اشلي : الو صباح الخير انتي فين يا اليكس اتأخرتي اوي
اليكس : انا خلاص في الطريق اهو بس الدنيا زحمه
اشلي : قدامك قد ايه يعني ؟
اليكس : انا قدامي ربع ساعه بس
اشلي : بتهزري كتير ربع ساعه يلا بسرعه باي
اشلي دي بنت عندها 19 سنه في 2 جامعه عندها 3 اخوات وعايشه مع باباها وماماتها وليها صحاب كتير اوي بس اعز اصحاب ليها هما اليكس و جرانت اللي المفروض ان اشلي مستنياهم في الشارع والجو حر واليكس متأخره عن معادها كتير وجرانت مش جاي في معادو هو كمانوكده اول محاضره هتفوتهم . رن تليفون اشلي وردت
اشلي : الو انت فين يا جرانت
جرانت : انا جاي في الطريق اهو قدامي تلات دقايق
اشلي : طيب بسرعه يلا انا واقفه مستنياكووالهانم اليكس لسه مجتش
جرانت : انا خلاص داخل على المكان اهو
وصل جرانت وسلم على اشلي واليكس جت بعدو ب 10 دقايق
اشلي : انتو اتأخرتو اوي على فكره اول محاضره هتضيع علينا
جرانت : مش مستاهله متزعليش نفسك طظ في المحاضره
اليكس : لا والله خف يا عم روميو يلا نلحق المحاضره
اشلي : اليكس عندها حق خف ويلا عشان المحاضره
راحواليكس واشلي وجرانت على الجامعه عشان يلحقوا المحاضره . اليكس المفروض انها طيبه اوي وجدعه وبتعز اشلي اوي واشلي بتحبها وبتعزها اوي والجامعه كلها عارفه انهم صحاب جدا اما جرانت بقى فهو المفروض انه ولد جدع جدا والجامعه كلها بتحبه وعارفه دا وبيحب يساعد كل الناس وبيحب اشلي اوي بس دا جاب المشاكل وبس.
وصلوا الجامعه ودخلوا المحاضره متأخرين والدكتور طردهم ورفض يدخلهم المحاضره , خرجوا مكسوفيين اوي واشلي كانت متعصبه وهتطق منهم وهما خارجين يضحكوا ولا فارق معاهم
اليكس : وبعدين هنعمل ايه ؟
اشلي : مش عايزه اسمع صوتك انتي السبب اننا اتأخرنا
جرانت : خلااااااص يا اشلي اللي حصل حصل متكبريش الموضوع
اشلي : اكبر الموضوع ؟ الامتحانات بتاعت الميد تيرم قربت واحنا قاعدين نلعب وبقيت بكبر الموضوع
اليكس : اشلي عندها حق يا جرانت الامتحانات على الابواب وحنا ولا في دماغنا
جرانت : انا غلطان كنت سيبتها تاكلك
زاك : هاي يا جماعه عاملين ايه ؟
الكل : اهلا
زاك : مالكو ؟
اشلي : اتأخرنا على المحاضره واتطردنا والبركه فيهم
زاك : هههههههههههههههههه احسن عشان تبقوا تتأخروا
جرانت بيبص لزاك بسخريه : دا على اساس انك جاي بدري
زاك : ما علينا يلا نقعد في اي حته لحد ما المحاضره التانيه تبدا
راحوا كلهم قعدوا في الكافتريا بتاعت الجامعه يشربوا حاجه لحد ما تبدأ المحاضره , قعدوا يتكلموا و المفروض ان زاك واليكس مرتبطين بس اليكس غاويه مشاكل مع زاك .
جه معاد اللمحاضره التانيه ودخلوا يحضروا وهما قاعدين في المحاضره رن موبايل اشلي وكانت ناسيه تعملو صامت الدكتور زعقلها وطردها خرجت محرجه وكانت هتعيط بس مسكت نفسها و فتحت الموبايل بعصبيه تشوف مين السبب في طردها واول ما فتحت الموب وشافت المتصل فرحت اوي ونسيت زعلها واحراجها واتصلت على لوجان ( اللي هوا البوي فريند بتاعها ) واستنت يرد
اشلي : الو لوجان واحشني
لوجان : عايز اشوفك ضرووري
اشلي : مالك في ايه
لوجان : قابليني بعد الجامعه النهارده لازم نتكلم مستنيكي في الكافيه بتاعنا
قفلت اشلي وكانت قلقانه اوي ومخضوضه من طريقة كلام لوجان لانه كان متضايق اوي وصوته زعلان
...................................................................................................................................................................................
البارت الاول كدا خلص يا ترى لوجان مالو وايه الضروري اللي هوا عايزه منها ؟
أنت تقرأ
الاندفاع نحو المجهول - Rush Into The Unknown
Teen Fictionغامرت بكل حاجه عشان خاطر نفسها وللاسف خسرت كل حاجه وخسرت نفسها, دي آشلي بنت عاشت في الوهم عشان ترضي غرورها وانانيتها ولكنها مرضتش لا دا ولا دا يا ترى عملت ايه وضحت بأيه؟ هنعرف كل دا في " الاندفاع نحو المجهول "
