ياسر وماجد ووليد كلهم بقو متحيرين يتصرفو كيف قام ماجد قال ليم انا عندي فكره رهيبه✋
ياسر: اها قول فكرتك
ماجد: شوفو نحنا اول شي لازم نسافر البلد بس مافي زول يعرف اننا جاييين بخصوص فاطمه وممكن من تحت لي تحت نسال عن اهلها بس من غير م زول يحس لانو اكيد حيكونو بفتشو فيها✋
ياسر قلب الفكره في راسو وقال: لالا ياخ هي يادوب هربت يعني اصلا البلد م حيكون فيها سيره غير فاطمه وانها هربت نحنا نمشي هناك نظام سياحه وانا باجر لي شقه نقعد يومين لو سمعنا شي بنقدر نوصل للباقي لو م سمعنا شي يبقي نفتش نحنا بي اجتهاد✋
وليد : ي جماعه اسمعو م ممكن طوالي كدا نحنا نمشي من غير مقدمات عشان نسال من بت م عارفين كلامها دا صح ولا غلط انا بقترح نتريث شويه ونفهم من البت نفسها وناخد تفاصيل اكتر عشان نقدر نوصل ونعرف هل قصتا دي حقيقه ولا كذب ؟!
ياسر : والله كلامك صح خلاص نحنا نصبر اسبوع بالكتير وانا بحاول افهم البت دي لكن قعادا في بيتي موترني والله لو عارف من الاول دا الحيحصل م كان وقفت العربيه 😑
بس الحمدالله دا امر الله ومافي شي بحصل ساي اكيد في سبب ورا الموضوع دا وحكمه من ربنا✋
بقو يتونسو ويتناقشو للساعه ٣ ص وبهناك فاطمه نايمه نوم الفطايس 😂😂😂
ياسر: ي جماعه انا يعد كدا امشي البيت✋
امجد: ياسر انت كيف بتنوم وفي بيتك في انثي😂😂😂
ياسر: انثي شنو والله انا انثي اكتر منها البت دي مافيها زره من الانوثه كدا عليك الله😂😂✋
وليد: عاين نحنا عايزين نشوفا للزمن😂
ياسر: بكرا أن شاء الله بكرا
ياسر استاذنهم وماشي علي البيت واتذكر انو ليو زمننن م اتصل علي امو طوالي رفع سماعه التلفون واتصل عليها اول جرس تاني جرس م ردت تالت جرس ردت وشكلها كانت نايمه:الوووو
ياسر: ي امي ازيك
(ام ياسر اسمها اجلال عمرها ٥٠ سنه بتحب ياسر شديد وما عندها ولد غيرو ولد فوق ٣ بنات وحلم عمرها تشوف ياسر متزوج بس عندها مشكله انها انسانه طبقيه جدا م بتحب الناس الوضعهم قليل لانها طول عمرها عايشه في عز)
اجلال: ياااسر ي ولدي لي طولتا من امك كدا يخص عليك😖
ياسر: اعفي لي ي امي والله انشغلتا في الشغل وما لاقي طريقه لي اي حاجه😖
اجلال: الله يعينك ويحفظك لي ي ولدي كيفك انت وكيف الشغل وكيف منار؟!
( طبعا ام ياسر بتحب منار جدا وهدفها الوحيد انو ياسر يتزوج منار لانها من مستواهم الاجتماعي وكل م يتصل عليها ياسر لازم تجيب سيره مرام هانم😒)
ياسر: كووويسه ي امي الليله كانت معاي وبتسلم عليك❤
اجلال: م قربتو ي ولدي 🙄
ياسر: ي امي تاااني نفس الموضوع انا متصل عليك عايزك تدعي لي واشيل عفوك بتفتحي نفس الموضوع لي💔
اجلال: لكن اسوي شنو ولدي العود الوحيد نفسي افرح بيك ي يسوري حبيبي😫
ياسر: الله يسهل ي حجه ابوي كيف واخواتي كيف انتو كويسين؟!
