ريناد.. رحت غسلت وعدلت نفسي نزلت للمطبخ سحر وصال بس يخزرن بية بس بعد ماهتم
فاطمة.. هاا ريناد انتي بخير
ريناد.. اي حبيبتي ماكو شي
فاطمة.. الحمد الله
ريناد.. صبينة الأكل بس اويلي صارت هوسة أول مرة اشوف هيج والأكل كلة دسم لولد يطبون منا ويطلعون منا مخبوصين خبيصة نصب ونرجع ورة كل ساع يكلون انريد بعد خلصنة كعدت على لقنفة هلكت اجتي وصال وسحر
وصال.. هي كومي منا نريد نكعد هينة ماشوفين جهال كاعدين بالكاع
ريناد.. أستغفر الله راح اكوم بس مو علمودج لخاطر احمد وماريد اسوي مشاكل
وصال.. اي تعالي اخذي راجدي فوك ما عايشة على كلبنة وتاكلين وتنامين بجالنة جاي تشرطين والله حلوو فصلية وبكيفهة
فاطمة.. وصال اكسري لشر وماعليج انتي عليج بنفسج وبس
وصال.. اي ست فاطمة وانتي منهو لخلاج محامي عليهة
سحر.. وصال مو وكتهة عوفج منهة خلي تولي اخافن يجي احمد او واحد من ولد عمج وصير طلابة اسكتي
ريناد.. ردت احجي بس فاطمة غمزتلي اعوفهن عفتهن يلغن وحدهن وكفت يم فاطمة جاي اسولف وياهة وأم هشام وكعت بالكاع شلناهة جبينة مي على وجهة غسلنة آلهة وديناهة للغرفة حتى ترتاح خطية تعبت من لصبح لولد كاموا ينكلون بالأكل يبدوا خلصوا فاطمة كامت صب جاي وتحضرة الهم لمطبخ عبارة عن مواعين وأكل من صدك لي يطب تلعب نفسة من لهوسة اجة عمار وحسن أخذوا لجاي
وصال.. اني تعبت اروح أنام وانوم لجهال بقة بس لماعين على هاي لفصلية تنظفهن
سحر.. اي والله اني هم تعبت
ريناد.. شنووو اشتغل وحدي
وصال.. جا شنهو لناكصج ايد لو رجل
فاطمة.. اني اساعدج عوفج منهن
ريناد.. ستونة جاي انلم واجتي سحر كالت لفاطمة تعالي امج تريدج عرفت هاي سونهة قصدا حتى لا ساعدني بس اني ماريد اسوي مشاكل لخاطر عمي وأحمد عفتهن وكمت اشتغل بس شنو ظهري ماحس بي من لوجع للعصر واني أنظف بالمطبخ احنة جنة عائلة صغيرة ماعدنة كل هذا لشغل واغلب الوكت ابوية وعلاوي طالعين برة ضليت أغسل وانظف لحد ماخلصت بعد حتى مابية اصعد للغرفة كعدت على لقنفة ارتاح
احمد.. هاا شو وحدج كاعدة
ريناد.. اي جنت انضف
احمد.. شنهو وحدج تنضفين
ريناد.. واجة كعد يمي هاا لا جانت فاطمة وياي بس عمتي صاحتهة وكتلهة اني اكمل لباقي
احمد.. هاا خوش جا صعدي فوك مبينة تعبانة
ريناد.. اي بس تعبت وخليت راسي على جتفة بعد ماكدر اتحرك حتى نعسانة عيوني كوة مفتحتهن لن ليوم احمد كعدني من وكت وهي لوكفة للمغرب
