فاطمه م حست الا زول ماسكا وبقول ليها فاطمه انتي مالك في شنو فاطمه😫😫😫
طلال بعد م فاطمه اتاخرت برا طلع يفقدا ولقاها واقفه لما قرب منها لقها دايخه واتخلع عليها شديد بقي يحاول يفوق فيها وفاطمه م نطقت ولا حرف طلال شال فاطمه وجرا بيها المستشفي🚶🚶🚶💔
بهناك ياسر سايق العربيه ا بسرعه شديييد ودموعو بحاول يمنعا بس م قادر رفع سماعه التلفون واتصل علي منار قال ليها تعالي لي في شقتي✋ وقفل الخط واتصل علي واحد صحبو قال ليو انا حمر عليك عايز لي اي حاجه اشربا زهجان وما تقول لي ماف انا هسي حمر عليك 😠😠✋وصل الشقه وقفل الباب طاااخ وقعد في الكنبه خت يدينو علي راسو وبقي يتكلم مع نفسو : انا ي فاطمه انا الحبيتك وفتشتك انا الكنت مستعد ابوس التراب الانتي ماشه فيهو وجعتيني شديد وجعتيني ي فاطمه لي عملتي كدا ليييي😠😠😠😠😠 وشال الزهريه القدامو كسرا في الحيطه وبقي يتنفس بسرعه ويبكي عليها قعد في الارض بقي حاسي انو قلبو موجوع شديد والدنيا كل مره بتظلمو بس قرر م يخليها فاطمه حقتو مستحيل تكون لي غيرو 😭😭😭😭
جاب كبايه وكل شويه يشرب من القزازه بقي غايتو واقف لط الا خط😂😂😂😂😂✋💔
بعد ساعه جات منار لقت الشقه عليها حاله بطاله وبقت تسال ياسر الحاصل شنو ياسر كان شارب كتير وما واعي ليها وكل شويه يقرب منها ويقول ليها فاطمه حتعرس ي منار وحتخليني😥😥
منار عرفت انو ياسر شارب وطبعا هي خسيسه استغلت الفرصه😑😑😑😑
بقت تتقرب منو وشويه تحضنو وشويه هناي م بعرف شنو المهم قليله ادب😑😑😑
ياسر كمان مع سكرتو ديك يعمل اي حاجه ومنار مبسسوطه انها مع ياسر 😌😌
لين م دخلت الغرفه وقفلت الباب😌😌
نرجع لي فاطمه الفي المستشفي الدكتور قال ليهم شكلها مرهقه م اكتر او متوتره من حاجه بس محتاجه ترتاح❤
طلال قال ليها خوفتيني عليك ي فاطمه😔💔
فاطمه م ادت اي اقوال بس قالت ليهو انا عايزه امشي البيت ارتاح😔💔
فعلا مشت وهبه معام ودخلت غرفتها عشان تنوم🚶💔😔 دا كلو وفاطمه كانت م عارفه انو ياسر بحبها بس بعد م عرفت قررت انو تلغي العقد بكرا وتحكي لي طلال كل حاجه 😔💔 وقررت انها بكرا تمشي لي ياسر في شقتو تحاول تفهمو انها افتكرت انو م بحبها وانو كانت قايله حبها من طرف واحد🚶💔😔
في نص الليل جاتا صحيه مشت المطبخ تشرب مويه لقت تلفون طلال في الطربيزه شالتو وطوالي سجلت رقم ياسر وجرت غرفتا المويه م شربتا😂🚶🚶
جا الصباح يوم العقد فاطمه قالت لي طلال عندي مشوار حمشي واجي سريع فاطمه لبست وقشرت واتصلت علي تلفون ياسر كم مره م ردا بس م ياست بعد مسافه ردا ياسر بين نايم وصاحي قالت ليو لو سمحت في ورق من الشركه لازم توقع عليو ممكن العنوان🙂❤
فاطمه لو كانت قالت دي هي م كان اداها العنوان😂✋
ياسر اداها العنوان ورجع نام وهو بين واعي وما واعي لسه بياته معاو غايتو السكره😂✋
فاطمه مشت الشقه دقت الباب منار ازعجا الصوت ومشت تفتح🙂🚶🚶