اجلال: الحمدلله انا كويسه وابوك نازل السودان بعد يومين❤
ياسر: شنوووو ابوي نازل السودان لالا م ينزل 😨😨 اقصد نازل لي يعني الجايبو شنو ي امي
اجلال: اجي ي ولد مالك مخلوعه كدا ابوك عندو شغل مع عمك وجاي يتمو مالك بتتكبكب كدا م تكون مسوي ليك مصيبه ي ولد😧😧
ياسر: لالا مصيبه شنو بسم الله بس اتفاجئتا لانو م قال انو نازل يعني وكدا المهم يجي بالسلامه الدار يرحب بيو😨
اجلال: والله انت اصلك م مطمني علي العموم انا مرسله ليك كم حاجه مع ابوك يارب يعجبوك❤
ياسر طبعا ولا مركز مع كلام امو لانو ما عارف حيتصرف مع ابوهو كيف لانو بنزل معاهو في. الشقه 😨
ياسر: ي حجه م بتقصر يلا تصبحي علي خير وسلمي علي اخواتي😧✋
ياسر بقي سايق العربيه وكل تفكيرو يتصرف كيف مع فاطمه وخصوصا ابوهو بعد يومين نازل يؤديها وين البت دي 😫😫😫
مصيبه شنو دي ي ياسر الوقعت فيها نفسك انت ناقص مشاكل مع ابوك😧
وصل الشقه وبقي شايل هم الدنيا فوق راسو بت م بعرف عنها حاجه قاعده في غرفتو جوه وبت تانيه م عارف نوع العلاقه البتجمعم وشغل وضغط غريب😖
فاطمه حست انو ياسر جا لبست عبايتا وطلعت قالت ليو: انت جيت🙂
ياسر بي زهج: انتي شايفه شنو!!؟
فاطمه استغربت من اسلوبو قالت ليو : شايفه انك جيت😑
ياسر: ادخلي عرفتك بالله انا م ناقصك ✋
فاطمه بزعل: انت لي بتتهزج فيني كدا ولا عشان قاعده في بيتك هااا😦😦
ياسر قام من مكانو وقرب من فاطمه وعروقو دي ظاهره من الغضب ومسكا من كتفها قال ليها: اتزهج لي حق اتزهج اذا في وحده في بيتي قاعده م عارفه ليها لا اصل ولا فصل ومشيلاني هم وما عارف ياتو مصيبه وراهو ولا يمكن قاتله ليها زول بجد وبقي يقرب وشو منها شديد ويضغط علي يدها وكمل كلامو: انتي ظهرتي لي زي القدر وانا م عندي اعتراض احسن تقعدي في البيت دا بي احترامك لين م اشوف ليك صرفه فاهمه ولا لا😠😠😠😠😠.
فاطمه بقت تعاين ليهو وخافت منو شديد ودموعا دي جرتتتت وبقت تبقي وهو يعاين ليها😠😠😠
ياسر: اسمعي هنا دموعك دي م بتنفعني نهائي هسي اصدقك كيف وريني انتو لو في مكاني حتصدقيني عايني ي بت الناس تدخلي الغرفه دي م تطلعي منها نهائي دا بيتي ودي قواننيني عاجبك اهلا وسهلا م عاجبك امشي الرصيف الكنتي قاعده فيهو انا م ناقص مشاكل فاهمه ولا لا😠😠😠😠
فاطمه بصوت مبحوح وبتبكي: فاهمه😖😖💔
لزاها دخلها الغرفه وقفل الباب طاااخ فاطمه قعدت في الارض وبقت تبكي مشت اتوضت وصلت ركعتين وبقت تدعي : ياررب انا م عندي مكان امشيهو وانت عارف انا م غلطتا يارب ساعدني 😭😭😭😭
ياسر دخل غرفتو ورمي نفسو في السرير جزمتو م قلعا وبقي يعاين للسقف ويفكر ياربي انا لي اتعاملت معاها كدا هي م عملت لي حاجه وهي م جبرتني اخدها معاي البيت 😔 والله غلطتا في حقها هسي زاتو شكلي شين بقي اعتذر ليها ولا اعمل شنو وبقي يفكر لين م النوم غلبو ورقد نام
بهناك فاطمه م نامت نهائي والليل كلو بتفكر تمشي ولا لا قامت تاني صلت صلاه استخاره وقالت البحكم بيو ربنا انا راضيه بيو😔😔
بقت قاعده في المصلايه والف فكره وفكره تجي علي بالا بين انها تطلع تخلي ليو البيت وبين انها تقعد 😔
طلع الصباح وفاطمه م نامت وياسر لي هسي م طلع من غرفتو وهي ببقت حابسه نفسها في الغرفه .
ياسر بين نايم وصاحي سامع تلفونو بتصل بس جسمو تعبان ومرهق شديد جا يقوم جاتو لفه راس طولي قعد في السرير وحسي بي جسمو مسخن وعيونو واجعاهو جدا بقي ينادي بصوت عالي ي فاااااطمه فاااااطمه 🔊🔊
فاطمه كانت في غرفتا سمعتو ابت تطلع بس بعد م كرر تاني فاااطمه دي جات جاريه خوفه ساي😂😂💔
دقت باب الغرفه قالت ليو في شنو ؟!
ياسر: ادخلي ي فاطمه
فاطمه: ادخل لشنو م داخله غرفتك ولو عايز مني حاجه والله اقتلك 😭😭😭
ياسر:. ي بت ناس م داير منك حاجه تعالي ناوليني تلفوني دا؟!
