انا اتقبلك ناقصا لكن لا اتقبلك كاذبا و خائنا
الخيانة اصعب شي في هاذ الدنيا خاصة لما يجيك من اقرب الناس ليك بصح كاينة حاجة اسمها ان بعد العسر يسر و الصابر دايما ينال
كرونيك جديدة صح فيها الالم و الخيانة بصح في الاخير راح ربي يفرجها على بطلتنا ملاك...
دخلت لدار و يارتني مدخلتش شفت سامي و ماما عريانين و كان يبوس فيها و يديرو صوالح تع متزوجين لي انا مدرتهمش معاه بديت نكسر ونعيط و نضرب فيه و في ماما اسم ماما ميلقش بيها يليق اسم خاينة و خاين كنت نبكي و في حالة هستيرية حتى دخت و صحت ... فتحت عينيا نصيب روحي فسبيطار و نهال كانت تبكي وادم كان قاعد و مهبط راسو و شادو غير تفكرت واش كاين بديت نبكي و نعيط قلتلهم: منسحقحمش ني هي ني هو ونهال بدات تهدن فيا و تقولي :خلاص حبيبتي حتى جا طبيب غير دخل لقيتو هاذاك السيد لي كان يخزر فيا في لعشا تع نهال جا دالي برا و قالي: ريحي شوية خرج هو و ادم و انا وليت نبكي وقلت :نهال شفتي واش دارولي ... قاطعتني نهال و قاتلي :اسكتي علابالي بكلش هوما جابوك لسبيطار و عيطولي باش نجي ليك و ضارب مع ادم و اياد قلتلها :شكون اياد قاتلي: طبيب لي دخل ليك لهنا قاتلي:هو لي ديفوندا عليك قلتلها :منسحق حتى واحد يديفوندي عليا خلاص كرهت كامل رجال كيف كيف
باتت معايا في سبيطار و غد منذاك خرجنا قلتلها: مانيش حابة نزيد نشوف خليقتهم قاتلي: ارواحي معايا لداري قلتلها: نهال بيد ما نلقى خدمة و دار نخرج ايه تعيشي سمحيلي قاتلي :متزيديش كامل تعاودي هاذ لهدرة مل يوم تولي تسكني معانا حتى يفرج ربي سبحانو رحت معاها و فرح ادم وقالي :متخميش كامل بالعكس نورتينا دار .. لمهم غدوا مينذاك بعثلي سامي ميساج قالي :سمحيلي انا كنت ناقص حنان و صبتو في يماك وحبيتها والله ماكنت حاب يصرا هكا مي الله غالب عشقتها و عطاتني واش معطيتينيش نتي وراح نتزوج بها ... كي قريتو صح وجعني قلبي خاصة كي جيك خيانة من اقرب ناس ليك مكفاش هو زادت ماما لي جابتني ...هي لي خانتني.... درت فيهم الثقة العمياء مي خانوها و كسروها لمهم رجعتلو ميساج قتلو :نتا ماشي راجل و رخيص هاهي ليك تزوجو و شبعو من بعضاكم لمهم مذا بيك بالصدفة منتلقاش بيكم يا خاينين لمهم كسرت لابوس مور ما بعثتلو ميساج خلاص لازم نمحيهم من حياتي و نكمل قرايتي و نبني مستقبلي....
جازو اليامات يجرو انا دبرت خدمة و كنت نقرا كان هذا هو شرطي باش نقعد معاهم حتى وحد مرة عيطلي ادم قالي: اجري لسبيطار نهال راح تزيد رحت و زيدت طفلة بوبيا الله يبارك سماتها ملاك بكيت كي سماتها عليا و قلتلها: نشالله ميخرجتش زهرها منحوس كيما انا ... عرض ادم صحابو مع نساهم للسبوع دارلهم عشا وانا لي طيبتو لاخطرش نهال كانت نافسة تعشاو وهناو للمزيود و كان معاهم هذاك الطبيب اياد قاعد غير يخزر فيا امبعد جا و قالي :سلام عليكم قتلو: وعليكم السلام باش نليكيديه قتلو :كاش مخصكم خويا قالي: لالا الحمد الله براك الله فيك الماكلة جات بنينة كي مولاتها انا حشمت قتلو: يسلمك و هربت نجري و كنت نسمع فيه يضحك يا يما هو صح شباب قد ادم في لعمر و شعرو و عينيه مارون ضحكتو شحال شابة و بلا مانحكي على كور تاعو و طول تاعو نبان قزمة قدامو بصح خلاص موليتش ندير لامان في الرجال كي يبقاو غير هوما ................
كنت لابسة هكا في سبوع تع بنت نهال لاخطرش كبرت سبوع و جاو لافامي سما حبيت نلبس حاجة تقليدية :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