اول م فتحت فاطمه بقت تعاين ليها كدااا😨😨😨😨 لقت منار لابسه قميص من قمصان ياسر وشكلها صاحيه من النوم ومنار بقت تعاين ليها بس خساسه وقالت ليها: ياسر نايم امس كان ليلتنا كانت متعبه🙂
فاطمه بقت تكلم نفسها وهي عارفه من زمان انو منار بتاعت مشاكل اتخطتا ودخلت جوه طوالي ودخلت غرفه ياسر لقتو نايم علي بطنو وما لابس الا شورت بس😨😨😨😨😨
فاطمه بقت واقفه مصدومه وتعاين ليهو ومنار بقت تكورك فيها : انتي اتخطيتي حدودك شديد م من حقك تدخلي كدا ابدا انتي قايله نفسك شنو 😠😠😠😠
ياسر صحي من النوم اول شي شافو كانت فاطمه ودموع في عيونا وبس بتعاين ليو😟😟😟 ياسر لاحظ لي نفسو قام طوالي من السرير ومشي وقف قدام فاطمه وبقي يقول ليها : فاطمه والله انا م عارف الحصل شنو م تفهمي غلط والله م تفهمي غلط عايني لي هنا م تنزلي عينك انا بحبك انتي والله بحبك انتي 😟😟😟😟
منار أدخلت : انت كيف تقول ليها كدا طيب والحصل بينا امس دا تسميهو شنو اتت لي اناني كدا لي خلاص هي اختارت غيرك ارضي ياخ هي لو بتحبك م كان اختارت غيرك انت فاهم😠😠😠😠
ياسر عاين لي منار ومسكا من يدها وجرها برا وقال ليها : تطلعي برا ولا علي كيفك وما اشوفك في بيتني تاني والحصل بينا دا بس عشان م كنت واعي وانتي استغليتي ضعفي واصلا واضح جدا انك من النوع البياخدو منو الحاجه وبرمو اطلعي برا ي منار 😠😠😠😠👋
منار: عارف انا حطلع لانو بقيت اقرف منك لانك م راجل مع الرجال انسان ضعيف ومقزز تفووو عليك😠
ياسر طوالي اداها كف وجراها برا الشقه وقفل الباب وفاطمه بقت واقفه في الغرفه بس بتعاين للسرير وتتذكر لما ياسر مرض وهي قعدت جمبو وبقت تبكي ودموعا دي مطرر
ياسر لبس ليهو تشيرت ودخل لي فاطمه لقاها واقفه لسه فاطمه اتكلمت وقالت ليو😔 كنت جايه اقول ليك اني م حقدر اتزوج طلال لاني بحبك بس الشفتو هسي خلا قلبي يوجعني اسوء شي الخيانه انا م خننتك انا مشاعري كانت ليك وطول عمرها حتفضل ليك بس انت انت عملت شنو انت اخترت منار لي ي ياسر😟💔
ياسر قرب منها وحاول يحضنا بس هي رفضت وكوركت فيو😠😠😠✋ اوووعك تلمسني انا بقرف منك شديد انت خاين وما بتنفع معاي وانا حتزوج طلال خلاص علي الاقل م بغلط غلطاتك دي وخليك انت في حياتك وانساني انسي حاجه اسمها فاطمه 😠✋
ياسر : لا ي فاطمه م حنساك مستحيل انتي م حتتزوجي طلال انتي لي ولي انا براي فهمتي😟😟😟💔 فاطمه م تعملي كدا الله يرضي عليك😟💔
فاطمه م سمعت ليو وطلعت ورسلت ليو مسج في التلفون: كنت جاياك وامل الدنيا في قلبي كنت جاياك ارجع حبي ليك واحس اني عايشه بس انت صدمتني اخترت اكتر حاجه بتوجع وعملتها م قادره اسامح ي ياسر سامحني وانا مسامحاك ولا اله الا الله خلي بالك من نفسك😟✋
فاطمه مشت وخلت ياسر خلتو للحزن والتعب ياسر انهار شديد بعدها فاطمه عقد عليها طلال وحددو العرس بعد شهر ومره الشهر وطلال وفاطمه اتزووجو ومشو شهر عسل ماليزيا وكم بلد تانيه وبهناك ياسر بقي كل هم شغلو حتي اصحابو بقي م بطلع معام حياتو بقت كئيبه شديد ومنار سافرت الامارات لي اهلها هناك .
