اووووف راني كارهة حياتي يا ناس نضل وحدي فدار ماما خدامة في مطعم وانا غير لقراية ... سمحولي قاعدة نهدر وحدي ونسيت معرفتكمش بروحي انا اسمي ملاك ناس تقولي اسم على مسمى ههه في عمري 22 سنة ونقرا في لافاك زعما باش نولي صيدلية نشالله عايشة مع ماما برك فدار بابا مات اكسيدون و خلاني في عمري 6 سنين ماما زلة تع الصح في عمرها 40سنة بصح لوكان تشوفوها تقول وحد30سنة و تشبهلي بزاف انا نسخة مصغرة عليها و تلبس حطا يعني متهليا في روحها... كبرتني ماما وحدها ورباتني و قراتني خدمت و تعبت غير باش تخليني قدوة ليها و حاجة مخصتني هي الاب و الام ليا و الحمد الله تموت عليا و تخاف بزاف عليا تضل تنصح فيا....
عندي صحبتي وحدة برك اسمها نهال انا ويها روح بروح عندا صحبها اسمو ادم يحبها و يموت عليها وراهم ناويين يتزوجو نشالله كنا نخرجو كيفكيف كان خاطينا تخلاط جايبينها غير قراية وتمهبيل صحبتي نهال تاني عمرها 22 سنة زلة ثاني عايشة مع يماها وباباها و خاوتها الصغار التوام ياسين و ياسمين و حنونها بقلاااااااااااااوة و عندو وحد الكور ههه... لمهم كي كان في عمري 18 سنة لحقت لباك كيما كامل ناس جوزناه انا ونهال و جبناه الحمدالله بمعدل مليح ... فرحت ميمتي هاذاك واش كانت تحوس ....لمهم وحد النهار كنا قاعدين انا و نهال في بيتزيريا كنا نفطرو حتى طاحت عيني على وحد الزل ياودي بقلاااااااوة معسلة بعسل الحر هههههه كان سمر و عينيه خضورا مشفرين و هذاك الفم ... غير تع بوس... هههه و هذاك الكور غير تع رقاد هههه و هاذيك اللحية لخفيفة مطراسيا تهبل كي خرزت فيه كنت نشرب فالماء حتى دفقتو كامل على روحي و على نهال هههه بلا منجيب خبر غست فيه يا يما تبهديلة سيد كامل محوش حاسبني و انا وقيل طحت فيه ... ااااه حب من اول تبهديلة ماشي نظرة ...هههه فطنت على صوت نهال تقولي: يا طفلة واش بيك قلتها :يا نهال اجري ليا صحبتك عشقت شوفي هاذاك الزل لي راهو قاعد لهيها ياكل قاتلي :هبلتي نتيا امشي نروحو امشي والله غير معاك نتي متصلحيش لواحد كيما هاذاك....
لمهم خرجنا بصح قلبي خليتو تماك معاه ههههه ... وليت كل نروح نفطر فهاذيك بيتزيريا زعما باش نشوفو بصح محالفنيش الحظ من هاذاك النهر مزدتش شفتو قلت في قلبي سور عندو كاش وحدا يخي انا منحوسة هههه .... فاتو اليامات وشهور وحد نهار كنا قاعدين انا ونهال و حنونها ادم ياودي بقلاوة مي هي عندها الزهر ماشي كي حالتي ... هههه عمرو 28 سنة و يخدم بروف تماك و تعرف على نهال ولاو حبيبين و راح يتزوجو وانا نبقا بايرة هو يقري في الاختصاص تاعنا و نجح بمعدل مليح علابيها تخرج بكري كان عندو صحابو بزاف بصح ما يقروناش انا و نهال لمهم هو صديقي انتيم نهدرو كلش قدامو و مام هو ميحشمش كنا اصدقاء مقربين بزاف ....كنا نهدرو ونجبدو في لحكايات حتى نشوووووووووووف يا يما نهال راكي تشوفي واش راني نشوف اااه قلبي راح يحبس ... دارت نهال و ادم باش يشوفو شكون و انا وليت نرجف وحدي كي شفتو حتى نسمع ادم قالي :شكون سامي ههه؟؟؟ و نجبدو من تريكوه ونقولو: ادم متقوليش تعرفو ؟؟؟؟ .................
انتهى البارت1
الى الملتقى انشالله مع البارت2
فوت+كومونت لوف يو
بااااي
أنت تقرأ
خيانة الثقة -باللهجة الجزائرية-
Storie d'amoreانا اتقبلك ناقصا لكن لا اتقبلك كاذبا و خائنا الخيانة اصعب شي في هاذ الدنيا خاصة لما يجيك من اقرب الناس ليك بصح كاينة حاجة اسمها ان بعد العسر يسر و الصابر دايما ينال كرونيك جديدة صح فيها الالم و الخيانة بصح في الاخير راح ربي يفرجها على بطلتنا ملاك...
