جا سامي قعد معنا و بدا ادم يعرف فينا قالنا :هاذا سامي صديق طفولتي قالو لسامي :هاذي نهال حبيبتي و قريب نشالله تولي مرتي قالو سامي :الله يبارك ربي يكمللكم قالو: و هاذي ملاك صديقتي المقربة وصديقة نهال الروح بروح قالي: متشرفين ختي ... لمهم فطرنا وهو معانا مقدرتش كامل ناكل لابيتي راحتلي شافني ادم مكليت والو قالي: وشبيك ملاك مالفا تفرحيني فلماكلة ليوم مكليتي والو حشمتي; انا نخزر فيه ونديلو بيدي امبعد نوريلك قتلو: نونو محشمتش راني شبعانة برك كملنا و خرجنا امبعد ولينا حشيا تلاقينا حنا3 برك قتلو :ارواح لهنا نوريلك على التبهديلة لي درتهالي و نهال تسلك وهو يضحك قتلو: تضحك بارد قلب قالي :نورمالمو تشكريني ... قتلو :يا سيدي على واش نشكرك على كي حشمتني معاه و بهدلتني بلي نحب ناكل; ههه قالي: لوكان مقعديش معاه في طابلة وحدة ما يقوليش اعطيني فايسبوك تاعها قتلو :وشنووو؟؟؟ قالي ادم: قالي عجبتني واذا ممكن تمدلي فايس تاعها باش نولو اصدقاء باسكو ما نعرف حتى وحدة هنايا ......
قتلو: كيفااااش اصدقاء كيفاش هاذي اصدقاء يعني كي ختو اووووووووووف قالي: مي تعييييي نتيا واش حبيتي يقولي نحبها وهو شافك غير 10دقايق ههه في حياتو .. اقبليه اهدري معاه اعرفي عقليتو امبعد شوفي واش كتب ربي مرحبا بيه قتلو :ايه صح عندك الحق نشالله قلتلهم :ايا باي انا نروح دوكا ... رحت وخليتهم بديت نمشي ونخمم واش نهدر معاه كي وصلت لدار دخلت ديراكت لاشومبر بدلت حوايجي وحاجة لولا لي درتها حليت فايس لقيت 3 طلب صداقة بديت نحوس عليه حتى لقيتو عرفتو من تصويرا اجوتيتو حتى لحقني ميساج ...
قالي :سلام قتلو: سلام قالي: مرسي على الاضافة قتلو :بلا مزية ... امبعد بدا يعرفي على روحو و كيفاش عايش و بلي يماه ميتة و باباه معاود الزواج هاذا لي خلاه يدير اقامة جامعية هنا لانو ميتفاهمش مع مرت باباه وهو لوحيد عند باباه حالتهم المادية لاباس بيها واش يحب يديرهولو باباه غير باش ميديرونجيهش مع مرتو و قالو: دير اقامة جامعية بيد منشريلك دار في الولاية ... لمهم انا تان عرفتو على روحي و حكيتلو حكايتي ... جازو يمات و حنا نتلاقاو ونحكيو مع بعضانا و لينا دايما حنا 4 نفطرو مع بعضانا وليت منحشمش منو ناكل قدامو نورمال و نجوزو وقت كيف كيف دوموندا نيميرو تاعي و مديتهولو ولينا نحكو حتى ولينا منقدروش نرقدو بلا ما نسمعو صوت بعضانا جاز عام وحنا غير اصدقاء برك ماكان حتى حاجة بيناتنا .... ادم راح خطب نهال و تفاهمو على شهر يديرو العرس لانو بابات ادم كان مريض و هنا حدثت مفاجاة و لي هي ..................زعما وشنو هي في ميزكم ؟؟؟؟
انتهى البارت 3
الى الملتقى انشالله مع البارت4
فوت+كومونت متنساوش نحبكم
بااااي
أنت تقرأ
خيانة الثقة -باللهجة الجزائرية-
Romanceانا اتقبلك ناقصا لكن لا اتقبلك كاذبا و خائنا الخيانة اصعب شي في هاذ الدنيا خاصة لما يجيك من اقرب الناس ليك بصح كاينة حاجة اسمها ان بعد العسر يسر و الصابر دايما ينال كرونيك جديدة صح فيها الالم و الخيانة بصح في الاخير راح ربي يفرجها على بطلتنا ملاك...
