الطريق إلى الله

سؤال

ممكن أسألك فى سؤال 😊

هو لو واحد وقفك فى الشارع وقالك ممكن امسك ايدك هتوافقى ؟

لا طبعا

طيب هو ليه لما بتتخطبى بتسيبى خطيبى يمسك ايدك عادى ويهريها فعص

سورى يعنى ما هو ده اللى بيحصل

وكأنه مجرد ما لبستى الدبله وبقى خطيبك خلاص بقى عادى

يمسك ايدك ويأنجج فيكى وتخرجى معاه لوحدكوا

على فكرة هو لسه محرم عليكى ولسه مش حلالك

يعنى ماينفعش تخرجى انتى وخطيبك لوحدكم

واحدة عسولة رقيقة كده هتقول يعنى ايه ؟
ما نخرجش مع بعض ؟

لا اخرجى يا حبيبتى

بس راعى الضوابط . اللى هى ايه ؟

اللى هى يا ستى

تخرجى معاه وتاخدى حد محرم معاكى

وما تمسكيش ايده .. ولو جه يمسك ايدك وانتوا بتعدوا الطريق ما تخليهوش يمسكها :)

و ما تسيبهوش يمسكها يا فوزية :))))))))
علشان لما يجى يمسكها بعد كتب الكتاب هيبقى ليها طعم تانى خاااااااااالص

هتشوفى لهفه فى عنيه عليكى ما شوفتيها قبل كده ..

قلبك هيدق وكأنه أول مرة يدق :)

عنيكى هتلمع كده وكأنك عمر ما حد مسك ايدك قبل كده

كأنك مكنش عندك ايد اصلا :)

ها اختارى بين مسك الايد فى الخطوبة وهى حرام وتفضل نفسك تأنبك كده وتحسى انك بتعملى حاجه غلط

وانه يمسكها لاول مرة بعد كتب الكتاب فى الحـلال

ياااااااااه والله العظيم فرق كبير اوى ..

كفاية بس انه الاولانية ربنا مش راضى عنكوا

والتانية ربنا بيحبكوا والملايكة بتبارك زواجكم

مش عايزة اطول عليكم

بس هقول للشباب بقى حاجه :)

اكيد من جواك نفسك تمسك ايد خطيبتك

خاصه انه انت بتشوف حاجات كتير اوى

بس افتكر دايما حديث النبى صلى الله عليه وسلم

عن معقل بن يسار أن رسول الله صلى الله عليه وسلم قال: "لأن يطعن في رأس أحدكم بمخيط من حديد خير له من أن يمس امرأة لا تحل له" رواه الطبراني والبيهقي.

وعن عائشة رضي الله عنها قالت:" والله ما أخذ رسول الله صلى الله عليه وسلم النساء قط إلا بما أمره الله تعالى، وما مست كف رسول الله صلى الله عليه وسلم كف امرأة قط، وكان يقول لهن إذا أخذ عليهن البيعة: "قد بايعتكن كلاما".

ربنا يسعدكم بس فى الحلال وبالحلال <3

ربنا يثبتكم كده ويجعلكم ازواج وزوجات صالحات :)