واقف على المنبر بيخطب في ناس مهمين قوي
شاف طفلين صغيرين داخلين المسجد و ماشيين وسط الناس
ساب المنبر و نزل ... تخيل 😮 ... ترك الخطبة و نزل
أخد الطفلين و طلع بيهم تاني و قال للناس أصل أنا بحبهم و لا أصبر عليهما ❤
---------------
كان بيصلي بالناس إمام و لما سجد جه أحد أحفاده و ركب على ضهره .. وفضل ساجد ساجد .. طول قوي لدرجة أنهم فكروه مات .. و لما خلص الصلاة قال لهم ما كنتش عايز أرفع من سجودي غير لما ياخد كفايته مني 🙂
---------------
واحد من أصحابه شاف فرخة معاها ولادها
أخد ولادها في الاستخوبس كدا .. الفرخة بتدور مش لاقياهم
فضلت تجري و تكاكي 😀 ... مين اللي سمعها ؟!
هو ❤ .. بص لأصحابه و قال لهم :
" من فجع هذه بولدها ؟ ردوا إليها صغارها "
---------------
في غزوة و الدنيا حر و مفيش مياه و لازم الجيش يتحرك
مراته عقدها وقع .. فضل يدور عليه هو و أصحابه كمان
لدرجة أن الناس اشتكوها لأبيها يعني محتاجين مياه و بنتك بتدلع عشان عقد وبتاع شغل الستات دا 😀
و نزلت آيات التيمم بسبب عقد أمنا عائشة
---------------
يشوف عيل صغير اسمه عمير ، كان عنده عصفور اسمه النغير بيحبه و بيلعب معاه .. يقوم يقوله يا عمير ما فعل النغير ؟! 🙂 ... النغير عامل إيه 😀 ..
---------------
يبقى بيتوضأ فتدخل عليه قطة يقوم يبصلها بصة كلها رحمة و يميل لها الإناء فتشرب منه لحد ما ترتوي 😊
---------------
و هو داخل المدينة العيال الصغيرة كانوا ملمومين حواليه
بصلهم و قال : " أتحببنني ؟! "
قالوا بلى يا رسول الله
قال " و أنا والله أحبكم 😊 "
ذاك رسول الله " محمد " صلى الله عليه و سلم ^_^
