فاطمه بقت لافه في الشوارع وتسأل من باصات ترجعا كسلا وكل زول يقول ليها مكان الموقف بقت محتاره حتسافر كيف وهي قرش م عندها تسافر بيو لما طلع عليها الصباح تعبت من المشي والجو كان بارد وكان يوم 31/12 راس السنه
الساعه كانت 9 فاطمه لقت ليها وحده في الشارع سالتا قالت ليها : لو سمحتي عايزه تلفون اتصل لو عندك مقطوعه وما عندي تلفون لو اتكرمتي مكالمه وحده بس😔
البت عاينت لي فاطمه وقالت ليها خلاص حاضر بس بسرعه اوك🙂
فاطمه شالت تلفون البت وطلعت الورقه الفيها رقم راجل خالتا سليمان واتصلت 🙂 في الاثناء دي جات عربيه كبيره رينج روفر وقفت للبت وكان فيها ولد ماشاء الله جميل تقول يبقي لي سيدنا يوسف استغفر الله😂😂😂😂💔
البت سلمت عليو وفاطمه تكشف بس🙄🙄
والتلفون حلف م بدخل م فاطمه شبكه نهائي ماف اصلا تلفون راجل خالتا دا فقر😑😑😑 فاطمه اتغاااظت ومشت للبت قالت ليها شكرا ومدت ليها الجوال✋
الولد شاف فاطمه😍😍😍😍 عجبتو سال البت قال ليها دي صحبتك🙄
البت ردت عليه لالا م صحبتي كانت عايزه تستعمل تلفوني قالت مقطوعه ولا شنو كدا 🙄
فاطمه كان في مظله ورا مشت قعدت فيها وبقت خاته يدينها بين راسا وهم الدنيا كلو فيهو😔
بعد شويه حست انو في يد اتختت في كتفها😨😨 اتخلعت ورفعت راسها لقتا دي البت القبيل البت اتكلمت طوالي وفاطمه لاحظت انو العربيه لسه واقفه🙄
البت: ازيك انا هبه ودااااك اخوي انتي محتاجه مساعده؟!
فاطمه عاينت ليها واتذكرت انها اخر زول ساعدا حبتو واتهانت شديد من صحبتو فا م حبت تطلب من زول مساعده تاني😔💔
فاطمه: لا ابدا شكرا لكي م قصرتي
هبه: ولو بس انتي ساكنه وين لو حابه نوصلك🙂
فاطمه: انا من كسلا وما ساكنه في مكان 🙂
هبه: كيف يعني. انتي جيتي من كسلا يادوب😨
فاطمه: ايوا فاطمه طوالي قامت وكانت عايزه تمشي بس هبهه قالت ليها طيب انتي عندك منو هنا🙄 انا م قصدي اطفل عليك بس شكلك بت ناس ولما قلتي مقطوعه قلت اساعدك انا والله صدفه الليله وقفت هنا واشرت علي عربيه قطع الزلط قالت لها شايفه العربيه ديييك حقتي اتعطلت يعني اكيد م حيكون ساي انها تتعطل دي حكمه من ربنا يمكن عشان اساعدك🙂
فاطمه اتاثرت بكلام البت وقالت ليها : انا فاطمه اسمي فاطمه🙂
هبه: طيب ي فاطمه لو احتجتي لي حاجه دا رقمي ممكن تتصلي علي في اي وقت انا زي م قلت ليك اسمي هبه وداك اخوي اسمو طلال🙂
البت ادتها كرت وقرت فيهو انو هبه دكتوره اسنان وكدا هبه كانت ماشه بس فاطمه وقفتا قالت ليها : لو سمحتي ممكن لحظه🙂
هبه قالت ليها اتفضلي 🙂
فاطمه اترددت بس مافي حل في يدها غير كدا قالت ليها انا عايزه مكان ابيت فيو الليله وبكرا بطلع افتش شغل من الصباح بس عايزه يومين اتنين لين م الاقي لي مكان اقعد فيو🙂
هبه ردت ☺ طوالي ي فاطمه تعالي اقعدي معاي انا و طلال عندنا شقه ممكن تقعدي معانا زي م حابه نحنا اهلنا مستقرين برا البلد ونحنا م حبينا نخلي بلدنا انا بحضر للماستر وطلال عندو بزنز خاص هنا☺
فاطمه: م قصرتي بجد 🙄
هبه: ارح طيب حخلي اخوي يوصلنا فاطمه طبعا عندها ميزه لما ترتاح للحاجه بتتوكل علي الله وما بتخاف المهم مشت ركبت في العربيه وطلال كل شويه يعاين ليها بالمرايه🙄
وصلو شقه جميله طلال نزلهم وقال لي هبه:اتصلي علي الصيانه يصينو ليك سيارتك وانا راجع الشغل برجع متاخر الليله🙂 اتلفت لي فاطمه وقال ليها بي ابتسامه نورتي ي فاطمه 🙂❤
( طلال ولد طويل طوله 184 لونه قمحي شعرو ناااعم وعندو لحيه ومعضل😌😌 عمرو 31 اكبر من ياسر) اما هبه كانت( قصيره عكس اخوها محجبه وكانت لابسه عبايه خليجيه بالابيض والبني لونها قمحي وعيونها عسليه❤.
