اصوات غريبه حوالين اشلي اللي المفروض انها مش عارفه ايه اللي حصلها لحد دلوقتي ومش فاهمه الاصوات اللي كانت حواليها دي فين , سامعه اصوات ناس بتتكلم ومش عارفه مين اللي بيتكلم غير ان لوجان بيتكلم مع حد بس هوا مين . اشلي ابتدت تفتح عنيها وتحاول تعرف هي فين , فتحت عنيها على مكان ابيض واجهزه طبيه حواليها ومتوصله بجسمها وحاسه بألم رهيب في جسمها كله وبتحاول تفوق ,الرؤيه مهزوزه قدام عنيها ومش شايفه كويس دقايق والرؤيه بتوضح وتلاقي لوجان قدامها وعنيه حمرا من كتر العياط والخوف عليها وملامح القلق على وجهه.
لوجان : اشلي حبيبتي انتي كويسه ؟ طمنيني
اشلي بصعوبه : أ..أنا ... فين
لوجان : انتي حاسه بحاجه وجعاكي ؟
اشلي : انا كل جسمي بيوجعني
لوجان : ثواني هنادي الدكتور
الدكتور : انا هنا مش محتاج تناديني , طمنينا عليكي عامله ايه دلوقتي
اشلي : كل جسمي تاعبني
الدكتور : طبيعي بعد الحادثه المريعه اللي عملتيها انتي كويس انك عايشه
اشلي : حادثة ايه انا مش فاكره حاجه
لوجان : ازاي مش فاكره ؟
الدكتور : انتي متأكده انك مش فاكره اي حاجه
اشلي : انا فاكره كل حاجه لحد ما كنت رايحه اقابل لوجان
لوجان : دكتور ازاي هي م ...
الدكتور قاطع لوجان : عايزك برا دقيقه
الدكتور قال اللي لوجان مكنش يتوقعه
لوجان : طمني يا دكتور ازاي هي مش فاكره
الدكتور : دا في الطب بنسميه فقدان جزئي مؤقت للذاكره , يعني هي فقدت جزء من ذاكرتها موقتاً بسبب الصدمه اللي نتجت عن الحادث
لوجان : دا خطير ولا لأ ؟ وله علاج ؟
الدكتور : اولاً مش خطير ثانياً له علاج طبعاً بس لو كنت قلتلك قدامها كان ممكن دا يأثر على العلاج النفسي
لوجان : نفسي ؟؟؟
الدكتور : اكيد . دي صدمه عصبيه محتاجه طبيب نفسي يعالجها ومش هتاخد وقت كتير في العلاج
لوجان : طيب دلوقتي هنقولها ايه ؟
الدكتور : مش هنقولها حاجه هي لوحدها هتبتدي تفتكر ولما تبتدي تفتكر يجي دور الطبيب النفسي .
لوجان مكنش مصدق اللي بيسمعه وكان مصدوم وحزين اوي على اشلي , كان ندمان اوي وحاسس بالذنب لأنه متخيل ان دا كله بسببه, دخل على اشلي اللي كانت عماله تعيط لما لقت دراعها متجبس ورجلها كمان متجبسه ودماغها كانت ملفوفه بشاش , كان صعبان عليها نفسها اوي من اللي هي فيه . اول ما شافها لوجان بتعيط راح قعد جمبها وخدها في حضنه وطبطب عليها وحاول يعرف مالها.
أنت تقرأ
الاندفاع نحو المجهول - Rush Into The Unknown
Teen Fictionغامرت بكل حاجه عشان خاطر نفسها وللاسف خسرت كل حاجه وخسرت نفسها, دي آشلي بنت عاشت في الوهم عشان ترضي غرورها وانانيتها ولكنها مرضتش لا دا ولا دا يا ترى عملت ايه وضحت بأيه؟ هنعرف كل دا في " الاندفاع نحو المجهول "