فاطمه حست انو صوتو تعبان وقالت سجمي 😨😨 م يكون حيموت كمان 😂😂😂😂 طبعا بتهول المواضيع بطريقه عويره😂
دخلت فاطمه لقتو نايم في السرير ولابس نفس ملابس امس والمكيف شغال والغرفه بااااارده تلج 😨😨
فاطمه: سجمي انت قاعد في البرد دا كيف م بتبرد😑
ياسر: فاطمه بطلي كلام كتير اديني تلفوني انا م قادر اقوم تعبان جدا😦
فاطمه: واقفه في الباب تعاين ليو وتعاين للتلفون😂😂
ياسر: فاااااطمه بتكلم معاك اديني التلفون قلت ليك😠😠
فاطمه جرييي شالت التلفون ادتو ليو ياسر طوالي مسك التلفون واتصل علي وليد وفاطمه بقت واقفه تسمع بقول في شنو🙄🙄
ياسر: وليد انا شكلي عيان تعبان شديد م قادر اقوم من سريري في ورق في المكتب وقعو لي وسلمو للشركه المتعاقدين معاها وتعال لي البيت جيب لي مسكن ولا اي حاجه بطني واجعاني شديد😫😫😫
ياسر قفل السماعه ولقي فاطمه واقفه بتعاين ليو بي غباء كدا🙄🙄
ياسر: هيييي انتي لسه واقفه بتعملي في شنو امشي يلا من هنا😑😑
فاطمه انتبهت ليو وسالتو السؤال الغبي😂😂😂😂: انت عيان 🙄
ياسر: لا حول ولا قوه الا بالله اللهم طولك يا روح ي بت انتي شايفه شنو هسي انا كنت بقول لي صحبي شنو😠😠
فاطمه ارتبكت وحست بي سؤالا الغبي😂😂😂
قالت ليو طيب انت محتاج حاجه🙄
ياسر: اي محتاج انك تطلعي من الغرفه وتقفلي الباب والنور وتنزلي لي الستائر دي وتاني م داير حاجه ممكن ولا صعبه؟!!!
فاطمه: 🙄 طيب م عايز اكل ولا اي حاجه يعني وبعدين انت من امس م غيرتا🙄
ياسر: فاااااااطمه اسمعي الكلام ياخ م تزيدي تعبي ي بت الناس😠😠😠
فاطمه جري قفلت الستاره وقبل م تطلع قفلت المكيف🙄 وياسر يعاين ليها ساااي طبعا م قادر يكتر في الكلام 😑
وجات جمبو قالت ليو لو استحميت بتبقي كويس 🙄 وختت يدها في جبينو🙄 هنا ياسر جسمو كلو اتكهرب وحسي انو يدها دي أبرد يد في العالم م كان نفسو تشيل يدها نهائي قلبو دا بس بقي شغال دق دق دق😂😂😂 زي الشفع لمن يعملو مصيبه😂
فاطمه: سجمي انت محموم عديل خليني اجيب ليك فوطه مبلبله تنزل حرارتك دي😦😦😦
ياسر بقي يضحك وقال ليها : فوطه شنو ي فاطمه امشي عليك الله ببقي كويس بعد شويه جايني صحبي بس افتحي ليو الباب وخليو يدخل لي الغرفه وانتي م تطلعي نهائي فاهمه؟!
فاطمه:, لشنو م اطلع وكيف حفتح الباب🙄
ياسر: فاطمه ركزي وافهمي الكلام لمن يجو دخليهم غرفتي وانتي م تجي بي جاي بس مفهوم ولا لا؟!
فاطمه : طيب مفهوم 😑😑
فاطمه طلعت دخلت المطبخ عملت لي ياسر عصير وفطور خفيف وقالت تديهو ليو دقت ليو الباب م فتح قررت تدخل طوالي🙄
لقتو نايم وظاهر عليو مضايق ونفسو م منتظم بقت تقول ليو ياسر🙄 يا ياسر🙄
ياسر بين م واعي شديد قال ليها هممممممم😒
فاطمه: سويت ليك فطور وعصير اكل يمكن تتحسن 🙄
ياسر م ردا عليها جات تحط يدها علي جبينو لقت حرارتو مرتفعه اكتر من اول😨😨 قالت الليله مالو م يموت لي هنا😭😭😭
شالت هم عديل😂😂
عايزه تشيل يدها ياسر مسكا😨😨 وبقي يهضرب يقول ليها خليكي جمبي انا تعبان شديد😔
وبقي ماسك يدها شديد 😧
فاطمه لونها بقي الف لون محل تؤدي وشها وين م عارفه هسي كان خبتتو وهو عيان كدا م بموت😭 الله يجازي حظك ي فاطمه
#يتبع
