج شبيج تبجين أن شاء الله ماكو شي
ريناد..😢😢 فاطمة ولج اخاف بي شي والله ما تحمل
فاطمة.. لا فال الله ولا فالج هسة هم نحاول ندك علية
ريناد.. ضليت الوب وافتر بالغرفة فاطمة تتصل وماكو
