بسم الله بها نبدأ وبها نستعين على هذه الرحله والصلاه والسلام على رسول الله صلى الله عليه وسلم اما بعد:-
احبتى فى الله كلنا نعلم أن هذا الشهر هو أفضل شهر على مدار السنه
لذلك أردت انا اكتب لكم لكى أساعد نفسى واساعدكم على اغتنامه
أولا تعالوا نتفق مع بعض أن مفيش انسان معصوم من الخطأ غير رسولنا الكريم صلى الله عليه وسلم
حتى الرسل اخطائم فمثلا سيدنا يونس و سيدنا موسى لما قتل نفس بس لو ركزنا كويس هنلاقى أن بعد كل خطأ ليهم اتعلموا حاجه جديده
ديما ربنا ليه حكمه فى كل حاجه .
هتفق معاكم انهارده على حاجه كلنا هنعزم النيه على أننا نبعد عن سبب ارتكبنا للذنوب وهناخد بإيد بعض علشان نقدر نبعد عنها
اول حاجه هنعملها أن كل واحد فينا هيقوم يغتسل وبعدها نفرد سجادة الصلاه ونصلى ركعتين لله
وندعي انه يغفرلنا كل ذنوبنا ويساعدنا أن احنا نقدر نبعد عنها
ثانيا تكثر من الاستغفار والصلاه على النبى صلى الله عليه وسلم
ثالثا كل حاجه متعلقه بالذنب اللى كنا بنرتكبه نحاول أن احنا نبعد عنها فمثلا لو بشرب سجاير أحاول انى أبعد عن أى حاجه بتفكرنى بيها زى مثلا واحد صحبى كنت بشرب معاه
رابعا من انهارده نبدأ نقرأ فى المصحف حتى ولو صفحه وبعد ما نخلص قرائه ندعى ربنا انه يقوينا فى أننا نقدر نبعد عن أى حاجه بتغضبه
خامسا حاول تتصدق كل يوم حتى ولو بجنيه
دى آخر حاجه فى البارت ده وانشا الله ربنا يعنى و يعنكم على طاعته
هستنا منكم تعليقاتكم ولو حد عنده اى استفسار ولو اى حد بيرتكب اى ذنب وعايزنى انى اتكلم عنه وازاى يقدر يبعد عنه وانشا الله انا كمان هحاول انى اتكلم عن معظم الذنوب اللى بنقع فيها الأيام دى وازاى نقدر نبعد عنها
أترككم فى رعايه الله ورمضان كريم ♥
استودعكم الله الذى لا تضيع ودائعه
اهدى البارت ده لحبيبت قلبى واختى فى الله Naglaa_ebraheem
