انا اتقبلك ناقصا لكن لا اتقبلك كاذبا و خائنا
الخيانة اصعب شي في هاذ الدنيا خاصة لما يجيك من اقرب الناس ليك بصح كاينة حاجة اسمها ان بعد العسر يسر و الصابر دايما ينال
كرونيك جديدة صح فيها الالم و الخيانة بصح في الاخير راح ربي يفرجها على بطلتنا ملاك...
لمهم فاتو يامات و روماركيت بلي اياد ولا يجي بزاف عند ادم وحد المرة كنت قاعدة في الشمبرة نلعب مع ملاك الصغيرة حتى سمعت ادم عيطلي قالي: ملاك حبيت نقولك وحد الحاجة قتلو: ادم خلاص علابالي كثرت عليكم دوك بهاذوك دراهم لي لميتهم نروح نكري كثر خيركم قالي: بلعي فمك شحال تهدري مازالك تسبقي الاحداث قالي :نتي كامل و نكرهو منك ... قالي: نورمالموتعرفي اياد الطبيب قتلو :ايه وشبيه ثاني هاذاك قالي :عجبتيه و راح حاب يتزوج بيك قتلو :ادم علابالك كرهت رجال سمحلي خويا منقدرش قالي: ملاك شوفي هو راهو علابالو كامل بحكايتك وتاثر بشي لي جزتيه راو ناوي هاذ سمانة يجي يخطبك و على شهر يدير لعرس والديه راهم فرحانين بزاف و ماذا بيهم يشوفو وليدهم فرحان نتي خمي مليح راكي شفتيه و تعرفيه ملاك انا منسيفش عليك بصح خمي بيان ماشي على جال الطحان لي ميتسماش ترفضي رجال تع صح ....اياد انا نعرفو و هاذا ناكدلك عليك بلي تخشة ماتقيسك معاه قتلو: نخمم و نرجعلك لخبر...
لمهم انا خممت مليح و قلت مع روحي بلي ادم عندو الحق ماشي على جال واحد ميسواش نحبس حياتي مزال كاين ولاد فاميليا لمهم قتلو: ادم راني قابلة و فرحلي هو ونهال بزاااف و قالي على اياد راهو طاير بالفرحة ... جازو يامات و جاو والدين اياد باه يديرولي لخاتم و يفتحو امبعد العقد قبل العرس بيومين لبست و مكييت خرجت توب هو قاعد غير يخزر فيا عينيه منحاهمش والديه هايلين هو عندو يماه و باباه و 2 خاوتو محمد واسلام و هو ثالث و عندو 3 خواتاتو كاتيا و اسماء و ليندة و كامل متزوجين بقى غير هو.... كنت لابسة طايور بيض امبعد لبست غوب سواغي امبعد ختمتها بالقفطان لاخطرش درت فيونساي قبالة محبش يطول بزاف :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
