جسد انثى 🔞🔞 الجزء الاول

بارت ٥

جسد انثى ...... الجزء الاول ....

زينب علي . .....

..............

كلش ضجت من وضعي ومن خالتي ومن البيت كلش حسيت نفسي متت قهر بس شسوي . وهاي مريم الي اشوفها تنسل كبالي .
.
.
اجتني خالتي  وهيه فرحانه :  مريومه خاله جايج واحد يستاهلج والله ...

ضلينه صافنين ثنينه وحده بوجه الثانيه . لحد ما استوعبت الي كالته : شنو خاله انتي شتحجين ...

باوعتلي بطرف عينها وهيه تخزرني : انتي مالج شغله ولي منا . وبعدين انتي احسابج ..

نبيت عليها بصوت عالي واني طافره اريد اخنكها : لا بله . مالي شغله مالي شغله شنو . هاي اختي . غصبا ما على الكل . غصبا ما عليك . والله اذا اجو لو فكرتي تزوجيها اكلب الدنيا على راسج وراس الخلفج ...

خالتي : اكلي خره يا ادب سزز يا ما متربايه . غصبا ما عليج وعلى الخلفج ازوجها . اني هيج تحاجيني ...

رسل  : والله متزوجيها اله قبل ما تطلع جثتي منا .

اني احجي وي خالتي ومريم ترجف وتبجي . تباوعلي وتشهك ...
والله ما اخليج تزوجيها اله لمن اني ميته . شنو انتي من بشر . الله لا ينطيج . متشوفين دموعها . متشوفين جسمها هيه مال زواج ...

خالتي : اكلعي انتي منها وهيه تعيش سعيده ...

احس روحي احترك كلبي من حجيها
انخبصنه خبص واخذت مريم وتعاركت وصعدنه فوك صادف بيها الدنيا مغربيه . طلعت شهكت متت يا ربي شوف النا حل وجاره من هاي الجلبه . يا ربي انتقم النا منها ...

رجعت  لكيت مريم نايمه وتبجي شبكتها وكتلها متزوجين لتخافين ...

مريم بدموع سايله : وعدد. ؟؟؟..

رسل :  وعد . الي ياخذج اكص ايده كبل ليمدها عليج ...

جان بكلبي حقد مو طبيعي حسيت نفسي كبرت اول مره هيج اول مره اكبر بعمر صغير ...

مريم وهيه متملكها الخوف والرعب : شراح تسوين هسه هاي خالتي كادره وخاف تنفذ الي ابالها  ...

رسل : ماعليج انتي حبيبة . نامي وخليها وراي ...
اني فكرت بيني ما بين نفسي اخذ اختي وافلت بيها بنص الليل واشتكي عليهم . والبادي اضلم ...
.
.
.

لليل كووولها نامت .....

كمت تسحبت على كيفي وكعدت اختي : مرايم . كومي حبيبتي ...

صحت بعيونها المنفوخه من زود البجي  : وين  ...

جريت ايدها : كومي خل نهج ...

مريم : وين رسل وين نروح ؟؟؟

خايبه دكومي محل اسأله سخيفه .كومي...