جسد انثى 🔞🔞 الجزء الاول

بارت ٢

جسد انثى ... الجزء الاول ....

زينب علي .......

.
..................

بصوت عالي واحس روحي فاقده نفسي . .
طلعت لميت الجوارين يمعودين لحكونه التمت الجوارين داير مدايرنه
يمعودين يهل الرحم ساعدونه يا ناس يا عالم اجو طلعو بابا من كومه الانقاض ما بي شي صاحي خذو للمستشفى وهناك متوفي ...
.
.
.
سوده عليه شوكعك يلحايط يلغبرك ما وكعت عليه وخلصتني من هلعيشه المن خليتني . بلفاتحه واباوع لخالتي تخوزر من بعيد جنها خطار مو تكول بت اختها طبعا اني شفتها بفاتحته امي . وهسه اجتي مدري شلون يشتمون الريحه . تشرب الماي بعنتكه والكلينس تمسح بي وتشمره . اباوعلها ودمي يفور ....
.
خلصت الفاتحه واني حيل ما بيه اجتني يلا خاله لمي حويجاتج وكومي وياي ....

رسل : ليش خير ....

تخوصرت وكان هيه مجبوره : وين تضلين ...

رسل :  ابيت ابويه . شوفي يوسعنه وما بجاحه احد ....

صاحت  : وينه  ابوج .. يلا سدي حلكج وامشي ...

اكلج ابيته ابيته اضل ما تفتهمين ...

فوكاها شصلافتج ...
حايطكم واكع مدكدك بلبسامير بوصل هيج واحد يكله يطب عليج . وننفضح فوك فضايح امجن ...

رسل  : ما حد يطب . وكافي تجريح وتكلبين دفاتر عتك ...

خالتي : اكلج لا تعاندين كومي وصيري خوش مره ...

صح جان الهم هواااي بس جان عندي ايمان برب العالمين يوكفلي . ولازم اصير شجاعه لان ان لم تكن ذئبا اكلتك الذئاب ....

وقررت اخبز واعتمد على روحي : اني ما اطلع منا ...

.

اسمعي لج حجي مالي خلك اخلي ولدي يسحلوج سحل . اصلا ما ريد جيتجن تهرمن مثل امجن بس شنسوي الناس تاكل وجهي ...

لا صدقه روحي بابا ميتين عليج ...

ضربتني راشدي فرت وجهي فر : حتى تتعلمين بعد شلون تحجين وياي ...

اجه خالي رسوله خالو صيري عاقله واخذي اختج وروحي او تجين وياي البيت يتأجر ويجيج مصرفج ...

..

ولد خالي فاضل مسقطين كلششش معروفين بلفجور واني اخاف منهم . جان عمري ٩ سنوات من ابنهم تحارش بيه واله شويه جان سواها وياي . لو ما امي تلحكه وبوقتها دكتني دك لسه من اذكره اخاف امشي كدام واحد ...
.
.
خالتي : اذا مترحين اخذ مريم وانتي ضلي وحدج هنا مثل البومه ....

رسل : اروح وي خالتي بس مالها شغل بيه ولا بختي نطب نطلع انام ناكل ...

عصبت خالتي :  تهرمن بعد نسيتيها ....

اني عطت وهي عاطت وكبت بيناتنه ...

وخالي يصيح وكلها تحجي ....