وليد وامجد اتفقو يطلعو ياسر من الجو دا بقو كل يوم يجوهو الشقه ويتونسو معاو بس كان ياسر م بستجيب ليم واغلب الوقت قاعد في الغرفه الكانت فيها فاطمه 😟💔 مرت ٣ سنين وياسر لسه بحب فاطمه وما نساها وعمرو بقي 33 سنه وبقي احلا من زمان وحالتو النفسيه استقرت وبقي. اشهر عاذب في عيلتو امو وابوهو فترو من يقنعوهو انو يتزوج بس هو رافض وكان عندو يقين انو فاطمه حترجع ليهو وهو متاكد من الحاجه دي بس كل الفكره انها مسئله وقت 🙂🙂❤ ياسر اتفوق في شغلو شديد وبقي مشهور شديد وكل البنات حوليني بس قلبو مع زوله وحدههه بس مستحيل ينساها❤
نمشي لي فاطمه🚶🚶
فاطمه بعد م اتزوجت طلال اكتشفت حقيقتو انو لعوب وبتاع بنات وكل يوم بتكتشف فيهو مصيبه جديده مرت سنه ورا سنه وفاطمه م حملت وطلال بقي يعاير فيها ويقول ليها م قادره تجيبي لي حته ولد وفي يوم طلال جا من برا سكران طينه لقي فاطمه في وشو وقال ليها حضري لي العشا😑
فاطمه حضرت العشا م قالت ولا كلمه 😔💔 ختت ليو العشا اكل اول لقمه م عجبو الاكل قام شالو كشحو في وشها وقال وكورك فيها😠😠😠😠✋ انا زهجت منك كل حاجه م بتعرفي تعمليها لا اكل لا شراب ولا حتي ولاده م قادره تولدي وطاخ اداها كف وبقي يضرب فيها علم ليها جسمها دا كلو وفاطمه خشمها م فتحتو بعد م فشااا غضبو فيها دخل غرفتو وخلاها في الارض مرميه وشها مليان دم وبقت راقده في الارض وتتذكر ياسر وتقول ليهو محتاجه ليك ي ياسر بس اعمل شنو م بقدر اجيك انا بتحمل نتيجه قراراتي😔💔 ونامت فاطمه في ارضها ديك😔💔
طلال صحي الصباح ولقاها نايمه في الارض وقال بقي يعتذر ليها😑😑😑😠 يدك تتشلا شحتا ربي 😑
فاطمه طبعا حتسامحو تعمل شنو م عندها حل غير كدا واستمر المنوال علي هذا النحو كل يوم يجي بالليل سكران يضرب فاطمه ويشيل العايزو ويقبل وينوم يخليها😔💔 فاطمه حالتا النفسيه ادهورت وبقت م قادره تسستحمل القرف دا😔😔💔 في يوم طلال جا وفاطمه قالت ليو عايزه اتكلم معاك😔💔
طلال: عايزه شنو😒😒
فاطمه: عايزه اطلق😟
طلال وقف علي حيلو وقال ليها شنوووو😠 عايزه تطلقي علشان تمشي لي ياسر صح قايلاني م عارف لا انا عارف كل حاجه وعارف انك مشيتي ليو شقتو قبل العرس عارف وساختك ونزل فيها ضرب وبقي يتكلم قايلاني بقيت اكرهك لي انا عرستك عشان انتقم من خيانتك لي تحبي واحد تاني وتعرسيني لي وريني واحب ابشرك قصه راجل خالتك زاتو م مصدقا اها انتي وحده كذابه علي فكره وطلاق ما حطلق تحلمي بيو حلم واحمدي ربنا انو لاقيه بيت يلمك وراجل مستحمل وسخك😠😠😠👋
فاطمه بقت مصدومه من كلام طلال زوجها الضرب شديد وقررت انها تطلع تخلي ليو البيت😟 م عندها وحل بالطريقه دي حيموتا😟😟😟💔
طلال اخد ليو زي شهر كل م يطلع يقفل فاطمه بالمفتاح وشال منها جوالا ومن م هبه سافرت بقي م بطلع نهائي زي الكان بطلعا عشان بس هبه م تشك فيو😔💔 مرت شهور وطلال حابس فاطمه في البيت في يوم جا سكران طينه نسي يقفل الباب وجا زهجان دقا ليك فاطمه دي دق العيش ودخل غرفتو بس فاطمه لقتا ليك فرصه جرت لبست ليها توب وشبشب وشالت قروش وجري علي الشارع😭?😭😭😭💔 م كانت عارفه تمشي وين بس المهم تطلع بقت ماشه في الشارع وتبكي وفجاءه ياسر جا في بالا😟💔 م عارفه بعد الوقت دا حيكون في شقتو ولا لا بس قالت تمشي أن شاء الله تسلم عليو بس😟💔 فاطمه مشت وجسمها كلو واجعا وووشها دا كلو معلم من الضرب وصلت شقه ياسر بين متردده وخايفه يكون يتزوج وتدخلو في احراج😟💔
بس اتوكلت علي الله ودقت الباب الساعه كانت ٣ ص ياسر بين نايم وصاحي سامع الباب واستغرب منو الجاي زي الوقت دا وفاطمه الوقفه غلبتا وجسمها كلو بقي محموم وما كان نفسها غير انها تشوف ياسر وبس😔😭
ياسر قام وهو ماشي علي باب جاو احساس غريب
#يتبع