هبه: فاطمه معليش البيت جايط شديد يعني عارفه انا بكون مشغوله مع الجامعه وكدا م بكون عندي وقت اعمل حاجه الا في الويكند 😂😂😂
فاطمه: لالا عادي كل الناس عندها ظروف😂
هبه: شوفي ي فاطمه هنا في 3 غرف وحده حقت طلال ووحده حقتي ووحده كنا محضرنها لي اخوي كان جاي بس سافر ماليزيا يقرا هناك ف ممكن تستعمليها ❤
فاطمه: ماشاء الله عندكم كم اخ انتي🙄
هبه بمرح وهي مبسوطه عشان لقت بت تتونس معاها😍😍: انا عندي ٤ اخوان بتين وولدين😍 وكلهم مستقرين مع ماما وبابا بس انا صممت ادرس طب هنا❤ وطلال م حبا يخليني واصلا هو من زمان كان عايز يعمل مشروعو هنا ❤
المهم م ادوشك بالكلام ادخلي ارتاحي والمسا نحكي وتحكي لي قصتك ولي جيت الخرطوم اوكيه😍
فاطمه فجاءه حست بالحزن واتذكرت ياسر وقلبها بدا يوجعا وحلقها دا اتسدا من الزعل😔 قالت ليها : أن شاء الله ❤
نرجع لي ياسر🚶🚶🚶
ياسر صحي من النوم محبط شديد وحاسي انو كل حاجه حلوه اخدتها فاطمه بس قرر انو م ييأس وانو يفتشا ولو بقي اخر نفس في عمرو❤
قام نزل شنطه من فوق الدولاب حطي فيها قميصين وبنطلونين جينز وكم حاجه وشال الخاتم حق فاطمه علقو في دلايه المفاتيح حقتو ❤
مشي صحي ابوهو قال ليهو: ي حاج بعد كدا ممكن نتحرك لان الزمن حيتاخر☺
عبدالله: والله ي ياسر حيرتني الليله عديل مالك متحمس للسفر اكتر مني كدا😨
ياسر: ساااي بس زهجان ونفسي اغير جو ولا الموضوع م عاجبك ي حاج☺
عبدالله: معقول ي ولدي دا انا يسعدني انك ترافقني في دربي🙂 . جوال ياسر اتصل وكانت المتصله منار فصل الخط وابوهو لاحظ قال ليهو دا منو 🙄
ياسر: م زول مهم رقم مجهول ي ابوي يلا قوم اجهز عشان نتحرك☺
ياسر كان عندو امل كبيير انو حيمشي كسلا ويلاقي فاطمه رجعت احساسو كان بقول ليهو كدا🙄
ياسر الطريق كلو سايق ووصلو كسلا المسا عديل اول حاجه مشو المستشفي وقابلو صاحب عبدالله وأصر عليهم ينزلو في بيت سليمان🙂
دا كلو ياسر وكان نفسو بس يمشي يلاقي فاطمه قاعده هناك😔💔
الدكتور قال ليهم انو سليمان كلها ساعات ويفوق وياسر كل م يسمع اسمو اعصابو تتوتر شديد .😠😠😠😠
مشو مع شريك ابوهو وكان اسمو منتصر☺✋
منتصر بتكلم: والله ي عبدالله عاش من شافك اعفي لي ي صحبي تعبتك معاي بس انت زي م عارف اخوي راقد في المستشفي بسبب بت اخت مرتو تخيل ضارباهو بالقزازه في راسو وكان فاقد دم كتير😠😠 وهربت م عارفنها وين لكن لو لميت فيها الا اقطعا قطيع قليله ادب 😠
ياسر بسمع في الكلام وبقي يضغط علي الدركسون شديد وعروقو دي كلها بقت ظاهره من الزعل وبقي يقول في نفسو😠 بعد م ظالمنها ومسففنها التراب دي معامله دي والله العظيم طول م انا حي مافي زول حيهبشك ي فاطمه ومن خلال كلام منتصر اتاكد انو فاطمه م جات كسلا الزعل زاد شديد واعصابو اتوترت جدا اول م وصلو بيت سليمان لقي مره واقفه مسكينه وطوالي عرف انو دي محاسن❤
منتصر عرفها عليم وجرت جابت ليم المويه وحضرت ليم الغدا منتصر يقي يتونس مع عبدالله وياسر قاعد سرحان بس😔 جاهو تلفون وردا : الووو
