A LOVE SO BEAUTIFUL Tagalog FANFIC 1 OUT OF 3 SEASON 2 [ON-GOING]

EPISODE 25 - 30

EPISODE 25

Wu Bo Song's POV

Two months na pala ang lumipas mula no'ng kasal nina Jiang Chen at Xiao xi. Umaattend lahat halos ng classmates namin sa highschool, maging ang teachers at director ng Chen Xi High.
Hindi akalain ng lahat na silang dalawa ang magkakatuluyan.
Personal na inabot mismo sa akin ni Jiang Chen ang invitation para sa kasal nila. Pinuntahan niya ako sa bahay. Hindi ko mapigilan ang ngumiti nang may pait.
“Alagaan mo siya.” Yon lang ang nasabi ko kasabay ng kanyang pagtango.
Napakasuwerte mo, Jiang Chen. Ang tanging babaeng pinakapangarap ko ay sa'yo pa rin napunta.
Ginawa ko naman lahat para mabaling sa akin ang pagtingin ni Xiao xi. Umpisa pa lang ng pagkakaibigan namin, pansin ko na ang pagtingin niya sa'yo.
Kaya nga naiinis ako minsan kasi, binabalewala mo ang kaibigan ko na kalaunan, itinitibok na pala ng puso ko.
Masakit sa akin dahil ni hindi ako naging pangalawa sa puso niya. Ikaw at ikaw pa rin ang kanyang nakikita. Ni hindi niya ako kayang mahalin kailanman.
Noong nagpaalam ako sa kanya nang tuluyan. Walang gabing hindi ako umiiyak bilang lalaki kasi, ang sakit-sakit. Akala ko, kapag naging sincere ako, maaabot ko na siya pero sobrang layo ng pangarap ko.
Kaya isa na lang ang hinihiling ko. Pasayahin mo siya at ingatan.
Huwag na huwag mo siyang iiwanan at sasaktan ulit.
Hindi niya deserve iyon dahil napakabuti at maalaga niyang babae, Jiang Chen.
Mahalin mo siya nang tama dahil ako, kahit patago, mahal ko pa rin siya at hindi na iyon magbabago pa.
Nag-iisa lang si master sa puso ko.

EPISODE 26

Wu Bo Song's POV

Gusto kong pabagalin ang oras nang araw na iyon. Ang araw kung saan magwawakas ang mumunting pag-asa ko.

Sinundo pa ako ni Lu Yang sa bahay at niyakap.
Parang alam niya na agad ang bigat na nararamdaman ko.

Ako ang best man sa kasal nila. Gusto ko sana si Lu Yang na lang ngunit ang gusto ni Xiao xi ay ako dahil bestfriend niya raw ako. Wow, ang sakit.

Hindi man ipakita ni Jiang Chen, alam ko na masaya niyang hinihintay ang kanyang bride. Sa puntong iyon, hiniling ko na sana ako na lang si Jiang Chen. Maghihintay ako gaano man katagal basta ako na lang ang nasa posisyon niya. Sobrang kinaiinggitan ko siya.

Wala na akong nagawa kundi pagmasdan ang pagmamartsa ni Xiao xi sa aisle.
Napakaganda ng bestfriend ko.