المتصل: ي ياسر انت مشيت وين مش كنا متفقين اننا نمشي نشوف المعرض الجديد😨
ياسر: اوووو اعفي لي والله انا سافرت مع الحاج سفره طارئه والله لكن يومين ونرجع اعفي لي والله قصرتا معاك شديد🙄
المتصل: م مشكله بس بالله م. تتاخر لانو المعرض ممكن يتباع وما نحصلو🙂
ياسر : لالا أن شاء الله يومين اتنين وبكون في الخرطوم🙂
ياسر كان خاتي مفاتيحو في الطربيزه جات محاسن ختت ليهو كبايه عصير وشافت الخاتم معلق في المفاتيح😨😨😨😨😨
محاسن اتوترت شديد وعاينت لي ياسر وياسر بقي يعاين ليها م فهم سبب نظراتها دي🙄🙄
محاسن سالتو بصوت واطي : انت ي ولدي لقيت الخاتم دا وين😨😨😨
ياسر انبسط انها عرفت الخاتم قال ليها: والله ي خاله ادتني ليو بت عزيييزه علي لو عجبك اتفضليو🙂
محاسن: بت منو ي ولدي العزيزه عليك دي اسمها منو🙂
ياسر: والله ي خاله م عارف اسمها زاتو بس البت دي خدمتني خدمه العمر لولاها انا م كنت عايش هسي🙂
دا كلو ياسر بكذب عايز يجرجر محاسن في الكلام بس🙄
محاسن: ي ولدي وصف لي البت دي الله يرضي عليك 😔💔طبعا محاسن بتحب فاطمه شدييييد وللحظه دي هي م مصدقه انو فاطمه عملت لي سليمان حاجه ولو ضربتو بجد اكيد م خاتيه عليهو ساي لانها عارفه راجلا هي 🙂
ياسر وصف ليها فاطمه بالتفصيل حتي الشمامه الجمب عيونها وصفا ليها م خلي ولا حاجه م وصفا 🙄
محاسن قالت ليو ي ولدي والله دي فاطمه بت اختي عليك الله حلفتك بالغالي وريني طريقا البت دي مسكينه وما قدر الدنيا ومشاكلا خليها ترجع وهي حتكون في حمياتي 😭😭😭😭 محاسن بقت تبكي وما عارفه اتصرف كيف ياسر حكي ليها كل حاجه من الالف للياذ وانو سليمان كان بتحرش بيها طبعا محاسن طوالي صدقتو لانو سليمان عندو مواقف كتيره غير اخلاقيه يعني معروف😔😔💔
ياسر قال ليها انو بالصدفه طلع اخو شريك ابوي وانا اتصلت عليكي قبل كدا وكنت عايز اطمن الوقت داك فاطمه كانت قاعده بس هسي م عارف دربا ونا كان عندي امل انها تكون رجعت ليكم😔
محاسن: ياريت ي ولدي والله لو جات مافي زول يسالا بس نقول شنو الحمدالله😔
محاسن بتثق في فاطمه شديد وعمرها م قللت ثقتها ودا الخلاها تصدق قصه ياسر وانها قعدت معاو كم يوم وانها العمر دا كلو كان بتتعرض للمضايقه من زوجها سليمان 😔
كان نفسها الزمن يرجع لي ورا عشان تحافظ علي فاطمه امانه اختها😔
محاسن. سالت ياسر: بس انت ي ولدي مالك مهتمي بيها كدا🙄
ياسر: انا عايز اتزوج فاطمه ي خاله محاسن☺
محاسن اتخلعت وما صدقت وفرحت شديد بس يتزوجا كيف وهم م عارفين ليها طريق😔
ياسر اتذكر انو فاطمه عندها رقم سليمان واكيد حتتصل عشان تعرف الحاصل شنو
كلم محاسن انها تديهو التلفون اليومين ديل وممكن فاطمه تتصل🙂
سليمان فاق وقالو وضعو مستقر وطوالي منتصر وعبدالله وياسر مشو المستشفي 🙂
ياسر ساق معاهو محاسن في عربيتو اول م شاف سليمان قربت يكفتو😂😂 بس طبعا م حيقدر لانو ابوهو واقف مشي سلم عليهو وقال ليهو في اضانو : فاطمه قالت عليك المره الجايه فيها موتك🙂
سليمان وشو دا اتلون الف لون وخاف عديل انو دا منو ويعرف فاطمه من وين😨😨
#يتبع
